அரியானா

அரியானா மாநில சட்டசபையின் 5 ஆண்டு பதவிக்காலம் அடுத்த மாதம் (நவம்பர்) 3-ந் தேதியுடன் நிறைவு பெறுகிறது. இதையடுத்து அங்கு புதிய சட்டசபை அமைப்பதற்கான தேர்தலை நடத்துவதற்கு தலைமை தேர்தல் ஆணையம் ஏற்பாடுகள் செய்துள்ளது.

வருகிற 5-ந் தேதி அந்த மாநிலத்தில் தேர்தல் நடைபெற உள்ளது. அரியானா சட்டசபை மொத்தம் 90 தொகுதிகளின் பிரதிநிதித்துவம் கொண்டது. 90 தொகுதிகளிலும் 1,031 வேட்பாளர்கள் களத்தில் உள்ளனர்.

இந்நிலையில், முன்னாள் எம்.பி. அஷோக் தன்வார் பாஜக கட்சியில் இருந்து விலகி காங்கிரஸ் கட்சியில் இணைந்துள்ளார்.

இன்று காலையில் பாஜக பொதுக் கூட்டத்தில் பேசிவிட்டு, அடுத்த 2 மணி நேரத்தில் ராகுல் காந்தி முன்னிலையில் காங்கிரஸில் முன்னாள் எம்.பி. அஷோக் தன்வார் இணைந்தது பரபரப்பை ஏற்படுத்தியுள்ளது.

கடந்த 5 ஆண்டுகளில் இவர் 4 முறை வெவ்வேறு கட்சிகளுக்கு தாவியுள்ளார். 2019ல் காங்கிரசில் இருந்து விலகி, 2021ல் திரிணாமுல் காங்கிரஸில் இணைந்தார். பின்பு அடுத்த ஆண்டே திரிணாமுல் காங்கிரஸ் கட்சியை விட்டு வெளியேறி ஆம் ஆத்மி கட்சிக்கு தாவினார். அதன் பிறகு அங்கிருந்து பாஜகவுக்கு சென்ற அவர், 2024 தேர்தலில் போட்டியிட்டு தோல்வி பெற, பாஜகவில் இருந்து விலகி மீண்டும் காங்கிரசுக்கே திரும்பியுள்ளார். 

புதுடெல்லி:

அரியானா மாநில சட்டசபையின் 5 ஆண்டு பதவிக்காலம் அடுத்த மாதம் (நவம்பர்) 3-ந் தேதியுடன் நிறைவு பெறுகிறது.

இதையடுத்து அங்கு புதிய சட்டசபை அமைப்பதற்கான தேர்தலை நடத்துவதற்கு தலைமை தேர்தல் ஆணையம் ஏற்பாடுகள் செய்துள்ளது. வருகிற 5-ந் தேதி அந்த மாநிலத்தில் தேர்தல் நடைபெற உள்ளது.

அரியானா சட்டசபை மொத்தம் 90 தொகுதிகளின் பிரதிநிதித்துவம் கொண்டது. 90 தொகுதிகளிலும் 1,031 வேட்பாளர்கள் களத்தில் உள்ளனர். இவர்களில் 462 பேர் சுயேட்சை வேட்பாளர்கள் ஆவார்கள்.

அரியானாவில் கடந்த 2 தேர்தல்களில் பா.ஜ.க. வெற்றிபெற்று ஆட்சி அமைத்துள்ளது. 2014-ம் ஆண்டு தேர்தலில் பா.ஜ.க.வில் மொத்தம் உள்ள 90 இடங்களில் 47 இடங்களை கைப்பற்றி இருந்தது. 2019-ம்ஆண்டு தேர்தலில் 40 இடங்களில் வெற்றிபெற்றது.

இந்த நிலையில் 3-வது முறையாகவும், அரியானாவில் ஆட்சியை கைப்பற்ற பா.ஜ.க. தீவிரமாக உள்ளது. பா.ஜ.க.வுக்கு சவால் விடும் வகையில் காங்கிரஸ்-ஆம் ஆத்மி கட்சிகள் கூட்டணி அமைத்து களம் இறங்கி உள்ளன.

கடந்த 2 வாரங்களாக 90 தொகுதிகளிலும் அனல்பறக்கும் பிரசாரம் நடந்தது. பா.ஜ.க. வேட்பாளர்களை ஆதரித்து பிரதமர் மோடி, அமைச்சர்கள் அமித்ஷா, ராஜ்நாத்சிங் உள்பட மூத்த தலைவர்கள் பிரசாரம் செய்தனர்.

தேர்தல் பிரசாரம் இன்றுடன் நிறைவு பெற்றது. இன்று காலை அரியானா சென்ற ராகுல்காந்தி 2 இடங்களில் நடந்த பொதுக் கூட்டங்களில் பங்கேற்று காங்கிரஸ் வேட்பாளர்களுக்கு ஆதரவு திரட்டினார்.

நாளை (வியாழக்கிழமை) வாக்காளர்களுக்கு வாக்களிப்பதற்கான சீட்டுகள் வழங்கப்பட உள்ளன. தேர்தல் பணியாளர்களும் முழுமையாக பணியில் ஈடுபட உள்ளனர். நாளை மறுநாள் ஓட்டுப்பதிவு நடைபெற உள்ளது.

அரியானாவில் கடந்த 10 ஆண்டுகளாக பா.ஜ.க. ஆட்சி நடப்பதால் அதன் மீது மக்களிடம் எதிர்ப்பு அலை ஏற்பட்டு இருப்பதாக தகவல் வெளியாகி உள்ளது.

இதை பயன்படுத்தி ஆட்சியை கைப்பற்ற காங்கிரஸ் தீவிர முயற்சிகளில் ஈடுபட்டுள்ளது. இதனால் ஆட்சியை கைப்பற்றப் போவது யார்? என்பதில் பலத்த எதிர்பார்ப்பு நிலவுகிறது.

சமீபத்தில் எடுக்கப்பட்ட கருத்துக்கணிப்புகளில் பா.ஜ.க.வுக்கும், காங்கிரஸ் கூட்டணிக்கும் சம அளவில் வாய்ப்புகள் இருப்பதாக தெரியவந்துள்ளது. தொலைக்காட்சி ஒன்று நடத்திய கருத்துக் கணிப்பில் பா.ஜனதாவுக்கு 44 இடங்களும், காங்கிரஸ் கூட்டணிக்கு 46 இடங்களும் கிடைக்கும் என்று கூறப் பட்டுள்ளது.

பல தொகுதிகளில் ஜனநாயக ஜனதா கட்சி வாக்குகளை பிரிக்கிறது. கடந்த தடவை இந்த கட்சி பா.ஜ.க. அணியில் இடம் பெற்று இருந்தது. 10 இடங்களில் வெற்றி பெற்று இருந்த இந்த கட்சி பிரிக்கும் வாக்குகள் முக்கியமானதாக கருதப்படுகிறது.

அதுபோல பல தொகுதிகளில் சுயேட்சைகளின் ஆதிக்கமும் உள்ளது. அவர்கள் பிரிக்கும் வாக்குகள் 10 தொகுதிகளில் வெற்றி, தோல்வியை நிர்ணயிக்கும் என்று கூறப்படுகிறது.

மேலும் அரியானாவில் கணிசமான அளவுக்கு உள்ள தலித் இன மக்களின் வாக்குகளும் முக்கியமான தாக கருதப்படுகிறது. அரியானா மக்கள் தொகையில் 25 சதவீதம் அளவிற்கு தலித் இன மக்கள் உள்ளனர். கடந்த பாராளுமன்ற தேர்தலின் போது அரியானா தலித்துகளில் 68 சதவீதம் பேர் காங்கிரஸ் கூட்டணிக்கு வாக்களித்து இருந்தனர்.

இதனால் இந்த தடவையும் அரியானா தலித்துகள் தங்களை ஆதரிப்பார்கள் என்று காங்கிரஸ் கூட்டணி தலை வர்கள் நம்பிக்கையுடன் உள்ளனர். 5-ந் தேதி ஓட்டுப் பதிவு முடிந்ததும் மின்னணு எந்திரங்கள் பாதுகாப்பாக வைக்கப்படும்.

8-ந் தேதி ஓட்டு எண்ணிக்கை நடைபெற உள்ளது.

இந்திய கிரிக்கெட் அணியின் அதிரடி வீரராக திகழ்ந்தவர் வீரேந்திர சேவாக். இவர் தோஷம் (Tosham) தொகுதியில் காங்கிரஸ் சார்பில் நிறுத்தப்பட்டுள்ள முன்னாள் அரியான மாநில முதல்வர் பான்சி லால் பேரன் அனிருத் சவுத்ரிக்காக தேர்தல் பிரசாரம் மேற்கொள்ள இருப்பதாக தெரிவித்துள்ளார்.

இது தொடர்பாக வீரேந்திர சேவாக் கூறுகையில் "அனிருத் சவுத்ரியை நான் என்னுடைய மூத்த சகோதரராக கருதுகிறேன். அவருடைய தந்தையும், முன்னாள் பிசிசிஐ தலைவராக இருந்தவருமான ரன்பீர் சிங் மஹேந்திரா எனக்கு ஏராளமான உதவியை செய்திருக்கிறார். அவருக்கு இது மிகவும் முக்கியமான நாட்களில் ஒன்று. அவருக்கு உதவ முடியும் என நினைக்கிறேன். தோஷம் தொகுதியில் உள்ளவர்கள் அனிருத் சவுத்ரி வெற்றிக்கு உதவ கேட்டுக்கொள்கிறேன்" என வீடியோ செய்தியில் குறிப்பிட்டுள்ளார்.

தோஷம் தொகுதியில் காங்கிரஸ் சார்பில் போட்டியிடும் அனிருத் சவுத்திரி (48) முன்னாள் பிசிசிஐ தலைவர் ரன்பீர் மஹேந்திராவின் மகன் ஆவார். இவர் அரியானா மாநிலத்தில் நான்கு முறை முதல்வராக இருந்து பான்சி லால் பேரன் ஆவார். இவரை எதிர்த்து பா.ஜ.க. சார்பில் பான்சி லாலின் இளைய மகன் சுரேந்தர் சிங்கின் மகள் ஸ்ருதி சவுத்ரி (48) போட்டியிடுகிறார். இதனால் தோஷம் தொகுதி குடும்ப விவகாரமாகியுள்ளது.

"விவசாயிகள் எதிர்கொண்ட பிரச்சனைகளை தீர்ப்பதில் பா.ஜ.க. அரசு தோல்வியடைந்துவிட்டது. இதனால் காங்கிரஸ் அமோக வெற்றி பெறும் என்பதை உறுதியாக தெரிவிக்கிறேன். தண்ணீர் பிரச்சனை மிகப்பெரிய அளவில் உள்ளது. அதை சரி செய்வதில் அரசு தோற்றுவிட்டது. இந்த பகுதியில் முன்னேற்றம் இல்லை. இந்த பிரச்சனைகளை தீர்க்க வேண்டும் என நான் விரும்புகிறேன்" எனவும் சேவாக் தெரிவித்துள்ளார்.

பான்சி லால் குடும்பத்தின் கோட்டையாக தோஷம் தொகுதி விளங்குகிறது. பான்சி லால் இந்த தொகுதியில் ஆறு முறை வெற்றி பெற்றுள்ளார். சுரேந்தர் சிங் மற்றும் அவரது மனைவி கிரண் சவுத்ரி பலமுறை வெற்றி பெற்றுள்ளனர். 2019-ல் கிரண் சவுத்ரி 18059 ஆயிரம் வாக்குகள் வித்தியாசத்தில் பா.ஜ.க. வேட்பாளரை தோற்கடித்திருந்தார். 

அரியானா மாநிலம் சிர்சாவில் தேரா சச்சா சவுதா ஆசிரமம் உள்ளது. இதன் தலைவர் குர்மீத் ராம் ரஹீம், பெண் துறவிகள் 2 பேரை பலாத்காரம் செய்த வழக்கில் 20 ஆண்டுகள் சிறைத் தண்டனை பெற்று சிறையில் அடைக்கப்பட்டார் . இந்நிலையில் கடந்த ஆகஸ்ட் 13 அன்று 21 நாள் பரோலில் தனது பிறந்தநாள் கொண்டாட்டங்களைக் காரணம் காட்டி வெளியே வந்த ராம் ரஹீம் மீண்டும் 20 நாள் பரோல் நீட்டிப்பு கோரி மீண்டும் விண்ணப்பித்திருந்தார்.

அரியானா, பஞ்சாப், உத்தரப் பிரதேசம் என பல்வேறு மாநிலங்களில் தனக்கென அதிக பக்தர்களை உருவாக்கி வைத்துள்ள குர்மீத் பரோலில் வெளிவரும் காலகட்டங்கள் சரியாக உள்ளூர் அல்லது மாநில தேர்தல் சமயங்களாகவே இருந்துள்ளது. வரும் அக்டோபர் 5 ஆம் தேதி அரியானா தேர்தல் நடக்க உள்ள நிலையில் ராம் ரஹீமின் பரோல் நீட்டிப்பு கோரிக்கை அரசியல் ரீதியாக விமர்சனங்களை ஏற்படுத்தியது.

ராம் ரஹீமின் தற்போதைய பரோல் நீட்டிப்பு கோரிக்கை மனுவை ஹரியானா அரசு தேர்தல் ஆணையத்தின் பரிசீலனைக்கு அனுப்பியது. இந்நிலையில் தேர்தல் ஆணையத்தின் பரிசீலனைக்குப் பின் ராம் ரஹீமுக்கு 20 நாள் பரோல் விடுப்பு வழங்கப்பட்டுள்ளது.

இதற்கிடையே ராம் ரஹீமிற்கு அரசியல் உள்நோக்கத்துடன் பரோல் வழங்கப்பட்டுள்ளதாகவும் , இதன் பின்னணியில் பாஜக உள்ளதாகவும் காங்கிரஸ் குற்றம்சாட்டியுள்ளது. ஆனால் கடும் நிபந்தனைகளுடனேயே பரோல் வழங்கியுள்ளதாகத் தேர்தல் ஆணையம் சார்பில் விளக்கம் அளிக்கப்பட்டுள்ளது.

அவரின் 20 ஆண்டுகள் தண்டனைக் காலத்தில் கடந்த 4 ஆண்டுகளில் 15வது முறையாக தற்போது பரோல் வழங்கப்பட்டுள்ளது. இதன்படி தனது தண்டனைக்கிடையில் 255 நாட்கள் பரோல் விடுப்பில் சுதந்திரமாக வெளியே இருந்துள்ளார் சாமியார் ராம் ரஹீம். 

சண்டிகர்:

அரியானா சட்டசபைத் தேர்தல் வரும் 5-ம் தேதி நடைபெறுகிறது. இதனால் அனைத்து அரசியல் கட்சியினரும் அங்கு தீவிர தேர்தல் பிரசாரத்தில் ஈடுபட்டு வருகின்றனர்.

இந்நிலையில், சோனிபட் பகுதியில் கோஹனா என்ற இடத்தில் காங்கிரஸ் கட்சி சார்பில் பொதுக்கூட்டம் இன்று நடைபெற்றது. இதில், ஏராளமான தொண்டர்கள் கலந்து கொண்டனர். அதில் காங்கிரஸ் கட்சியின் மூத்த தலைவரும், மக்களவை எதிர்க்கட்சித் தலைவருமான ராகுல் காந்தி உரையாற்றினார். அப்போது அவர் பேசியதாவது:

மகாபாரதத்தில் அபிமன்யு குருக்ஷேத்திரத்தில் மாட்டிக்கொண்டதைப் போல, கடைக்காரர்களை ஒரு சக்கர வியூகத்தில் சிக்க வைத்துவிட்டார் நரேந்திர மோடி.

அவர்கள் எப்படி மாட்டிக்கொண்டார்கள்? பணமதிப்பிழப்பு நீக்கம், ஜிஎஸ்டி, 2-3 கோடீஸ்வரர்களுக்கு வங்கிகளின் பணம் அனைத்தும் வழங்கப்பட்டது. வங்கிகளில் கடன் வாங்கச் சொன்னால் வங்கிகள் கடன் தராது என சொல்வார்கள்.

இந்தியாவில் இன்று அதானி மற்றும் அம்பானி மட்டுமே கடன் பெற முடியும். அதானி, அம்பானி போன்ற கோடீஸ்வரர்களுக்கு எல்லாம் உண்டு.

அக்னிவீர் யோஜனா என்றால் என்ன? இந்தத் திட்டத்திற்கு ஒரே ஒரு நோக்கம்தான் - ராணுவ வீரர்களுக்குப் போகும் பென்ஷன், கேன்டீன், இழப்பீடு என பணத்தைப் பறிக்க.

இந்தத் திட்டத்தின் உண்மையான பெயர் அதானி யோஜனா என இருக்கவேண்டும்.

பயிற்சி, ஓய்வூதியம், ராணுவ வீரர்களுக்கான கேன்டீன் என பணத்தை அதானியின் பாக்கெட்டில் போடவேண்டும் என்றும், இந்தியாவின் பாதுகாப்பு பட்ஜெட்டைத் திருப்புவதே இதன் நோக்கம்.

அம்பானியின் திருமணத்தைப் பார்த்தீர்களா? அம்பானி திருமணத்திற்கு கோடிக்கணக்கில் செலவு செய்தார். இது யாருடைய பணம்? இது உங்கள் பணம்.

நீங்கள் உங்கள் பிள்ளைகளுக்கு திருமணம் செய்ய வங்கிக் கடன் வாங்குகிறீர்கள். ஆனால் தேர்ந்தெடுக்கப்பட்ட 25 பேர் திருமணத்திற்கு கோடிக்கணக்கில் செலவு செய்யலாம்.

ஆனால் ஒரு விவசாயி கடனில் மூழ்கி மட்டுமே திருமணத்தை நடத்த முடியும் என்ற கட்டமைப்பை நரேந்திர மோடி உருவாக்கி உள்ளார். இது அரசியலமைப்புச் சட்டத்தின் மீதான தாக்குதல் இல்லை என்றால் இது என்ன என கேள்வி எழுப்பினார்.

அரியானாவில் வருகிற 5-ந்தேதி ஒரே கட்டமாக 90 தொகுதிகளுக்கு சட்டமன்ற தேர்தல் நடைபெற இருக்கிறது. ஆளும் பா.ஜ.க.-வுக்கும் காங்கிரஸ் கட்சிக்கும் இடையில் பலத்த போட்டி நிலவுகிறது.

காங்கிரஸ் கட்சி சார்பில் மக்களவை எதிர்க்கட்சி தலைவர் ராகுல்காந்தி அரியானாவில் தீவிரமாக பிரசாரம் மேற்கொண்டு வருகிறார். அவ்வகையில் பகதூர்கர் நகரில் ராகுல்காந்தி ரோடுஷோ நடத்தி காங்கிரஸ் கட்சிக்கு வாக்கு சேகரித்தார்.

பிரசாரத்திற்கு நடுவே ராகுல்காந்திக்கு தொண்டர்கள் பஜ்ஜி கொடுத்தனர். அப்போது அருகில் இருந்து காவலர் ஒருவருக்கும் ராகுல்காந்தி பஜ்ஜி கொடுத்தார். இந்த வீடியோ இணையத்தில் வேகமாக பரவி வருகிறது.

அரியானாவில் வருகிற 5-ந்தேதி ஒரே கட்டமாக 90 தொகுதிகளுக்கு சட்டமன்ற தேர்தல் நடைபெற இருக்கிறது. ஆளும் பா.ஜ.க.-வுக்கும் காங்கிரஸ் கட்சிக்கும் இடையில் பலத்த போட்டி நிலவுகிறது.

இந்த நிலையில் அரியானா முதல்வரான நயாப் சிங் சைனி கூறியதாவது:-

கடந்த சில நாட்களில், மத்திய பிரதேசம் மற்றும் சத்தீஷ்கர் சட்டமன்ற தேர்தல்களில் காங்கிரஸ்க்கு ஏற்பட்ட நிலைதான் இங்கேயும் ஏற்படப்போகிறது என்பது தெளிவாக தெரிகிறது. இதற்கு முக்கிய காரணம் கடந்த 15 முதல் 20 நாட்களாக காங்கிரஸ் தலைவர்கள் அரியாவிற்கு வர ஒத்துக்கொள்ளவில்லை.

தற்போது மாநில மக்கள் விரக்தியில் உள்ளனர். காங்கிரஸ் சில நேரங்களில் இரண்டு தேர்தல் அறிக்கைகளை வெளியிடுகிறது. சில நேரம் அக்கட்சியின் தலைவர்கள் அபத்தமான அறிக்கையை கொடுக்கின்றனர். அரியானாவில் காங்கிரஸ் தற்போது குழப்பமாக உள்ளது. என்ன செய்ய வேண்டும் என்பது அவர்களால் புரிந்துகொள்ளக் கூடிய திறன் இல்லை.

ஒதுக்கீட்டிற்கு எதிராக பேசிய ராகுல் காந்தி இரண்டு மூன்று நாள் தேர்தல் பிரசாரத்திற்காக அரியானா வரப்போவதாக திடீரென செய்திகள் பரவுகின்றன. அரியான சிறந்த இடம். கடந்த 10 ஆண்டுகளாக எல்லை நிலைகளிலும் பா.ஜ.க. அரசு வளர்ச்சியை ஏற்படுத்தியுள்ளது.

எனவே, ராகுல் காந்தி இங்கு வந்து சுற்றித்திரிந்து தனது சுற்றுலாவைச் செய்ய வேண்டும். ஹூடா ஆட்சியில் நடைபெற்ற கர்ச்சி பர்ச்சி குறித்து இளைஞர்கள் கேள்வி கேட்பார்கள். அரியானாவில் உள்ள தலித் மக்கள், ஒதுக்கீட்டிற்கு எதிர்ப்பு தெரிவித்தபின், எந்முகத்துடன் அரியானாவுக்கு வருகிறீர்கள் என கேள்வி கேட்பார்கள். இதுபோன்ற எல்லாக் கோள்விகளுக்கும் ராகுல் காந்தி பதில் அளிக்க வேண்டும்.

இவ்வாறு நயாப் சிங் சைனி தெரிவித்துள்ளார்.

ஜம்மு-காஷ்மீர் மாநிலத்திற்குச் சிறப்பு அந்தஸ்து வழங்குவதற்கான சட்டப்பிரிவு 370 கடந்த 2019-ம் ஆண்டு ஆகஸ்ட் மாதம் 5-ந்தேதி நீக்கப்பட்டது. அத்துடன் ஜம்மு-காஷ்மீர் மாநிலம் இரண்டு யூனியன் பிரதேசமாக பிரிக்கப்பட்டது. இது காஷ்மீர் மக்களின் நலனை பாதிப்பதாக எதிர்க்கட்சிகள் குற்றம்சாட்டி வருகிறன. இதற்கிடையே சிறப்பு அந்தஸ்து நீக்கப்பட்ட பின்னர் ஜம்மு காஷ்மீரில் முதல் சட்டமன்றத் தேர்தல் நடைபெற்று வருகிறது.

ஏற்கனவே இரண்டு கட்டங்களாக வாக்குப்பதிவு நடந்துமுடிந்த நிலையில் கடைசி மற்றும் மூன்றாவது கட்டத் தேர்தல் வரும் அக்டோபர் 1 ஆம் தேதி நடைபெற உள்ளது. இதனால் பாஜக, காங்கிரஸ் - என்சிபி கூட்டணி ஆகியவை பிரச்சாரங்களில் ஈடுபட்டு வருகின்றன. அந்த வகையில் உ.பி. மாநில பாஜக முதல்வர் யோகி ஆதித்யநாத் காஷ்மீரிலும் அரியானா சட்டமன்றத் தேர்தலுக்காகவும் பிரச்சார சுற்றுப்பயணத்தில் உள்ளார். இந்நிலையில் சட்டப்பிரிவு 370 நீக்கம் குறித்து ஆதித்யநாத் கருத்து ஒன்றை தெரிவித்துள்ளார்.

அரியவாவில் பரிதாபாத் நகரில் நடந்த பிரச்சார கூட்டத்தில் பேசிய அவர், கடந்த 2 நாட்களாக நான் ஜம்மு காஷ்மீரில் இருந்தேன். அங்கு மழை பெய்து கொண்டிருந்தது. எனவே நான் விமான நிலயத்தினுள் சென்றேன். அப்போது ஒரு மனிதர், 'யோகி சாஹேப் ராம் ராம்' என்று கூறி என்னை வரவேற்றார். அந்த மனிதர் ஒரு மௌலவி [இஸ்லாமிய மத போதகர்] என்று பின்னரே உணர்ந்தேன். ஒரு இஸ்லாமிய மத போதகரிடம் இருந்து ராம் ராம் என்ற வார்த்தைகள் வெளிப்பட்டது குறித்து ஆச்சர்யம் அடைந்தேன். சிறப்பு அந்தஸ்தை [சட்டப்பிரிவு 370 ஐ] நீக்கியதன் தாக்கமே இது. இந்தியாவின் இறையாண்மைக்கு அச்சுறுத்தலாக இருந்தவர்கள் தற்போது ராம் ராம் என்று சொல்லத் தொடங்கியுள்ளனர்.

பாஜகவின் வலிமையால் ஒரு நாள் அவர்கள் [இஸ்லாமியர்கள்] தெருக்கள் தோறும் ஹரே ராமா, ஹரே கிருஷ்ணா என்று கூட கோஷமிடுவார்கள் என்று தெரிவித்துள்ளார். யோகிஆதித்யநாத்தின் பேச்சைக் கேட்டு பிரச்சார கூட்டத்தில் இருந்தவர்கள் ஜெய் ஸ்ரீ ராம் கோஷங்களை எழுப்பினர். மேலும் உத்தரப் பிரதேசத்தில் கடந்த 7 வருடங்களாக எந்த போராட்டங்களும் கலவரங்களும் நடக்கவில்லை என்றும் யோகி தெரிவித்திருந்தது குறிப்பிடத்தக்கது. 

உத்தரப் பிரதேச மாநிலம் அயோத்தியில் விஷ்வ இந்து பரிஷத் உள்ளிட்ட தீவிர இந்து அமைப்பினரால் பாபர் மசூதி இடிக்கப்பட்ட பகுதியில் மத்திய பாஜக அரசின் முன்னெடுப்பில் ரூ.1,800 கோடி பொருட்செலவில் புதிதாக கட்டப்பட்ட ராமர் கோவில் உள்ளது. கட்டுமானப் பணிகள் மீதமிருந்த நிலையில் கடந்த கடந்த ஜனவரி 22 ஆம் தேதி அவசர அவசரமாக கோவிலின் மூல விக்ரகமான பால ராமர் சிலை பிரதிஷ்டை விழா பிரமாண்டமான முறையில் நடத்தி முடிக்கப்பட்டது.

இது மக்களவைத் தேர்தளுக்காக பாஜக நடத்திய நாடகமென எதிர்க்கட்சிகள் குற்றம்சாட்டின. மேலும் இந்த நிகழ்வில் கலந்துகொள்ள இந்தியாவின் சினிமா, அரசியல் மற்றும் வியாபார பெரும்புள்ளிகள் பலர் அழைக்கப்பட்டிருந்தார். ஆனால் குடியரசுத் தலைவர் திரவுபதி முர்மு அழைக்கப்படாதது சர்ச்சையானது. தங்களுக்கு வந்த அழைப்பை நிராகரித்த காங்கிரஸ் இந்த விழா பெரும் பணக்காரர்களுக்காக நடத்தப்படுவது என்றும் அடித்தட்டு மக்களும் உழைப்பாளிகளும் அழைக்கப்படாதது ஏன் என்றும் கேள்வி எழுப்பி இருந்தது. அந்த சமயத்தில் பாரத நீதி யாத்திரையில் இருந்த ராகுல் காந்தி இந்த கருத்தை முன்வைத்திருந்தார்.

அயோத்தியில் ராமர் கோவிலை மையப்படுத்தி வியாபாரங்களில் பெருக்கமும், விமான நிலைய கட்டுமானமும் ஏற்படும் என்று பாஜக வாதிட்டுவரும் நிலையில் அங்கு வசிக்கும் மக்களது விவசய நிலங்கள் பெரு நிறுவன வியாபாரிகளால் அரசின் உதவியுடன் கையகப்படுத்தப்பட்ட வருகிறது என்ற குற்றச்சாட்டை சமாஜ்வாதி தலைவர் அகிலேஷ் யாதவ் எழுப்பி வருகிறார்.

இதற்கிடையே நடந்து முடிந்த மக்களவைத் தேர்தலில் அயோத்தி தொகுதியில் இந்தியா கூட்டணியில் இடம்பெற்ற சமாஜ்வாதி வேட்பாளர் அவதேஷ் பிரசாத், பாஜக வேட்பாளரைத் தோற்கடித்து வெற்றி பெற்றது பாஜகவுக்கு பேரிடியாக அமைந்ததது. இந்நிலையில் ராமர் கோவில் கும்பாபிஷேக விழா குறித்து தற்போது மக்களவை எதிர்கட்சித் தலைவர் பொறுப்பில் இருக்கும் ராகுல் காந்தி மீண்டும் விமர்சித்துள்ளார்.

அரியானா சட்டமன்றத் தேர்தலை முன்னிட்டு அங்கு பிரச்சாரம் செய்து வரும் ராகுல் காந்தி ஹிஸார் [Hisar] நடந்த கூட்டத்தில் பேசும்போது, அயோத்தி ராமர் கோவில் பிரான பிரதிஷ்டை விழாவுக்கு ஆதிவாசி சமூகத்தை சேர்ந்தவர் என்ற காரணத்தால் குடியரசுத் தலைவர் திரவுபதி முர்மு அழைக்கப்படாததை இந்தியர்கள் பார்த்துகொன்டுதான் இருந்தனர். எனவேதான் அயோத்தியில் அவதேஷ் பிரசாத் வெற்றி பெற்றார்.

அவர்கள் [பாஜக] அமிதாப் பச்சனையும் அம்பானியையும், அதானியையும் அழைத்து விழா நடத்தினர். எந்த ஒரு தொழிலாளியோ விவசாயியோ பிராண அழைக்கப்படவில்லை. ராமர் பிராண பிரதிஷ்டை விழா என்ற பெயரில் அங்கு ஆடலும் பாடலுமே நடந்தது. இதுதான் நிதர்சனம். ஏழைகள் அங்கு அழைக்கப்படவில்லை என்று விமர்சித்துள்ளார். இதற்கிடையே ராமர் கோவில் பற்றி பேசி ராகுல் காந்தி மிகப்பெரிய தவறு செய்துவிட்டார் என்றும் அதற்கு அவர் மன்னிப்பு கேட்டே ஆக வேண்டும் என்று பாஜக சாடியுள்ளது. 

பா.ஜனதா ஆளும் அரியானாவில் அடுத்த மாதம் (அக்டோபர்) 5-ந்தேதி சட்டசபை தேர்தல் நடக்கிறது. இதனால் மாநிலம் முழுவதும் கட்சிகள் சூறாவளி பிரசாரத்தில் ஈடுபட்டு உள்ளன. காங்கிரஸ் கட்சி சார்பில் அரியானாவின் கர்னால் மாவட்டத்துக்கு உட்பட்ட அசாந்தில் தேர்தல் பிரசார கூட்டம் நேற்று நடந்தது. இதில் கட்சியின் முன்னாள் தலைவரும், மக்களவை எதிர்க்கட்சித் தலைவருமான ராகுல் காந்தி பங்கேற்று பிரசாரம் செய்தார்.

அப்போது மாநிலத்தில் ஆளும் பா.ஜனதா அரசையும், பிரதமர் மோடியையும் கடுமையாக குற்றம் சாட்டினார். இது தொடர்பாக அவர் கூறியதாவது:-

அரியானாவை ஆளும் பா.ஜனதா அரசு, மாநிலத்தை முற்றிலும் சீரழித்து விட்டது. நாடு முழுவதும் வேலையில்லா திண்டாட்டம் நீடித்து வருகிறது. நாட்டின் வேலைவாய்ப்பு அமைப்பை பிரதமர் மோடி முறைப்படி முடிவுக்கு கொண்டு வந்துள்ளார்.

சமீபத்தில் அமெரிக்கா சென்றிருந்தபோது அரியானாவில் இருந்து அங்கே சென்ற சிலரை சந்தித்தேன். தங்கள் சொந்த மாநிலத்தில் தங்களுக்கான வேலை கிடைக்காததால், சிறந்த எதிர்காலத்துக்காக அமெரிக்கா வந்ததாக அவர்கள் தெரிவித்தனர்.

எனவே அரியானாவில் காங்கிரஸ் ஆட்சி அமைந்தால், 2 லட்சம் காலியிடங்கள் நிரப்பப்படும் என வாக்குறுதி அளித்துள்ளோம். இதைத்தவிர பெண்களுக்கு மாதந்தோறும் ரூ.2,000 மற்றும் ரூ.500-க்கு கியாஸ் சிலிண்டர், குறைந்தபட்ச ஆதரவு விலைக்கு சட்டப்பூர்வ உத்தரவாதம் போன்ற வாக்குறுதிகளும் நிறைவேற்றப்படும்.

இந்த நாட்களில் பிரதமர் மோடியின் முகத்தை பார்த்தீர்களா? முன்பெல்லாம் தனக்கு 56 அங்குல மார்பு இருப்பதாக கூறி வந்த அவர், தற்போது கடவுளுடன் நேரடி தொடர்பு இருப்பதாக கூறுகிறார்.

அவர் பீதியடைந்தார். அவர் நேரடியாக கடவுளிடம் பேசுவார் என்று நாட்டு மக்களிடம் கூறுகிறார். ஆனால் (லோக்சபா) தேர்தலில் கடவுள் அவருக்கு பாடம் கற்பித்தார். உத்தர பிரதேசத்தின் அயோத்தியில் பாஜக வேட்பாளரை சிங் சமாஜ்வாடி கட்சி வேட்பாளர் தோற்கடித்தார்.

மோடி என்ன செய்கிறார்? உங்களிடம் உள்ள விவசாய நிலத்தை அதானிக்கு கொடுத்தார். ஹரியானா விவசாயிகளின் கடன்கள் தள்ளுபடி செய்யப்படாது ஆனால் அவர் முதலாளிகளின் கடன்களை தள்ளுபடி செய்தார்

இவ்வாறு ராகுல் காந்தி கூறினார்.

இந்த நிகழ்ச்சியில் முன்னாள் முதல்-மந்திரி பூபிந்தர் சிங் ஹூடா, மாநில காங்கிரஸ் தலைவர் உதய்பான், காங்கிரஸ் எம்.பி. குமாரி செல்ஜா உள்ளிட்ட தலைவர்கள் கலந்து கொண்டனர்.

சண்டிகர்:

90 தொகுதிகளை கொண்ட அரியானா மாநில சட்டசபைக்கு அக்டோபர் 5-ந் தேதி ஒரே கட்டமாக தேர்தல் நடக்கிறது.

பா.ஜனதா 3-வது முறையாக ஆட்சியை தக்கவைத்துக் கொள்ளும் ஆர்வத்துடன் உள்ளது. பா.ஜனதாவிடம் இருந்து ஆட்சியை கைப்பற்ற காங்கிரஸ் தீவிரமாக உள்ளது. இரு கட்சிகள் இடையேதான் நேரடி போட்டி நிலவுகிறது. இதே போல் ஜே.பி.பி. இந்திய தேசிய லோக்தளம், ஆம் ஆத்மி ஆகிய கட்சிகளும் போட்டியில் உள்ளன.

அரியானாவில் ராகுல் காந்தி இன்று பிரசாரம் செய்து காங்கிரஸ் வேட்பாளர்களுக்கு ஆதரவு திரட்டுகிறார். அவர் இரண்டு பொதுக்கூட்டங்களில் உரையாற்றுகிறார்.

டெல்லியில் இருந்து மதியம் 12.10 மணிக்கு ராகுல்காந்தி ஹெலிகாப்டர் மூலம் அரியானா புறப்பட்டார். கர்னாலில் உள்ள அசந்த் நகருக்கு அவர் சென்றடைகிறார். பிற்பகலில் அசந்த் சட்டசபையில் நடைபெறும் பொதுக்கூட்டத்தில் உரையாற்றுகிறார்.

பின்னர் அங்கிருந்து ஹெலிகாப்டர் மூலம் ஹிசார் பகுதியில உள்ள பர்வாலாவுக்கு செல்கிறார் மாலையில் நடைபெறும் பொதுக்கூட்டத்தில் ராகுல் காந்தி பேசுகிறார். மாலை அவர் அங்கிருந்து ஹெலிகாப்டர் மூலம் டெல்லிக்கு திரும்புகிறார். அரியானாவில் 89 தொகுதியில் காங்கிரஸ் போட்டியிடுகிறது. எஞ்சிய 1 இடத்தில் உள்ள கூட்டணியில் மார்ச்சிஸ்ட்டு கம்யூனிஸ்டு களத்தில் நிற்கிறது.

அயோத்தியில் பாபர் மசூதி  சிதைந்ததை போல காங்கிரசின் கட்டமைப்பு இன்று சிதைந்விட்டது என்று உ.பி முதல்வர் யோகி ஆதித்யநாத் விமர்சித்துள்ளார். அரியானா சட்டமன்றத் தேர்தலுக்காக அம்மாநிலத்தில் பாஜக வேட்பாளர்களை ஆதரித்து உத்தரப் பிரதேச முதல்வர் யோகி ஆதித்யநாத் தீவிர பிரச்சாரத்தில் ஈடுபட்டு வருகிறார்.

அந்த வகையில் இன்றைய தினம் பிரச்சாரம் ஒன்றில் பேசிய யோகி ஆதித்யநாத், இன்று காங்கிரசின் கட்டமைப்பு பாப்ரியை [பாபர் மசூதி] போல சிதைந்துவிட்டது. ராம பக்தர்கள் 'இன்னும் ஒரு அடி , பாப்ரியை [பாபர் மசூதியை] இடி' என்று கோஷம் எழுப்பியபோது மசூதி மொத்தமாக தகர்ந்தது. அடிமைத்தனத்தின் கட்டுமானம் உடைந்தது. அயோத்தியில் ராமர் கோவிலை எழுப்புவதற்கான பாதை வகுக்கப்பட்டது. இதை சொல்லவே இன்று நான் உங்கள் முன் [அரியானா மக்கள் முன்] வந்துள்ளேன். அவர்கள்[காங்கிரஸ்] சாதி அரசியல் மூலம் உங்களை பிரிக்கின்றனர்.

நான் சொல்வதெல்லாம் இதுதான், பிரிந்து கிடந்தால் தனித்தனியாக இருப்பீர்கள், ஒற்றுமையாக இருந்தால் எந்த தாய்க்கு பிறந்தவனாலும் உங்களின் தலை முடியைக் கூட அசைக்க முடியாது என்று தெரிவித்துள்ளார். மேலும் ராகுல் காந்தி நாட்டை இழிவுபடுத்தக் கிடைக்கும் எந்த வாய்ப்பையும் தவறவிடாமல் பயன்படுத்தி வருகிறார் என்று தெரிவித்துள்ளார்.

கடந்த 1992 ஆம் ஆண்டு டிசம்பர் 6 ஆம் தேதி இந்து விஷ்வ பரிஷத் உள்ளிட்ட தீவிர வலதுசாரி இந்துத்துவ இயக்கத்தினரால் அயோத்தியில் பாபர் மசூதி இடிக்கப்பட்டது. தொடர்ந்து அந்த இடத்தில் ரூ.1800 கோடி செலவில் பாஜக அரசின் முன்னெடுப்பினால் ராமர் கோவில் கட்டப்பட்டு கடந்த ஜனவரி மாதம் கும்பாபிஷேகம் நடத்தப்பட்டது குறிப்பிடத்தக்கது.