வேலூர் பேக்கரி பெண் ஊழியரிடம் செயின் பறிப்பு

வேலூர்:

வேலூர் அருகே உள்ள அரியூர் தென்றல் நகரை சேர்ந்தவர் சுலோச்சனா (வயது 52). வேலூர் காட்பாடி ரோட்டில் உள்ள பிரபல பேக்கரி ஒன்றில் வேலை செய்து வருகிறார். 

இவர் நேற்று இரவு வேலை முடிந்து வீட்டிற்கு சென்றார். வீட்டு உரிமையாளரிடம் வாடகை கொடுத்து விட்டு தென்றல் நகரில் உள்ள தெருவில் நடந்து சென்று கொண்டிருந்தார்.

இதனை நோட்டமிட்ட மர்ம நபர்கள்2 பேர் முகத்தில் கைக்குட்டை கட்டியபடி பைக்கில் பின்தொடர்ந்து வந்தனர்.

திடீரென அவர்கள் சுலோச்சனா அணிந்திருந்த 2.50 பவுன் தங்க செயினை பறித்தனர். இதனால் திடுக்கிட்ட சுலோச்சனா கத்தி கூச்சலிட்டார்.

அதற்குள் மர்ம நபர்கள் அணைக்கட்டு சாலை வழியாக தப்பி சென்று விட்டனர். இது குறித்து சுலோச்சனா அரியூர் போலீசில் புகார் அளித்தார்.

போலீசார் வழக்குப்பதிவு செய்து செயின் பறித்து சென்ற வாலிபர்களை தேடி வருகின்றனர். இந்த சம்பவத்தால் அந்த பகுதியில் உள்ள பெண்கள் அச்சம் அடைந்துள்ளனர்.