சிட்னி டெஸ்டிலும் வெல்வோம்: எங்களை இனி தடுக்க முடியாது- விராட் கோலி உற்சாகம்

மெல்போர்ன் ‘பாக்கிங் டே’ டெஸ்டில் வெற்றி பெற்றது குறித்து இந்திய அணி கேப்டன் விராட் கோலி கூறியதாவது:-

நாங்கள் பேட்டிங், பந்துவீச்சு, பீல்டிங்கில் ஆகிய 3 துறைகளிலும் சிறப்பாக செயல்பட்டோம். குறிப்பாக பந்துவீச்சாளர்கள் அபாரமாக விளையாடி இந்த வெற்றியை தேடித்தந்தார்கள். பாராட்டுகள் அனைத்தும் பும்ராவிற்கே.

பேட்டிங்கை பொறுத்தவரை புஜாரா தொடர்ந்து சிறப்பாக செயல்படுகிறார். புதுமுக வீரர் அகர்வாலும் மெல்போர்ன் டெஸ்டிலும் நன்றாக விளையாடினார். எங்கள் அணியின் வெற்றியை இனி யாரும் தடுக்க முடியாது. சிட்னியில் நடைபெறும் 4-வது டெஸ்ட் போட்டியிலும் வெற்றி பெறுவோம். மெல்போர்ன் டெஸ்ட் வெற்றி எங்களது நம்பிக்கை அதிகரித்துள்ளது.



ஆஸ்திரேலிய மண்ணில் டெஸ்ட் தொடரை வெல்லும் முதல் இந்திய கேப்டன் நானாக இருப்பேனா? என்பது தெரியாது. நேர்மையான பதிலும் அளிக்க இயலாது. மெல்போர்ன் டெஸ்டில் ‘பாலோஆன்’ கொடுக்காதது குறித்து விமர்சனம் செய்கிறார்கள். இதுபற்றி நான் கவலைப்படவில்லை. மேலும் ரன்களை சேர்க்க விரும்பினோம். 4-வது மற்றும் 5-வது நாள் ஆட்டத்தில் பேட்டிங் செய்வது மிகவும் கடினமானது.

இவ்வாறு அவர் கூறினார்