அம்மன் கோவில்களில் சிறப்பு வழிபாடு

கரூர்:

கரியாம்பட்டி அங்காள பரமேஸ்வரி அம்மன் கோவிலில் தை மாத கடைசி வெள்ளிக்கிழமையை முன்னிட்டு அம்மனுக்கு பால், தயிர், பன்னீர், இளநீர், சந்தனம் உள்ளிட்ட 18 வகையான வாசனை திரவியங்களால் அபிஷேகம் நடைபெற்றது. தொடர்ந்து மலர்களால் அலங்காரம் செய்யப்பட்டு தீபாராதனை காட்டப்பட்டது. இதேபோல் தவிட்டுப்பாளையம், புன்னம், நத்தமேடு திருக்காடுதுறை உள்பட நொய்யல் சுற்றுவட்டார பகுதியில் உள்ள அம்மன் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.