சென்னை-டெல்லி விமானம் ரத்து: பயணிகள் அவதி

ஆலந்தூர்:

டெல்லியில் இருந்து சென்னைக்கு வழக்கமாக காலை 8:50 மணிக்கு பயணிகள் விமானம் வந்து சேரும். அந்த விமானம் மீண்டும் சென்னையில் இருந்து டெல்லிக்கு காலை 10.05 மணிக்கு புறப்பட்டு செல்லும். அந்த விமானம் இன்று காலை டெல்லியில் இருந்து சென்னைக்கு வரவில்லை.

நிர்வாக நடைமுறை காரணங்களால், அந்த விமானம் வரவில்லை என்று கூறப்படுகிறது. இதையடுத்து சென்னையில் இருந்து இன்று காலை 10.05 மணிக்கு, டெல்லிக்கு புறப்பட்டு செல்ல வேண்டிய விமானம் ரத்து செய்யப்பட்டது. இதனால் அதில் பயணம் செய்யவந்த சுமார் 140 பயணிகள் அவதி அடைந்தனர். அவர்கள் மாற்று விமானங்களில் டெல்லி செல்வதற்கு ஏற்பாடுகள் செய்யப்பட்டது.