நாமும் சரியாத்தான் 'லேன்ட்' ஆகி இருக்கோம்'... எடப்பாடி பழனிசாமி உற்சாகம்

சந்திரயான் விண்கலம் நிலவில் சரியாக லேன்ட் ஆனதும் நாடே உற்சாகமானது. அ.தி.மு.க. பொதுச் செயலாளர் எடப்பாடி பழனிசாமியும் விஞ்ஞானிகளுக்கு வாழ்த்து தெரிவித்தார்.

எடப்பாடி பழனிசாமியிடம் இதுபற்றி பேசிக் கொண்டிருந்த நிர்வாகிகளிடம் ஒருவர் நாமும் சரியான நேரத்தில் சரியாக லேன்ட் ஆகியிருக்கோம்னே என்று மதுரை மாநாட்டை சுட்டிக் காட்டி பேசி இருக்கிறார்.

அதை கேட்டு எடப்பாடி பழனிசாமியும் உற்சாகம் அடைந்துள்ளார். மாநாட்டு திடலில் 85 ஆயிரம் இருக்கைகள் போடப்பட்டிருந்ததாம். திரண்டவர்கள் எண்ணிக்கை 2½ லட்சத்துக்கு குறையாது என்று மத்திய உளவுத்துறையும் டெல்லிக்கு அனுப்பி இருக்கிறாம்.

நம்முடைய பலத்தை காட்டி விட்டோம். இனி கூட்டணி, தொகுதி பங்கீடு எதிலும் பா.ஜனதா நெருக்கடி கொடுக்காது என்பதே எடப்பாடி பழனிசாமியின் உற்சாகத்துக்கு காரணம் என்கிறார்கள் ரத்தத்தின் ரத்தங்கள்.