விஜய்யின் ஆசீர்வாதத்துடன் தொடங்கிய சதிஷின் புதிய படம்

இயக்குனர் லோகேஷ் கனகராஜிடம் இணை இயக்குனராக பணியாற்றி வெங்கி இயக்கத்தில் சதிஷ் புதிய படத்தில் நடிக்கவுள்ளார். இதில் கதாநாயகியாக சிம்ரன் குப்தா நடிக்கிறார். இப்படத்தை அருள்நிதி நடிப்பில் வெளியான தேஜாவு படத்தை தயாரித்த வைட் கார்ப்பட் ஃபிலிம்ஸ் சார்பில் கே.விஜய் பாண்டி தயாரிக்கிறார்.

மேலும் ஆனந்தராஜ், ஜான் விஜய், ரமேஷ் திலக், தங்கதுரை, மதுசூதனன் உள்ளிட்ட பலர் நடிக்கின்றனர். இப்படத்தின் பூஜை நேற்று தொடங்கியது, இதில் இயக்குனர் லோகேஷ் கனகராஜ் கலந்து கொண்டார். இதன் படப்பிடிப்பு விரைவில் தொடங்கவுள்ள நிலையில், நடிகர் விஜய்யின் ஆசீர்வாதத்துடன் படத்தை தொடங்குகிறோம் என்று விஜய்யுடன் சதிஷ் மற்றும் படக்குழு இருக்கும் புகைப்படத்தை படக்குழு வெளியிட்டுள்ளது.