இயக்குனரை அலைய விடும் நடிகர்

கோலிவுட்டில் அறிமுகமான முதல் படத்திலேயே முத்திரை பதித்த இயக்குனர் ஒருவர், அடுத்தடுத்து கமெர்ஷியல் ஹிட் படங்களை கொடுத்து குறுகிய காலத்திலேயே முன்னணி இயக்குனராக உயர்ந்தாராம். அக்கட தேசத்தை சேர்ந்த முன்னணி நடிகர் ஒருவர், தான் நடிக்கும் படத்தை இயக்க அந்த இயக்குனரை ஒப்பந்தம் செய்து, தனக்காக ஒரு கதை தயார் செய்யும்படி கூறினாராம்.

அதிக சம்பளத்துடன் வந்த அந்த வாய்ப்புக்கு ஓகே சொல்லி, கதை ஒன்றை நடிகரிடம் கூறினாராம் அந்த இயக்குனர். அவர் சொன்ன கதை பிடிக்காததால், தனக்கு ஏற்றவாறு கதையில் மாற்றங்களை செய்யுமாறு சொல்லி அலைய விடுகிறாராம் அந்த நடிகர். இதனால் அதிருப்தி அடைந்த இயக்குனர், ‘பேசாம தமிழ் படங்களையே இயக்கி இருக்கலாமோ’ என புலம்பி வருகிறாராம்.