நீங்கள் தேடியது "திருமணம்"

பிரபல பாடகி சின்மயி எக்ஸ் பக்கத்தில் ஒருவர் பதிவிட்ட பதிவிற்கு காட்டமாக பதிலடி கொடுத்துள்ளார்.

அந்த எக்ஸ் பதிவில், "நேற்று இரவு 1.2 லட்சம் ஆணுறை பாக்கெட்டுகள் டெலிவரி செய்யப்பட்டதாக Blinkit CEO பதிவிட்டுள்ளார். நேற்று இரவில் பிளிங்கிட்டில் மட்டும். 1.2 லட்சம் மற்ற இ-காமர்ஸ் தளங்கள் மற்றும் சந்தையில் 1 கோடி ஆணுறை பாக்கெட்டுகள் விற்பனையாகி இருக்கும். இந்த தலைமுறையில் கன்னிப் பெண்ணை திருமணம் செய்து கொள்வது அதிர்ஷ்டம் ஆகும்" என்று பதிவிடப்பட்டுள்ளது.

இந்த எக்ஸ் பதிவை சின்மயி தனது இன்ஸ்டகிராம் பக்கத்தில் பதிவிட்டுள்ளார். அதில், "ஆண்கள் பெண்களுடன் உடலுறவு கொள்கிறார்கள். பின்னர் அவர்களுக்கு கன்னிப் பெண்கள் வேண்டும் என்று கூறுகிறார்கள்.

ஆடு, நாய் மற்றும் ஊர்வனவற்றுடன் உடலுறவு கொள்வதற்கு ஆணுறைகளை வாங்கும் வரையில், ஆண்கள் பெண்களுடன் திருமணத்திற்கு முன் உடலுறவு கொள்வதை நிறுத்த வேண்டும். மேலும் உங்கள் சகோதரர்கள் மற்றும் ஆண் நண்பர்களிடம் திருமணம் வரை உடலுறவு கொள்ள வேண்டாம் என்று சொல்லுங்கள்" என்று காட்டமாக பதிவிட்டுள்ளார்.

போரூர்:

வடபழனி, பகுதியை சேர்ந்த 35வயது இளம்பெண் கிளப்பில் நடனமாடி வருகிறார். இவர் திருமணமாகி கணவருடன் வசித்து வந்தார். இந்த நிலையில் இளம்பெண்ணுக்கும் அதே பகுதியை சேர்ந்த திருமணமான சமையல் காண்ட்ராக்டர் ஒருவருக்கும் இடையே கள்ளக்காதல் ஏற்பட்டது.

அவர்கள் இருவரும் கடந்த 3 ஆண்டுகளாக நெருங்கி பழகி வந்ததாக கூறப்படுகிறது. இந்த நிலையில் தன்னை 2-வதாக திருமணம் செய்து கொள்ளும்படி இளம்பெண், தனது கள்ளக்காதலன் சமையல் காண்டிராக்டரிடம்வற்புறுத்தினார்.

ஆனால் அவர் திருமணத்திற்கு மறுத்தார். இதனால் மனவேதனை அடைந்த இளம்பெண் இதுபற்றி புகார் அளிக்க நேற்று நள்ளிரவு 1 மணி அளவில் வடபழனி போலீஸ் நிலையத்துக்கு வந்தார். அப்போது பணியில் இருந்த போலீசார் இளம்பெண்ணுக்கு அறிவுரை கூறினர். எனினும் சமாதானம் அடையாத இளம்பெண் திடீரென தனது மோட்டார் சைக்கிளில் கேனில் வைத்திருந்த பெட்ரோலை தனது உடலில் ஊற்றிக் கொண்டு போலீஸ் நிலையம் முன்பு நின்ற படி"தற்கொலை செய்து கொள்ள போகிறேன்" என்று கூறி மிரட்டல் விடுத்தார்.

இதை கண்டு அதிர்ச்சி அடைந்த போலீசார் உடனடியாக அவர் மீது தண்ணீரை ஊற்றி மீட்டனர். பின்னர் அவரது கணவரை வரவழைத்த போலீசார் இளம்பெண்ணை எச்சரித்து அவருடன் அனுப்பி வைத்தனர்.

பெங்களூரு தெற்கு தொகுதி பாஜக எம்.பி. தேஜஸ்வி சூர்யாவிற்கு 34 வயதாகியும் இன்னமும் அவர் திருமணம் செய்துகொள்ளவில்லை.

இந்நிலையில், தேஜஸ்வி சூர்யாவும் சென்னையை சேர்ந்த பாடகியும் பரதநாட்டிய கலைஞருமான சிவஸ்ரீ ஸ்கந்த பிரசாத்தும் திருமணம் செய்து கொள்ளவுள்ளனர் என்று தகவல் வெளியாகியுள்ளது.

இருவருக்கும் அண்மையில் நிச்சயதார்த்தம் நடைபெற்றதாகவும் மார்ச் 4 ஆம் தேதி திருமணம் நடைபெற இருப்பதாகவும் தகவல் வெளியாகியுள்ளன.

இருப்பினும், தேஜஸ்வி சூர்யா இது தொடர்பான அதிகாரப்பூர்வமாக அறிவிக்கவில்லை என்பது குறிப்பிடத்தக்கது.

சென்னை பல்கலைக்கழகத்தில் பரதநாட்டியத்தில் எம்.ஏ. பட்டம் பெற்றுள்ள சிவஸ்ரீ ஸ்கந்த பிரசாத் சென்னை சமஸ்கிருத கல்லுாரியில் சமஸ்கிருதத்தில் எம்.ஏ. பட்டமும் சாஸ்த்ரா பல்கலைக் கழகத்தில் பயோ இன்ஜினியரிங் படிப்பில் பி.டெக். பட்டமும் முடித்துள்ளார்.

பொன்னியின் செல்வன் 2ம் பாகத்தின் கன்னட மொழி பதிப்பில் இவர் ஒரு பாடலும் பாடி உள்ளார் என்பது குறிப்பிடத்தக்கது.

மேலும், சிவஸ்ரீ சொந்தமாக ஒரு யூடியூப் சேனலை நடத்தி வருகிறார். இவரது சேனலை, 2 லட்சத்திற்கும் அதிகமானோர் பின் தொடர்கின்றனர் என்பது குறிப்பிடத்தக்கது.

திருமணத்தில் உணவு வழங்க தாமதமானதால் மணமகன் செய்த செயல் அனைவரையும் அதிர்ச்சியில் ஆழ்த்தியுள்ளது.

உத்தரப் பிரதேச மாநிலம் சந்தோலி மாவட்டத்தில் உள்ள ஹமித்பூர் கிராமத்தில் கடந்த டிசம்பர் 22 அன்று இந்த சம்பவம் நடந்துள்ளது. திருமணத்துக்கு முந்தைய இரவு நிகழ்ச்சியில் சாப்பிடும்போது ரொட்டிகள் சுட்டு வழங்க தாமதமானதாக  கூறி மணமகன் மெஹ்தாப் மற்றும் அவரது உறவினர்கள் திருமணத்தையே நிறுத்திவிட்டு அங்கிருந்து வெளியேறினர்.

அவர்களை தடுக்க மணமகள் வீட்டார் முயன்றபோதும் அவர்கள் விடாப்பிடியாக அங்கிருந்து வெளியேறினர். அதன்பின் அந்த மணமகன் உடனே தனது உறவினரின் பெண்ணை திருமணம் செய்துகொண்டுள்ளார்.

இதனை அறிந்த மணமகளின் குடும்பத்தினர் உள்ளூர் போலீசில் புகார் அளித்துள்ளனர். ஆனால் நடவடிக்கை எடுக்கப்படாததால் டிசம்பர் 24 ஆம் தேதி காவல் கண்காணிப்பாளரிடம் புகார் அளித்துள்ளனர்.

அவர் நடவடிக்கை எடுப்பதாக உறுதி அளித்துள்ளார். திருமணத்திற்காக ரூ.7 லட்சம் செலவிட்டதாகவும், அதில் ரூ.1.5 லட்சம் வரதட்சணையாக மணமகன் வீட்டிற்கு அனுப்பப்பட்டதாகவும் மணமகள் குடும்பத்தினர் தெரிவித்துள்ளனர்.  

உத்தரப்பிரதேச மாநிலம் பண்டாவில் திருமணமாகாத ஆண்களை ஏமாற்றி, அவர்களது வீடுகளில் இருந்த பணம் மற்றும் நகைகளைத் திருடும் மோசடியில் ஈடுபட்ட இரு பெண்கள் அடங்கிய மோசடி கும்பல் பிடிபட்டுள்ளது.

பூனம், சஞ்சனா குப்தா,விமலேஷ் வர்மா, தர்மேந்திர பிரஜாபதி உள்ளிட்டோரை உள்ளடக்கியது இந்த கும்பல்.

பூனம் மணமகளாகவும், சஞ்சனா குப்தா அவரது தாயாகவும் நடிப்பார்கள். விமலேஷ் வர்மா மற்றும் தர்மேந்திர பிரஜாபதி ஆகிய இருவர் ஏமாறக்கூடிய ஆட்களை தேடிப்பிடித்து பூனத்திற்கு அறிமுகப்படுத்தி வைப்பார்கள்.

சிம்பிளாக கோர்ட்டில் வைத்து திருமணத்தை முடித்து பூனம் மணமகன் வீட்டுக்கு புது மருமகளாக செல்வார். சந்தர்ப்பம் பார்த்து, வீட்டில் நகை மற்றும் பணத்தை திருடிவிட்டு தப்பிச் சென்று விடுவார். சங்கர் உபாத்தியாய் என்ற நபர் தான் மோசடி செய்யப்படுவதை யோகித்து போலீசில் அளித்த புகாரின் பேரில் இந்த கும்பல் சிக்கியுள்ளது. சங்கருக்கு முன்பே 6 பேரிடம் இந்த கும்பல் வெற்றிகரமாக வேலையை காட்டி உள்ளது.

சிங்கிளாக இருக்கும் சங்கர் திருமணத்துக்கு வரன் தேடியுள்ளார். இதையறிந்து விமலேஷ் சங்கரை அணுகி பெண் இருப்பதாகவும் திருமணத்துக்கு ரூ.1.5 லட்சம் செலவழிக்க வேண்டும் என்றும் சங்கரிடம் கூறியுள்ளார். கடந்த சனிக்கிழமை சங்கரை கோர்ட்டுக்கு அழைத்து பூனம் உடன் அறிமுகப்படுத்தியுள்ளார்.

அப்போது அவரிடம் ரூ.1.5 லட்சம் கேட்டுள்ளனர். சந்தேகமடைந்த சங்கர் மணமகள் பூனம் மற்றும் அவரது தாயராக நடித்த சஞ்சனா குப்தாவிடம் ஆதார் அட்டையை கேட்டுள்ளார். ஆனால் சங்கரிடம் இந்த கும்பல் மழுப்பியுள்ளது. அவர்கள் என்னை ஏமாற்ற முயற்சிக்கிறார்கள் என்று நான் சந்தேகப்பட்டேன்.

நான் திருமணம் செய்ய மறுத்தபோது, அவர்கள் என்னைக் கொன்றுவிடுவதாகவும், பொய் வழக்குகளில் சிக்க வைப்போம் என்றும் மிரட்டினர். நான் யோசிக்க நேரம் வேண்டும் என்று கூறிவிட்டு வெளியேறினேன் என்று சங்கர் தனது புகாரில் தெரிவித்துள்ளார்.

புகரைத் தொடர்ந்து கும்பலை சேர்ந்த நான்கு பேரையும் போலீஸ் கைது செய்தது. சிங்கிளாக இருக்கும் ஆண்களை குறிவைத்து அவர்கள் நடத்திய மோசடிகள் விசாரணையில் ஒவ்வொன்றாக வெளிவந்தன. 

இந்தியா சார்பில் ஒலிம்பிக்கில் பங்கேற்று 2 முறை பதக்கம் வென்று நாட்டுக்கு பெருமை சேர்த்த பேட்மிண்டன் வீராங்கனை பி.வி. சிந்து.

முன்னாள் உலக சாம்பியனான பி.வி. சிந்துவிற்கும் வெங்கட தத்தா சாய் என்பவருக்கும் நேற்று முன்தினம் ராஜஸ்தான் மாநிலம் உதய்பூரில் குடும்பத்தினர் மற்றும் நண்பர்களின் முன்னிலையில் திருமணம் நடைபெற்றது. இன்று ஐதராபாத்தில் இவர்களின் திருமண வரவேற்பு நிகழ்ச்சி நடைபெறவுள்ளது.

இந்நிலையில், திருமண புகைப்படங்களை பி.வி. சிந்து தனது இன்ஸ்டாகிராம் பக்கத்தில் பகிர்ந்துள்ளார். அப்புகைப்படங்கள் தற்போது இணையத்தில் வைரலாகி வருகின்றன.

சிந்துவின் கணவர், போசிடெக்ஸ் டெக்னாலஜீஸ் என்ற நிறுவனத்தின் செயல் இயக்குநராக பணிபுரிந்து வருகிறார் என்பது குறிப்பிடத்தக்கது.

கடந்த 10 ஆண்டுகளாக பல ஆண்களை திருமணம் செய்து அவர்களிடம் இருந்து மொத்தம் ரூ.1.25 கோடியை செட்டில்மென்ட் என்ற பெயரில் வசூலித்து மோசடி செய்த பெண்ணை ஜெய்ப்பூர் போலீசார் கைது செய்தனர்.

உத்தரகாண்ட் மாநிலத்தில் வசிக்கும் நிக்கி (எ) சீமா, கடந்த 2013-ம் ஆண்டு ஆக்ராவை சேர்ந்த தொழிலதிபரை திருமணம் செய்து கொண்டார். சில மாதங்கள் கழித்து கணவரின் குடும்பத்தினர் மீது வழக்குப்பதிவு செய்து, சமரசமாக ரூ.75 லட்சத்தை பெற்றார்.

பின்னர் 2017 ஆம் ஆண்டில், குருகிராமில் உள்ள ஒரு மென்பொருள் பொறியாளரை சீமா திருமணம் செய்து கொண்டார். பின்னர் அவரிடம் இருந்து விவாகரத்து பெற்று ரூ.10 லட்சத்தை செட்டில்மென்டாக பெற்று கொண்டார்.

இதனையடுத்து அவர் 2023 இல் ஜெய்ப்பூரைச் சேர்ந்த தொழிலதிபரைத் திருமணம் செய்து கொண்டார். பின்னர் கணவரின் வீட்டில் இருந்து ரூ.36 லட்சம் மதிப்புள்ள நகைகள் மற்றும் பணத்துடன் அவர் தப்பி சென்றுள்ளார்.

இதையடுத்து இது தொடர்பாக கணவரின் குடும்பத்தினர் போலீசாரிடம் புகார் அளித்தனர். இந்த புகாரின் அடிப்படையில் ஜெய்ப்பூர் போலீசார் சீமாவை கைது செய்தனர்.

அவரிடம் போலீசாரின் மேற்கொண்ட விசாரணையில் பல அதிர்ச்சிகர தகவல்கள் வெளியாகின. திருமண மேட்ரிமோனி இணையதளங்களில் விவாகரத்து பெற்ற அல்லது மனைவியை இழந்த ஆண்களை குறிவைத்து சீமா வலைவீசியுள்ளார் என்றும் வெவ்வேறு மாநிலங்களில் பலரை திருமணம் செய்து, பல்வேறு வழக்குகளில் மொத்தம் ரூ.1.25 கோடி வசூலித்துள்ளார்" என்று போலீசார் தெரிவித்தனர்.

இந்தியா சார்பில் ஒலிம்பிக்கில் பங்கேற்று 2 முறை பதக்கம் வென்று நாட்டுக்கு பெருமை சேர்த்த பேட்மிண்டன் வீராங்கனை பி.வி. சிந்து.

முன்னாள் உலக சாம்பியனான பி.வி. சிந்துவிற்கும் வெங்கட தத்தா சாய் என்பவருக்கும் நேற்று ராஜஸ்தான் மாநிலம் உதய்பூரில் குடும்பத்தினர் மற்றும் நண்பர்களின் முன்னிலையில் திருமணம் நடைபெற்றது. நாளை ஐதராபாத்தில் இவர்களின் திருமண வரவேற்பு நிகழ்ச்சி நடைபெறவுள்ளது.

ஆனால் இன்னமும் தங்களது திருமண புகைப்படங்களை பி.வி. சிந்து வெளியிடவில்லை. இந்நிலையில், பி.வி. சிந்துவின் திருமண புகைப்படத்தை தனது எக்ஸ் பக்கத்தில் பகிர்ந்து மத்திய கலாச்சாரம் மற்றும் சுற்றுலாத்துறை அமைச்சர் கஜேந்திர சிங் ஷெகாவத் வாழ்த்தியுள்ளார். இந்த புகைப்படம் தற்போது இணையத்தில் வைரல் ஆகியுள்ளது.

சிந்துவின் கணவர், போசிடெக்ஸ் டெக்னாலஜீஸ் என்ற நிறுவனத்தின் செயல் இயக்குநராக பணிபுரிந்து வருகிறார் என்பது குறிப்பிடத்தக்கது. 

இந்திய கிரிக்கெட் வீரர் சஞ்சு சாம்சன் 2018 ஆம் ஆண்டு டிசம்பர் 22 ஆம் தேதி சாருலதா என்ற பெண்ணை திருமணம் செய்து கொண்டார்.

இந்நிலையில் திருமண நாளை ஒட்டி இன்ஸ்டாகிராமில் தங்களது புகைப்படத்தை பகிர்ந்து சஞ்சு சாம்சனின் மனைவி வாழ்த்து கூறியுள்ளார். அப்புகைப்படத்தில் சஞ்சு சாம்சன் பேட்டிங் செய்ய அவரது மனைவி சாருலதா கீப்பிங் செய்கிறார்.

இந்த பதிவிற்கு கீழே வாழ்நாள் முழுவதும் என்னை காப்பவர் (keeper for life) என்று சஞ்சு சாம்சன் கமெண்ட் செய்துள்ளார்.

உலக பணக்காரர் பட்டியலில் முதல் இடத்தில் இருக்கும் எலான் மஸ்க்குக்கு அடுத்தபடியாக இரண்டாம் இடத்தில் 235 பில்லியன் டாலர் சொத்துடன் அமேசான் நிறுவனர் ஜெஃப் பெசோஸ் உள்ளார்.60 வயதான ஜெஃப் பெசோஸ் தனது இரண்டாம் திருமணத்துக்குத் தயாராகி வருகிறார்.

தனது நீண்ட நாள் காதலியான 54 வயதாகும் தொலைக்காட்சி பிரபலம் லாரன் சான்செஸ் உடன் அவரது திருமணம் நடக்க உள்ளது. இருவரும் மே 2023 இல் நிச்சயதார்த்தம் செய்து கொண்டனர்.

இவர்கள் இருவருக்கும் கிறிஸ்துமஸ் பண்டிகையை ஒட்டி திருமணம் நடைபெற உள்ளது. அமெரிக்காவில் இவர்கள் விடுமுறைக்கு வழக்கமாக ஆஸ்பென் நகருக்கு அடிக்கடி சென்று வருவர்.

இந்நிலையில் அந்த ஆஸ்பென் நகரில் வைத்தே தங்கள் திருமணத்தைப் பிரமாண்டமாக நடத்த உள்ளனர். திருமணமானது ஆஸ்பென் நகரில் நடிகர் கெவின் காஸ்ட்னருக்கு சொந்தமான 160 ஏக்கர் பரப்பளவில் உள்ள டன்பார் ராஞ்ச் -இல் வைத்து நடைபெறுகிறது.

இந்த திருமண விழாவில் அமெரிக்க பிரபலங்கள் பலர் கலந்துகொள்கின்றனர். வரும் டிசம்பர் 28 [சனிக்கிழமை] இவர்களது திருமணம் நடைபெற இருக்கிறது.

$600 மில்லியன் (₹5,000 கோடி) செலவில் ஆடம்பரமான திருமணத்தை பெசோஸ் ஏற்பாடு செய்துள்ளார் டெய்லி மெயில் செய்தி வெளியிட்டுள்ளது. இந்திய பணக்காரர் முகேஷ் அம்பானி தனது மகனுக்கு இந்த ஆண்டு தொடக்கத்தில் ரூ.5000 கோடி செலவில் திருமணம் செய்து வைத்தார்.

The View, KTTV, Fox உள்ளிட்ட பிரபல தொலைக்காட்சி நிறுவனங்களில் தொகுப்பாளராக பணியாற்றிய லாரன் சான்செஸ் உடன் கடந்த 2019 ஆம் ஆண்டு முதல் ஜெஃப் பெசோஸ் டேட்டிங் செய்து வருகிறார். 

ஜெஃப் பெசோஸ் தனது முதல் மனைவி மெக்கன்சி ஸ்காட் - ஐ கடந்த 2018 ஆம் ஆண்டு விவாகரத்து செய்தார். விவாகரத்தின்மூலம் ஜெஃப் பெசோஸ் வைத்திருந்த கணிசமான பங்குகளை பெற்று மெக்கன்சி ஸ்காட் பில்லியனர் ஆனார்.

இந்தாண்டு திருமணம் செய்துக் கொண்ட திரையுலக பிரபலங்கள்

ரகுல் பிரீத் சிங் - ஜாக்கி பக்னானி

ரகுல் ப்ரீத் சிங் 2009 ஆம் ஆண்டு வெளியான கன்னட திரைப்படமான கில்லி திரைப்படத்தின் மூலம் கதாநாயகியாக அறிமுகமானார். அதைத்தொடர்ந்து 2012 ஆம் ஆண்டு தடையேற தாக்க திரைப்படத்தின் மூலம் தமிழ் திரையுலகில் அறிமுகமானார். அதைத்தொடர்ந்து பண்டகா சேஸ்கோ, சரைனோடு, த்ருவா, நானகு பிரேமதோ, ஸ்பைடர் என தெலுங்கு திரையுலகில் உள்ள டாப் ஹீரோக்களுடன் ஜோடியாக நடித்து தனக்கென ரசிகர் பட்டாளத்தை உருவாக்கினார்.

2017 ஆம் ஆண்டு எச். வினோத் இயக்கத்தில் வெளியான தீரன் அதிகாரம் ஒன்று திரைப்படத்தில் நடித்து மீண்டும் தமிழ் மக்களின் மனதில் குடியேறினார். இந்தாண்டு பிப்ரவரி மாதம் நடிகரும் தயாரிப்பாளருமான ஜாக்கி பக்னானியை திருமணம் செய்துக்கொண்டார். இவர்களது திருமணம் கோவாவில் நடைப்பெற்றது.

மீதா ரகுநாத் 

2022 ஆம் ஆண்டு தர்புகா சிவா இயக்கத்தில் வெளியான முதல் நீ முடிவும் நீ திரைப்படத்தின் மூலம் கதாநாயகியாக அறிமுகமாகினார் நடிகை மீதா ரகுனாத். இத்திரைப்படம் நேரடி ஓடிடி வெளியீடாக வெளியானது. இளைஞர்களிடம் இப்படம் பெறும் வரவேற்பை பெற்றது. அதைத் தொடர்ந்து மணிகண்டன் நடிப்பில் வெளியான குட் நைட் திரைப்படத்தில் நடித்து இருந்தார். அவரது அப்பாவி முகபாவனையை கொண்டு ரசிகர்களை கவர்ந்தார். மீதா கடந்த மார்ச் மாதம் அவரது நீண்ட நாள் காதலனை திருமணம் செய்துக் கொண்டார்.

அபர்னா தாஸ் - தீபக் பரம்பொல்

2018 ஆம் ஆண்டு வெளியான நியான் பிரகாஷன் திரைப்படத்தின் மூலம் கதாநாயகியாக அறிமுகமானார். இப்படத்தில் ஃபகத் ஃபாசில் கதாநாயகனாக நடித்தது குறிப்பிடத்தக்கது. இதை தொடர்ந்து நெல்சன் திலிப்குமார் இயக்கத்தில் 2022 ஆம் ஆண்டு வெளியான பீஸ்ட் திரைப்படத்தில் ஒரு முக்கிய கதாப்பாத்திரத்தில் நடித்து இருந்தார். கவின் நடிப்பில் வெளியான டாடா திரைப்படத்தில் கதாநாயகியாக நடித்து இருந்தார். இப்படம் மக்களிடையே நல்ல வரவேற்பை பெற்றது. இவர் கடந்த ஏப்ரல் மாதம் 24 ஆம் தேதி மஞ்சும்மல் பாய்ஸ் திரைப்பட புகழ் தீபக் பரம்பொல்-ஐ திருமணம் செய்துக்கொண்டார்.

பிரேம்ஜி அமரன் - இந்து

இயக்குனர் வெங்கட் பிரபுவின் தம்பியாவார் பிரேம்ஜி. இவர் இசையமைப்பு, பாடகர், நடிப்பு என பன்முக தன்மையாளர். யுவன் ஷங்கர் ராஜா பாடல்களில் ராப் பகுதியை பாடுவார். இந்தாண்டு வெளியான கோட் திரைப்படத்தில் நகைச்சுவை கதாப்பாத்திரத்தில் நடித்து இருந்தார். பிரெம்ஜி கடந்த ஜூன் மாதம் இந்து என்பவரை திருமணம் செய்துக் கொண்டார்.

மெட்ரோ ஷிரிஷ் - ஹஸ்னா

2016 ஆம் ஆண்டு வெளியான மெட்ரோ திரைப்படத்தின் மூலம் தமிழ் சினிமாவில் கதாநாயகனாக அறிமுகமானார். இப்படம் மக்கள் மத்தியில் நல்ல வரவேற்பை பெற்றது. மெட்ரோ ஷிரிஷ் கடந்த ஜூலை மாதம் ஹஸ்னா என்பவரை திருமணம் செய்துக்கொண்டார்.

வரலட்சுமி சரத்குமார் - நிகோலை சச்தேவ்

வரலட்சுமி சரத்குமார் கடந்த 2012 ஆம் ஆண்டு விக்னேஷ் சிவன் இயக்கத்தில் வெளியான போடா போடி திரைப்படத்தில் நடித்து கதாநாயகியாக தமிழ் சினிமாவில் அறிமுகமாகினார். இப்படத்தின் கதாநாயகனாக சிம்பு நடித்தார். இவர் நடிகர் சரத்குமாரின் மகளாவார். அதைத்தொடர்ந்து பல தமிழ் மற்றும் தெலுங்கு திரைப்படத்தில் நடித்து திரைத்துறையில் தனக்கென ஒரு இடத்தை பிடித்துக்கொண்டார். இவர் கடந்த ஜூலை மாதம் மும்பையை சேர்ந்த தொழிலதிபரான நிகோலை சச்தேவ்-ஐ திருமணம் செய்துக்கொண்டார்.

ஷாரிக் ஹாசன் - மரியா ஜெனிஃபர்

நடிகர்களான ரியாஸ் கான் மற்றும் உமா ரியாஸ்-இன் மகனாவார் ஷாரிக் ஹாசன்.

2016 ஆம் ஆண்டு ஜிவி பிரகாஷ் குமார் நடித்த பென்சில் திரைப்படத்தின் மூலம் திரைத்துறையில் அறிமுகமானார். அதற்கு முன் விஜய் டிவி தொலைக்காட்சியில் சில நிகழ்ச்சிகளில் கலந்துள்ளார். அதற்கு பின் பிக் பாஸ் நிகழ்ச்சியில் கலந்துக்கொண்டார். இந்நிலையில் கடந்த ஆகஸ்ட் மாதம் மரியா ஜெனிஃபரை காதலித்து திருமணம் செய்துக்கொண்டார்.

மேகா ஆகாஷ் - சாய் விஷ்ணு

2019 ஆம் ஆண்டு வெளியான பேட்ட திரைப்படத்தின் மூலம் தமிழ் திரையுலகில் காலடி தடத்தை பதித்தார் மேகா ஆகாஷ். என்னை நோக்கி பாயும் தோட்டா, குட்டி ஸ்டோரி, ஒரு பக்க கதை, ராதே, சபா நாயகன், வடக்குப்பட்டி ராமசாமி என பல தமிழ் மற்றும் தெலுங்கு திரைப்படங்களில் கதாநாயகியாக நடித்தார். கடைசியாக விஜய் ஆண்டனி நடிப்பில் வெளியான மழைப்பிடிக்காத மனிதன் திரைப்படத்தில் நடித்து இருந்தார். இவர் கடந்த செப்டம்பர் மாதம் தனது நீண்ட நாள் காதலனான சாய் விஷ்ணுவை திருமணம் செய்துக்கொண்டார். முன்னாள் காங்கிரஸ் கட்சி எம்.பி ஆன திருநாவுகரசரின் மகன் சாய் விஷ்ணு என்பது குறிப்பிடத்தக்கது.

சித்தார்த் - அதிதி

ஷங்கர் இயக்கத்தில் பாய்ஸ் திரைப்படத்தின் மூலம் கதாநாயகனாக அறிமுகமானார் நடிகர் சித்தார்த். அதைத்தொடர்ந்து மணி ரத்னம் இயக்கத்தில் ஆயுத எழுத்து திரைப்படத்தில் முக்கிய கதாப்பாத்திரத்தில் நடித்து இருந்தார். அதைத்தொடர்ந்து தமிழ், தெலுங்கு, இந்தி மொழிகளில் பல திரைப்படங்களில் நடித்துள்ளார். இவர் நடிப்பில் அண்மையில் வெளியான சித்தா, இந்தியன் 2 மற்றும் மிஸ் யூ திரைப்படங்கள் மக்களிடம் நல்ல வரவேற்பை பெற்றது. இவர் கடந்த செப்டம்பர் மாதம் பிரபல நடிகை அதிதி ராவை காதலித்து திருமணம் செய்துக் கொண்டார்.

ரம்யா பாண்டியன் - லோவல் தவான்

2016 ஆம் ஆண்டு வெளியான ஜோக்கர் திரைப்படத்தின் மூலம் அவரது திரைப்பயணத்தை தொடங்கினார் நடிகை ரம்யா பாண்டியன். பிக் பாஸ் 4 நிக்ழ்ச்சியில் பங்கேற்ற பின் பெருமளவு ரசிகர்களை பெற்றார். இவர் கடந்த நவம்பர் மாதம் லோவல் தவான் என்பவரை காதலித்து திருமணம் செய்துக்கொண்டார்.

நாக சைத்தன்யா - சோபிதா

2009 ஆண்டு வெளியான ஜோஷ் என்ற தெலுங்கு திரைப்படத்தின் மூலம் கதாநாயகனாக அறிமுகமானார் நாக சைதன்யா. தெலுங்கு திரையுலகில் பல வெற்றி திரைப்படங்களில் கதாநாயகனாக நடித்து முக்கிய நடிகர்களுள் ஒருவராக இருக்கிறார். இவருக்கு நடிகை சமந்தாவுடன் கடந்த 2017 ஆம் ஆண்டு திருமணம் நடைப்பெற்றது. ஆனால் 2021 ஆம் ஆண்டு இவர்களின் பிரிவை அறிவித்தனர்.

அதைத்தொடர்ந்து இந்தி நடிகையான ஷோபிதா துலிபாலா மீது காதல் கொண்ட நாக சைதன்யா. கடந்த டிசம்பர் 4 ஆம் தேதி அவரை திருமணம் செய்துக்கொண்டார்.

காளிதாஸ் ஜெயராம் - மீரா

நடிகர்களான ஜெயராம் மற்றும் பார்வதியின் மகனாவார் காளிதாஸ் ஜெயராம். இவர் 2016 ஆம் ஆண்டு மீன்குழம்பும் மண் பானையும் என்ற திரைப்படத்தின் மூலம் தமிழ் சினிமாவில் அறிமுகமானார். பின் விக்ரம் மற்றும் ராயன் திரைப்படத்தில் நடித்து மக்களிடம் பெரும் வரவேற்பை பெற்றது.

காளிதாஸ் ஜெயராம் கடந்த டிசம்பர் 8 ஆம் தேதி தாரினி கலிங்கராயர் என்பவரை காதலித்து திருமணம் செய்துக்கொண்டார். தாரினி ஒரு ஃபேஷன் மாடல் என்பது குறிப்பிடத்தக்கது.

கீர்த்தி சுரேஷ் - ஆண்டனி தட்டில்

கீர்த்தி சுரேஷ் தமிழ், தெலுங்கு, மலையாளம் திரையுலகில் பல திரைப்படங்களில் நடித்து வருகிறார். இது என்ன மாயம் திரைப்படத்தின் மூலம் தமிழ் சினிமாவில் அறிமுகமானார். மகாநதி திரைப்படத்திற்காக சிறந்த நடிக்கைக்கான தேசிய விருதை வென்றார். தற்பொழுது பேபி ஜான் திரைப்படத்தின் மூலம் இந்தி திரையுலகில் அறிமுகமாகவுள்ளார்.

இவர் கடந்த டிசம்பர் 12 ஆம் தேதி அவரது நீண்ட வருட காதலனான ஆண்டனி தட்டில்- ஐ திருமணம் செய்துக்கொண்டார். இவர்களது திருமணம் இந்து மற்றும் கிறிஸ்துவ முறைப்படி நடந்தது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

தமிழ், தெலுங்கு, மலையாளம், இந்தி என படுபிசியாக நடித்து வருபவர் நடிகை கீர்த்தி சுரேஷ்.

இவர், கடந்த சில நாட்களுக்கு முன்பு கேரளாவை பூர்வீகமாக கொண்ட துபாயை சேர்ந்த தொழிலதிபர் ஆண்டனி தட்டில் என்பவரை திருமணம் செய்துக் கொண்டார்.

15 ஆண்டுகளாக இருவரும் காதலித்து வந்துள்ளனர். இதுதொடர்பாக, கீர்த்தி சுரேஷ் தனது எக்ஸ் தள பக்கத்தில், வருங்கால கணவர் ஆண்டனியுடன் இருக்கும் புகைப்படத்தை பகிர்ந்து அதில், "எங்களது 15 வருட காதல் இன்னும் தொடர்கிறது" என்று பதிவிட்டு இருந்தார்.

இந்த நிலையில், கோவாவில் கீர்த்தி சுரேஷ் - ஆண்டனி தட்டில் திருமணம் இருவீட்டார் முன்னிலையில் எளிமையான முறையில் நடைபெற்றது.

கீர்த்தி சுரேஷின் திருமணத்தில் திரைப்பிரபலங்கள் பலரும் பங்கேற்று வாழ்த்தினர். இதனையடுத்து திருமண புகைப்படங்களை கீர்த்தி சுரேஷ் தனது எக்ஸ் பக்கத்தில் அவ்வபோது வெளியிட்டு வருகிறார்.

இதில், கீர்த்தி சுரேஷ் திருமணத்திற்கு நடிகர் விஜய் நேரில் கலந்துக் கொண்டு மணமக்களை வாழ்த்தினார். விஜய் பட்டு வேட்டி சட்டையில் நண்பர்களுடன் இருக்கும் புகைப்படங்கள் சமீபத்தில் வெளியானது.

இந்நிலையில், கீர்த்தி சுரேஷ் தனது எக்ஸ் தள பக்கத்தில் திருமணத்தில் விஜய் உடன் எடுத்துக் கொண்ட புகைப்படங்களை வெளியிட்டுள்ளார்.

அந்த புகைப்படங்களுகடன், " எங்களின் கனவு நபர் எங்களின் கனவு திருமணத்தில் வாழ்த்தியபோது.. அன்புடன் உங்கள் நண்பி மற்றும் நண்பா" என குறிப்பிட்டிருந்தார்.

இந்த புகைப்படங்கள் இணையத்தில் வைரலாகி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.