இளைய ராஜா படத்துல வேலை பார்த்ததை பெரும் பாக்கியவானாக கருதுகிறேன்- விஜய் சேதுபதி

இயக்குனர் வெற்றிமாறன் விடுதலை இரண்டாம் பாகத்தை இயக்கியுள்ளார். இதில் சூரி, விஜய் சேதுபதி, மஞ்சு வாரியர், அட்டக்கத்தி தினேஷ் ஆகியோர் நடித்துள்ளனர். 'விடுதலை 2' திரைப்படம் அடுத்த மாதம் 20-ந் தேதி வெளியாகவுள்ளது.

இந்நிலையில், 'விடுதலை 2' படத்தின் இசை மற்றும் டிரெய்லர் வெளியிட்டு விழா சென்னையில் நடைபெற்றது. படத்தின் டிரெய்லரை படக்குழு வெளியிட்டது. படத்தின் டிரெய்லர் காட்சிகள் மிகவும் விறுவிறுப்பாக அமைந்துள்ளது. இந்த பாகத்தில் விஜய் சேதுபதியின் இளம் வாழ்க்கையை காட்சி படுத்தியுள்ளனர். டிரெய்லர் காட்சிகள் சமூக வலைத்தளங்களில் வைரலாகி வருகிறது.

இந்நிகழ்ச்சியில் நடிகர் விஜய் சேதுபதி பேசியதாவது:- ராஜா சார் இருக்கிற காலத்தில அவருடைய இசையை ரசிக்கிறது நான் பெரும் தவம் இருந்து வாங்கி வந்த வரமாக நினைக்கிறேன். அப்படி இருக்கிற ஒருத்தனுக்கு அவருடன் பழகுறது, அவரது ஸ்டூடியோவில் இருக்குறது...

அவர்கிட்ட இருந்து ஒரு மெசேஜ் வந்தது, அவர் கிட்ட இருந்து கால் வந்தது, அவர் படத்துல வேலை பார்த்தது இப்படி பல வரன்களை வாங்கி வந்த ஒரு பெரும் பாக்கியவானாக நான் கருதுகிறேன். இந்த மேடையில் அவரோடு இருக்கறதும் சரி. எனக்கு அவர் இசையமைக்கிற படத்துல நடிக்கிறதுக்கு வாய்ப்பு கிடைச்சுருக்கு. அவரின் இசையில் மட்டுமல்ல பேச்சுக்கள் மூலமாகவும் நிறைய விஷயங்கள் கத்துக்கிறேன். ராஜா சார் ஐ லவ் யூ....

விடுதலை 2 படத்தை பற்றி பேசினோம் என்றால் இது முழுக்க முழுக்க வெற்றிமாறன் என்ற இயக்குனர் மட்டுமே உரிமை கொண்டாட கூடிய ஒரு படம். அவர் இந்த படத்தை பண்றதுக்கு நாங்க எல்லாம் உறுதுணையாக இருந்தோம் என்பதே எங்களுக்கு பெருமையா இருக்கு. இது அவ்வளவு எளிதில உருவாக்ககூடிய படமே கிடையாது. நான் பி.காமை மூன்று வருஷம் படிச்சேன். வெற்றி மாறன் என்ற யூனிவர்சிட்டில விடுதலை என்ற டிகிரியை நாலு வருஷம் படிச்சி வாங்கியிருக்கேன் நான். இந்த படத்தோட வாத்தியார் வெற்றி மாறன் சார்தான் என்றார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.