டெல்லியில் வரும் 13 ஆம் தேதி ராகுல்காந்தி தேர்தல் பிரசாரம்

டெல்லி சட்டசபை தேர்தல் பிப்ரவரி 5-ந்தேதி நடைபெறும் என்றும் வாக்கு எண்ணிக்கை பிப்ரவரி 8-ந்தேதி நடைபெறும் என்று தேர்தல் ஆணையம் அறிவித்துள்ளது.

டெல்லி தேர்தலில் ஆம் ஆத்மி, காங்கிரஸ், பாஜக ஆகிய கட்சிகள் தனித்தனியாக போட்டியிடுவதால் மும்முனை போட்டி ஏற்பட்டுள்ளது.

டெல்லியில் காங்கிரஸ் கட்சி ஆட்சி அமைத்தால் ஜீவன் ரக்ஷா யோஜனா திட்டத்தின் கீழ் ஒவ்வொரு குடும்பத்திற்கும் 25 லட்ச ரூபாய்க்கு மருத்துவ காப்பீடு வழங்கப்படும் என்றும் பெண்களுக்கு மாதம் ரூ.2,500 ஊக்கத் தொகை வழங்கப்படும் என்றும் காங்கிரஸ் கட்சி அறிவித்துள்ளது.

இந்நிலையில், காங்கிரஸ் எம்.பி.யும், மக்களவை எதிர்க்கட்சித் தலைவருமான ராகுல் காந்தி வரும் ஜனவரி 13-ம் தேதி டெல்லியில் நடைபெறும் தேர்தல் பொதுக்கூட்டத்தில் உரையாற்றுவார் என தற்போது செய்திகள் வெளியாகியுள்ளன.