கோயம்பேடு மார்க்கெட்டில் பூக்கள் விலை அதிகரிப்பு

போரூர்:

கோயம்பேடு பூ மார்க்கெட்டுக்கு காஞ்சிபுரம், திருவள்ளூர், திருவண்ணாமலை, ஓசூர் ஆகிய பகுதிகளில் இருந்து தினமும் பூக்கள் விற்பனைக்கு வருகிறது.

இன்று முகூர்த்த நாளையொட்டி 35-க்கும் மேற்பட்ட வாகனங்களில் வந்து பூக்கள் குவிந்தது. அதிகாலை முதலே சில்லரை வியாபாரிகள் மற்றும் பொதுமக்கள் பூ மார்க்கெட்டில் அதிகளவில் குவிந்தனர். இதனால் பூ விற்பனை விறுவிறுப்பாக நடந்தது.

கடந்த 2 நாட்களுக்கு முன்பு ஒரு கிலோ ரூ.250-க்கு விற்ற மல்லிகைப்பூ இன்று விலை அதிகரித்து ரூ.450-க்கு விற்கப்பட்டது. இதேபோல் ஒரு கிலோ ரூ.500-க்கு விற்ற கனகாம்பரம் ரூ.700-க்கு விற்கப்படுகிறது.

இதுகுறித்து பூ மொத்த வியாபாரி ஒருவர் கூறும்போது, தற்போது பூக்கள் சீசன் இல்லாததால் வரத்து பாதியாக குறைந்து விட்டது. சாமந்தி பூ ஒரு கிலோ ரூ.200-க்கு விற்கப்படுகிறது. அதேபோல் முகூர்த்த நாள் என்பதால் மல்லிகைப் பூ மற்றும் கனகாம்பரம் விலை அதிகரித்து உள்ளது. இனி வரும் நாட்களில் பூக்கள் விலை குறைய வாய்ப்பு உள்ளது என்றார்.

கோயம்பேட்டில் பூக்கள் விலை விபரம் வருமாறு (கிலோவில்):-

சாமந்தி-ரூ.200, மல்லி-ரூ.450, முல்லை-ரூ.250, பன்னீர் ரோஜா-ரூ.100, சாக்லேட் ரோஜா-ரூ.120, கனகாம்பரம்-ரூ.700, அரளி-ரூ.200, சம்பங்கி-ரூ.80.