'விடுதலை 2' இசை வெளியீட்டு விழாவில் வெற்றிமாறன் அப்செட்
- விழாவில் இளையராஜா, வெற்றிமாறன், விஜய் சேதுபதி, சூரி உள்ளிட்ட படக்குழுவினர் பலர் கலந்து கொண்டனர்.
- 2020-ம் ஆண்டு ஆரம்பித்த இந்த படம் தொடர்பான அனுபவங்களை குறித்து பேசினார்.
இயக்குனர் வெற்றிமாறன் விடுதலை இரண்டாம் பாகத்தை இயக்கியுள்ளார். இதில் சூரி, விஜய் சேதுபதி, மஞ்சு வாரியர், அட்டக்கத்தி தினேஷ் ஆகியோர் நடித்துள்ளனர். 'விடுதலை 2' திரைப்படம் அடுத்த மாதம் 20-ந் தேதி வெளியாகவுள்ளது.
இதையடுத்து, 'விடுதலை 2' படத்தின் இசை மற்றும் டிரெய்லர் வெளியீட்டு விழா சென்னையில் நடைபெற்றது. படத்தின் டிரெய்லரை படக்குழு வெளியிட்டது. படத்தின் டிரெய்லர் காட்சிகள் மிகவும் விறுவிறுப்பாக அமைந்துள்ளது.
இந்த விழாவில், இளையராஜா, வெற்றிமாறன், விஜய் சேதுபதி, சூரி உள்ளிட்ட படக்குழுவினர் பலர் கலந்து கொண்டனர். அப்போது இயக்குனர் வெற்றி மாறன் பேசுகையில், 2020-ம் ஆண்டு ஆரம்பித்த இந்த படம் தொடர்பான அனுபவங்களை குறித்து பேசினார். இதனை தொடர்ந்து படத்தில் பணியாற்றிய அனைவருக்கும் நன்றி தெரிவித்து அவர் பேசிக்கொண்டிருக்கையில் அருகில் இருந்த ஒருவர் வெற்றிமாறனிடம் பெயர் சொல்லல என்று கூற அதற்கு வெற்றிமாறன், நான் தான் யார் பெயரையும் சொல்லவில்லை என சொல்லிவிட்டேன். அப்புறம் ஏண்டா... டீம் என்றால் எல்லாரும் தானே... என்று சொல்லி நன்றி சொல்லிவிட்டு வேகமாக தனது இருக்கைக்கு சென்று விட்டார்.
இதனால் அங்கு சற்று நேரம் பரபரப்பு ஏற்பட்டது.