'அமரன்' வெற்றிக்கு அனைவரும் இதயப்பூர்வமாக பணியாற்றியுள்ளதாக சூர்யா பாராட்டு

இயக்குனர் ராஜ்குமார் பெரியசாமி இயக்கத்தில், நடிகர் சிவகார்த்திகேயன், நடிகை சாய் பல்லவி நடித்த, 'அமரன்' திரைப்படம் தீபாவளி அன்று வெளியானது. மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து தயாரிக்கப்பட்டுள்ள இப்படத்தில், முகுந்த் வரதராஜன் கதாபாத்திரத்தில் சிவகார்த்திகேயனும், முகுந்தின் மனைவி இந்து ரெபேக்கா கதாபாத்திரத்தில், சாய் பல்லவியும் நடித்துள்ளனர்.

ரசிகர்களின் மத்தியில் வரவேற்பை பெற்று இப்படம் வசூலில் சாதனை படைத்து வருகிறது. மேலும் இத்திரைப்படத்தை பார்த்து பல திரைப்பிரபலங்கள், அரசியல் பிரமுகர்கள் என அனைவராலும் பாராட்டப்பட்டு வருகிறது.

அந்த வகையில், நடிகர் சூர்யா 'அமரன்' படத்தை பாராட்டி உள்ளார். இதுதொடர்பாக சூர்யா கூறியுள்ளதாவது, 'அமரன்' படத்தின் மூலம் மேஜர் முகுந்த் மற்றும் இந்து ரெபேக்காவின் உலகத்தை காண முடிந்தது. இப்படத்தில் அனைவரும் இதயப்பூர்வமாக பணியாற்றியுள்ளனர். படத்தின் வெற்றிக்கு பாராட்டுகள் என சூர்யா தெரிவித்துள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.