ரிலீஸ் டீசர் ரெடி.. தக் லைஃப் புது அப்டேட் வெளியீடு

இயக்குநர் மணிரத்னம், கமல் ஹாசன் கூட்டணியில் உருவாகி வரும் திரைப்படம் "தக் லைஃப்." கமல் ஹாசன் மற்றும் மணி ரத்னம் இந்த படத்தின் மூலம் சுமார் 34 ஆண்டுகளுக்கு பிறகு இணைந்துள்ளனர். தக் லைஃப் படத்தில் கமல்ஹாசனுடன் சிம்பு, திரிஷா, நாசர், அபிராமி, கௌதம் கார்த்திக், ஜோஜூ ஜார்ஜ், ஐஸ்வர்யா லட்சுமி மற்றும் பலர் நடித்துள்ளனர்.

இந்த படத்திற்கு ஏ.ஆர். ரகுமான் இசையமைத்துள்ளார். இந்த படத்தை ராஜ்கமல் ஃபிலிம்ஸ் இண்டர்நேஷனல் மற்றும் மெட்ராஸ் டாக்கீஸ் இணைந்து தயாரிக்க ரெட் ஜெயண்ட் மூவிஸ் நிறுவனம் வெளியிட இருக்கிறது. தக் லைஃப் படத்தின் படப்பிடிப்பு பணிகள் நிறைவடைந்துள்ளது.

கமல்ஹாசன் பிறந்த நாளான நாளை (நவம்பர் 7) காலை 11 மணிக்கு தக் லைஃப் படத்தின் ரிலீஸ் தேதி குறித்த அப்டேட் அடங்கிய வீடியோவை வெளியிட இருப்பதாக தற்போது அறிவித்து இருக்கிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.