நீங்கள் தேடியது "safety"

சென்னை:

ஆங்கில புத்தாண்டு இன்று இரவு 12 மணிக்கு பிறக்கிறது. 2023ம் ஆண்டை வரவேற்கும் வகையில் பொதுமக்கள் தயாராகி வருகின்றனர்.

தமிழகத்தில் புத்தாண்டை பாதுகாப்பாக கொண்டாட ஒரு லட்சம் போலீசார் பாதுகாப்பு பணியில் ஈடுபடவுள்ளனர். சென்னையில் இரவு 8 மணிக்கு மேல் கடற்கரைகளின் மணற்பரப்புகளில் பொதுமக்கள் கூட தடை விதிக்கப்பட்டுள்ளது.

தடையை மீறி கூடினால் கடும் நடவடிக்கை எடுக்கப்படும் என்றும், கட்டாயம் மாஸ்க் அணிய வேண்டும் அறிவுறுத்தப்பட்டுள்ளது.

இந்த நிலையில் போலீசார் தீவிர வாகன சோதனை மேற்கொண்டு வருகின்றனர்.

சென்னை, அண்ணா சாலையில் மாலை முதலே வாகன தணிக்கையில் போலீசார் ஈடுபட்டுள்ளனர். சென்னை முழுவதும் தீவிர பாதுகாப்பு ஏற்பாடுகள் செய்யப்பட்டுள்ளன.

விருதுநகர்

குழந்தைகள் உரிமை மீறல் தொடர்பான குற்றங்களை தடுத்து குழந்தைகள் அனைவரும் பாதுகாப்புடன் வாழ்வதற்கும், அவர்களின் தேவைகளை நிறை வேற்றுவதற்கும், அதற்கான விழிப்புணர்வு ஏற்படுத்த மத்திய அரசால் தேசிய குழந்தை உரிமைகள் பாதுகாப்பு ஆணையம் அமைக்கப்பட்டுள்ளது.

இந்த ஆணையம் மூலம் நாடு முழுவதும் 727 மாவட்டங்களில் குழந்தைகள் உரிமை மீறல் தொடர்பான பிரச்சனைகள், குறைகளுக்கு 3 மாதங்களுக்குள் தீர்வு காண திட்டமிடப்பட்டுள்ளது.

இந்த ஆணையத்தின் முதல் கட்ட அமர்வு விருதுநகர் மாவட்டத்தில் பிப்ரவரி 24-ந் தேதி நடைபெற உள்ளது. இதில் குழந்தைகள் உரிமை மீறல் பிரச்சினை மற்றும் குறைகளை கேட்டு உடனடியாக தீர்வு காண நடவடிக்கை எடுக்கப்படும் என ஆணையத்தால் தெரிவிக்கப்பட்டுள்ளது.

எனவே இந்த அமர்வில் விருதுநகர் மாவட்டத்தில் உள்ள 18 வயதிற்குட்பட்ட குழந்தைகளுக்கான பாதுகாப்பு, பராமரிப்பு, ஊட்டச்சத்து, வளர்ச்சி, கல்வி, மருத்துவம், மன மற்றும் உடல் நலன் சார்ந்த பிரச்சினைகள், குழந்தை தொழிலாளர், குழந்தைத்திருமணம் மற்றும் குழந்தை மீதான பாலியல் வன்கொடுமை வழக்குகள் சார்ந்த பிரச்சினைகள், குழந்தைகளின் இதர உரிமை மீறல் தொடர்பான பிரச்சி னைகள், குறைபாடுகள் மற்றும் குழந்தைகளுக்கான தேவைகள் குறித்த மனுவினை பாதிக்கப்பட்ட குழந்தைகள், பள்ளி குழந்தைகள், குழந்தை கள் இல்லங்கள், விடுதிக ளில் தங்கியுள்ள குழந்தை கள், பெற்றோர், பாதுகாவ லர்கள், பொதுமக்கள் மற்றும் தன்னார்வ தொண்டு நிறுவன ஆர்வலர்கள் மாவட்டத்தில் பிப்ரவரி 24-ந் தேதி நடைபெறும் தேசிய குழந்தை உரிமைகள் பாதுகாப்பு ஆணைய அமர்வு கூட்டத்தில் நேரடியாக மனுவினை வழங்கலாம்.

இந்த தகவலை விருதுநகர் கலெக்டர் மேகநாத ரெட்டி தெரி வித்துள்ளார்.

நெல்லை:

தமிழ்நாட்டில் நடைபெறும் கட்டுமான பணிகளில் விபத்துகளை தடுக்கும் நடவடிக்கையாக, தொழிலாளர் நலன் மற்றும் திறன் மேம்பாட்டுத்துறை அரசு கூடுதல் தலைமை செயலாளரின் வழிகாட்டு தலின்படி, தொழிலக பாதுகாப்பு மற்றும் சுகாதார இயக்குனர் அறிவுரையின்படி, கட்டுமான தொழிலாளர்கள் மற்றும் வேலை அளிப்பவர்களுக்கு தொழிலக பாதுகாப்பு மற்றும் சுகாதார இயக்க (கட்டிட மற்றும் இதர கட்டுமான பிரிவு) மூலம் பாதுகாப்பு விழிப்புணர்வு பயிற்சிகள் மாநிலம் முழுவதும் நடத்தப்பட்டு வருகின்றன.

அதன்படி நெல்லை அருகே கங்கைகொண்டான் சிப்காட் தொழிற்பூங்காவில் நடைபெற்று வரும் டி.பி. சோலார் நிறுவன (தி டாடா பவர் நிறுவனம்) கட்டுமான வளாகத்தில் பாதுகாப்பு குறித்த பயிற்சி வகுப்பு நடத்தப்பட்டது. மதுரை தொழிலக பாதுகாப்பு மற்றும் சுகாதார கூடுதல் இயக்குனர் ராஜசேகரன் தலைமை தாங்கி பயிற்சி அளித்தார்.

இதில் டி.பி. சோலார் நிறுவன கட்டுமான பணியிடத்தின் 100 தொழிலாளர்கள், நெல்லை தொழிலக பாதுகாப்பு, சுகாதார துணை இயக்குனர் (கட்டிடம் மற்றும் இதர கட்டுமான பிரிவு), டாடா புரொ ஜெக்ட்ஸ் நிறுவனத்தின் பாதுகாப்பு அதிகாரி, பாதுகாப்பு நிபுணர் கலந்து கொண்டனர். இதில் கட்டுமான பணியிடங்களில் மேற்கொள்ள வேண்டிய பாதுகாப்பு நடவடிக்கைகள், கட்டுமான பணியிடங்களில் தொழிலாளர்களை பாதுகாக்கும் தனிநபர் பாதுகாப்பு சாதனங்களை உபயோகிக்கும் முறைகள் குறித்து தொழிலா ளர்களுக்கு அதிகாரிகள் விளக்கம் அளித்தனர். தொழி லாளர்களுக்கு பாதுகாப்பான சூழலை உருவாக்கி தருவது வேலை அளிப்பவரின் கடமை என்றும் அதிகாரிகள் அறிவுரை வழங்கினர்.

இத்தகவலை நெல்லை தொழிலக பாதுகாப்பு மற்றும் சுகாதார துணை இயக்குனர் சஜின் தெரிவித்தார்.

தஞ்சாவூர்:

தஞ்சாவூர் மாவட்டத்தில் சமூக பாதுகாப்பு துறையின் கீழ் 32 குழந்தைகள் இல்லங்கள் இயங்கி வருகின்றன. இதில் 3 அரசு இல்லங்களும், 15 அரசு மானியம் பெறும் குழந்தைகள் இல்லங்களும் மற்றும் 14 தனியார் குழந்தைகள் இல்லங்கள் இயங்கி வருகின்றன.

இந்த இல்லங்களில் ஆண் குழந்தைகள் 721 மற்றும் பெண் குழந்தைகள் 1038 என மொத்தம் 1759 மாணவ, மாணவிகள் உள்ளனர்.

அரசாங்கத்தின் மூலம் குழந்தைகளுக்கு அனைத்து உதவிகளும் செய்யப்பட்டு வருகிறது.

சமூக பாதுகாப்புத் துறையின் கீழ் இயங்கும் மாவட்ட குழந்தைகள் பாதுகாப்பு அலகின் மூலம் இக்குழந்தைகள் இல்லங்கள் ஆய்வு செய்யப்பட்டு கண்காணிக்கப்படுகிறது.

இந்த நிலையில் இன்று மதியம் புதுடெல்லி, தேசிய குழந்தைகள் உரிமைகள் பாதுகாப்பு ஆணை உறுப்பினர் டாக்டர் ஆனந்த் , தஞ்சாவூர் கலெக்டர் தினேஷ் பொன்ராஜ் ஆலிவர், மாவட்ட போலீஸ் சூப்பிரண்டு ஆஷிஷ்ராவத் ஆகியோர்

தஞ்சாவூர் அரசு கூர்நோக்கு இல்லத்தை ஆய்வு செய்தனர்.

கூர்நோக்கு இல்லத்தில் இருந்த 5 சிறுவர்களிடம் கலந்துரையாடினர் . மேலும், பதிவேடுகள் மற்றும் ஆவணங்கள் சரிபார்க்கப்பட்டது.

பின்னர் தேசிய குழந்தை கள் உரிமைகள் பாதுகாப்பு ஆணை உறுப்பினர் டாக்டர் ஆனந்த் நிருபர்களுக்கு அளித்த பேட்டியில் கூறி இருப்பதாவது :-

ஆந்திரா, கேரளா, தமிழ்நாடு, கர்நாடகா, தெலுங்கானா மற்றும் புதுச்சேரியில் உள்ள குழந்தைகள் இல்லம், கூர்நோக்கு இல்லத்தில் ஆய்வு செய்யும் பணி நடந்து வருகிறது.

இதில் கர்நாடகா, கேரளா, ஆந்திர மாநிலங்களில் ஆய்வு முடிந்து விட்டது. தமிழ்நாட்டில் கோவை, சென்னை ஆகிய இடங்களில் உள்ள குழந்தைகள் மற்றும் கூர்நோக்கு இல்லத்தில் ஆய்வு செய்து விட்டோம்.

இன்று தஞ்சாவூரில் ஆய்வு செய்தோம்.

தஞ்சாவூரில் குழந்தைகள் மற்றும் கூர்நோக்கு இல்லத்தை கலெக்டர் தினேஷ் பொன்ராஜ் ஆலிவர் சிறப்பான முறையில் பராமரித்து வருகிறார்.

பரந்து விரிந்த இடத்தை நன்றாக மேம்படுத்தி வருகிறார். அவருக்கு முதலில் எனது பாராட்டுக்கள்.

நாங்கள் டெல்லியில் இருந்தவாறே மாசி என்ற செயலி மூலம் கூர்நோக்கு இல்லங்களில் மாணவர்களின் செயல்பாடுகளை அறிந்து கொள்கிறோம்.

இந்த செயலில் அந்தந்த கூர்நோக்கு இல்ல நிர்வாகிகள் தினமும் நடக்கும் விவரங்களை பதிவேற்றம் செய்கின்றனர்.

தஞ்சாவூரில் விரைவில் தேசிய குழந்தைகள் பாதுகாப்பு ஆணைய அமர்வு நடைபெறும்.

இவ்வாறு அவர் கூறினார்.

இந்த நிகழ்ச்சியில் பெண்கள் மற்றும் குழந்தைகளுக்கு எதிரான குற்ற விசாரணை தடுப்பு பிரிவு துணை போலீஸ் சூப்பிரண்டு ராஜ்குமார் , தஞ்சாவூர் தாசில்தார் சக்திவேல், கூர்நோக்கு இல்ல பணியாளர்கள், மாவட்ட குழந்தைகள் பாதுகாப்பு அலகு பணியாளர்கள், குழந்தைகள் நலக்குழு உறுப்பினர்கள், இளைஞர் நீதிக்குழும முதன்மை நடுவர் மற்றும் உறுப்பினர்கள் மற்றும் நன்னடத்தை அலுவலர் ஆகியோர் உடன் இருந்தனர்.

களக்காடு:

களக்காடு புலிகள் காப்பகத்திற் குட்பட்ட தலையணை மலையடிவாரத்தில் மின் விபத்துகளில் இருந்து வனவிலங்குகளை பாது காக்கும் பொருட்டு, வனத்துறையினரும், மின்வாரிய ஊழியர்களும் இணைந்து மின் பாதைகளில் ஆய்வு மேற்கொண்டனர்.

அதன் தொடர்ச்சியாக தலையணை வனப்பகுதி மற்றும் மலையடிவாரத்தில் தாழ்வழுத்த மின்பாதையில் பூமிக்கும் மின்பாதைக்கும் இடையில் உள்ள உயரத்தை அதிகரிப்பதற்காக, ஏற்கனவே உள்ள 7.5 மீட்டர் உயரமுள்ள மின்கம்பங்களை அகற்றிவிட்டு புதிதாக 9 மீட்டர் உயரமுள்ள மின்கம்பங்கள் அமைக்கப்பட்டது.

இது போல 2 மின்கம்பங்களுக்கும் இடையில் உள்ள தூரத்தை குறைப்பதற்கும் மொத்தம் 28 மின் கம்பங்கள் நடப்பட்டு பணிகள் முடிக்கப்பட்டு மின் பாதைகளின் உயரம் அதிகரிக்கப்பட்டது. 

ராசிபுரம்:

நாமக்கல் மாவட்டம், ராசிபுரம் போக்குவரத்து பிரிவு போலீஸ் சார்பில் ராசிபுரத்தில் உள்ள தனியார் பள்ளியில் சாலை பாதுகாப்பு மற்றும் ஹெல்மட் விழிப்புணர்வு நிகழ்ச்சி நடந்தது.

இதில் ராசிபுரம் போக்குவரத்து பிரிவு போலீஸ் இன்ஸ்பெக்டர் ஜெய்சங்கரன் தலைமை தாங்கி பேசினார். சப்-இன்ஸ்பெக்டர் நடராஜன் முன்னிலை வகித்தார். தலைமை ஆசிரியை மோனிகா வரவேற்றார்.

செல்போன் பேசிக் கொண்டு வாகனத்தை ஓட்டிச் செல்லக்கூடாது. 18 வயதிற்கு குறைவானவர்கள் வாகனத்தை ஓட்டி சென்றால் அவர்களது பெற்றோருக்கு ரூ. 25 ஆயிரம் அபராதம் விதிக்கப் படும். குடிபோதையில் வாகனத்தை ஓட்டக்கூடாது. ஹெல்மெட் அணிந்து செல்ல வேண்டும். வாகனத்தை வேகமாக ஓட்டிச் செல்லக்கூடாது. ஒரே இருசக்கர வாகனத்தில் 3 பேர் அமர்ந்து செல்லக்கூடாது போன்றவற்றைப் பற்றி எடுத்துரைக்கப்பட்டது.

இதில் ஏராளமான மாணவ, மாணவிகள் கலந்து கொண்டனர்.

திருமங்கலம்

மதுரை மாவட்டம் திருமங்கலம் அருகே செங்குளம் கண்மாயில் தீயணைப்பு, வருவாய் துறையினர் இணைந்து பேரிடர் மேலாண்மை தினத்தை முன்னிட்டு வடகிழக்கு பருவமழை கால பேரிடர் பாதுகாப்பு விழிப்புணர்வு ஒத்திகை நடந்தது.

திருமங்கலம் தீயணைப்பு நிலைய அலுவலர் முத்து ராமன் தலைமையில் மழை வெள்ளத்தில் பொதுமக்கள் சிக்கிக் கொண்டால் அவர் களை எவ்வாறு மீட்பது என்பது குறித்து செய்து காட்டப்பட்டது.

மேலும் பாதிக்கப்பட்ட வர்களுக்கு எவ்வாறு முதலு தவி சிகிச்சை அளிக்க வேண்டும் எனவும் செய்முறை விளக்கம் அளிக்கப்பட்டது. தொடர்ந்து கியாஸ் அடுப்பு பாதுகாப்பு வழிமுறைகள் குறித்து விளக்கப்பட்டது.

விழுப்புரம்:

விழுப்புரம் கலெக்டர் பழனி வெளியிட்டுள்ள செய் திக்குறிப்பில் கூறி இருப்பதாவது:- தமிழ்நாடு முதலமைச்சர், பெண்களின் வளர்ச்சிதான் நாட்டின் உண்மையான வளர்ச்சி என்பதை உணர்ந்து, பெண்கள் சுயமாகவும், சுதந்திரமாக செயல்படும் வகையிலும், அவர்களின் பாதுகாப்பு, முன்னேற்றம், வளர்ச்சி ஆகியவற் றினை கருத்தில் கொண்டு பல்வேறு சிறப்புத் திட்டங்களை தொடர்ந்து செயல்படுத்தி வருகிறார். அந்த வகையில் குடும்பத் திற்கு ஆதார மாகவும், உற்ற துணையாகவும், பாதுகாப்பாகவும் விளங்கும் குடும்பத் தலைவி தொகை வழங்கப்பட்டு வருகிறது. உழைக்கும் மகளிரின் நலனை கருத்களை பெருமைப்ப டுத்திடும் பொருட்டு, மற்றொரு வரலாற்று சிறப்பு மிக்கத் திட்ட மான கலைஞர் மகளிர் உரிமைத் திட்டத்தின் கீழ், குடும்பத் தலைவி களுக்கு மாதந்தோறும் ரூ.1,000 வழங் கும் உரி மைத்தொகை திட்டத்தினை தொடங்கி வைத்தார்.

இத்திட்டத்தி ன் மூலம், தமிழ்நாட்டில் 1,06,49,242 பயனாளிகள் பயன்பெற்று வருகின்ற னர். விழுப்புரம் மாவட்டத்தில், கலைஞர் மகளிர் உரிமைத்திட்டத்தில், 4,97,708 விண்ணப்பிங்கள் பதிவு செய்யப்பட்டுள்ளது. முதற்கட்டமாக, தகுத தகுதி வாய்ந்த 3,25,514 மகளிருக்கு உரிமைத் தொகை வழங்கப்பட்டு வருகிறது. விடுபட்ட குடும்பத் தலைவிகள் கலைஞர் மகளிர் உரிமைத் திட் டத்தில் மேல்முறையீடு செய்து பயன்பெறலாம் என்று தெரிவித்துள்ளார். கலைஞர் மகளிர் உரிமைத் திட்டத்தின் கீழ் முதற்கட்ட மாக 3,25.514 மகளிர்களுக் கும், 2ம் கட்ட மாக 22,096 மகளிர் என மொத்தம் 3.47,610 மகளிர்களுக்கு. மாதந்தோறும் ரூ.1,000 உரிமைத்தொகை வங் கிக்கணக்கில் செலுத் தப்பட்டு வருகிறது. இவ்வாறு மாவட்ட கலெக்டர் தனது செய்தி குறிப்பில் கூறி உள்ளார்.

பெங்களூரு:

பெண்களுக்கு பாதுகாப்பு இல்லை என்று கூறி கர்நாடகாவில் பைக் டாக்சிகளுக்கு தடை விதித்து மாநில அரசு உத்தரவிட்டு உள்ளது.

ஓலா, ஊபர், ரேபிடோ என்ற பெயரில் பைக் டாக்சிகள் கர்நாடகாவில் இயக்கப்பட்டு வந்தது. இதற்கு வாடகை கார், ஆட்டோ டிரைவர்கள் கடும் எதிர்ப்பு தெரிவித்தனர். தங்களின் வாழ்வாதாரம் பறிபோவதாக குற்றம் சாட்டினர்.

பைக் டாக்சிகளில் இரவில் செல்லும் பெண்களுக்கு பாலியல் தொல்லை கொடுக்கப்பட்ட சம்பவங்களும் நடந்தன. கடந்த ஓராண்டுக்கு முன்பு பெங்களூருவில் பைக் டாக்சியில் சென்ற பெண் பாலியல் துன்புறுத்தலுக்கு ஆளாக்கப்பட்டார். இந்த சம்பவம் பெரும் பரபரப்பை ஏற்படுத்தியது. அப்போது பைக் டாக்சிக்கு தடை விதிக்க வேண்டும் என்ற கோரிக்கையும் எழுந்தது. இவற்றை எல்லாம் கருத்தில் கொண்டு கர்நாடக அரசு போக்குவரத்து துறை கர்நாடகத்தில் பைக் டாக்சிக்கு தடை விதித்து உத்தரவிட்டுள்ளது.

கர்நாடகா அரசின் போக்குவரத்து துணை செயலர் புஷ்பா வெளியிட்ட உத்தரவில் பைக் டாக்சிகள் பெண்களுக்கு பாதுகாப்பானதாக இல்லை. பைக் டாக்சிகளின் தேவையை ஆராய ஒரு குழு அமைக்கப்பட்டது. அந்த குழுவினர் பைக் டாக்சிகள் பெரிய அளவில் மக்களுக்கு உதவவில்லை என்று கூறி உள்ளனர். இதனால் கர்நாடகாவில் பைக் டாக்சிகளுக்கு தடை விதிக்கப்படுகிறது என தெரிவித்துள்ளார்.

கர்நாடக அரசின் இந்த உத்தரவை ஆட்டோ டிரைவர்கள் சங்கத்தினர், பெண்கள் வரவேற்றுள்ளனர்.

நீரிழிவு என்பது மிகவும் பொதுவான நோயாகும், இது உடலின் இரத்த குளுக்கோஸ் அளவு ஏற்றுக்கொள்ளக்கூடிய அளவைத் தாண்டி உயரும் போது ஏற்படுகிறது. நீரிழிவு என்பது ஒரு வளர்சிதை மாற்ற நோயாகும், இது இன்சுலின் உற்பத்தி செய்யும் உடலின் திறனைத் தடுக்கிறது அல்லது இன்சுலினை திறம்பட பயன்படுத்துகிறது. இன்சுலின் - சர்க்கரையை இரத்தத்திலிருந்து உயிரணுக்களுக்கு ஆற்றலாக மாற்றுவதற்கு பொறுப்பான ஹார்மோன் ஆகும். நீரிழிவு நோயை முறையாகக் கட்டுப்படுத்தாவிட்டால் அது உடல் நலத்திற்கு மிகவும் கேடு விளைவிக்கும். நீண்ட கால நீரிழிவு நோய் நரம்புகள், கண்கள், சிறுநீரகங்கள் மற்றும் பிற உறுப்புகளை சேதப்படுத்தும்.

இது பாதங்களுக்கு மிகவும் தீங்கு விளைவிக்கும், ஏனெனில் இது பாதங்களுக்கு இரத்த ஓட்டத்தை குறைக்கிறது மற்றும் ஆக்ஸிஜன் மற்றும் அத்தியாவசிய ஊட்டச்சத்துக்களை இழக்கிறது. மேலும், நீரிழிவு நோயானது பாதங்களில் ஒருபோதும் சேதமடையாமல் (பெரிஃபெரல் நியூரோபதி என அறியப்படுகிறது) இது உணர்வின்மையை ஏற்படுத்தும். நீரிழிவு நோயால் புண்கள், காயங்கள், கொப்புளங்கள் மற்றும் வெட்டுக்கள் மிக மெதுவாக குணமடைகின்றன, இது நோய்த்தொற்றுக்கான வாய்ப்புகளை அதிகரிக்கிறது மற்றும் கடுமையான சந்தர்ப்பங்களில் துண்டிக்கப்படுகிறது. நீரிழிவு நரம்பியல் கால்களில் கூர்மையான வலியை ஏற்படுத்தும், இது அனைத்து தொடுதல்களிலும் தீவிரமடையும். எனவே, முன்னெச்சரிக்கையாக நீரிழிவு பாத பராமரிப்பு மிகவும் முக்கியமானது.

உங்கள் பாதங்களை தினமும் பகுப்பாய்வு செய்யுங்கள்: நீரிழிவு நோயாளிகள் எடுக்க வேண்டிய முதன்மையான முன்னெச்சரிக்கை நடவடிக்கை, வெட்டுக்கள், புண்கள், கொப்புளங்கள், சிவத்தல், கால்சஸ், தடிப்புகள் அல்லது வேறு ஏதேனும் பிரச்சனைகளைக் கண்டறிய தினமும் பாதங்களைச் சரிபார்ப்பது. உங்கள் கால்விரல்களுக்கு இடையில் சரியாகச் சரிபார்க்க நினைவில் கொள்ளுங்கள். தீவிர நரம்பு சேதம் அல்லது மோசமான இரத்த ஓட்டம் ஏற்பட்டால், இது உயிரைக் காப்பாற்றும், ஏனெனில் இது போன்ற சந்தர்ப்பங்களில், காயம் அல்லது ஊசிகள் தொற்று அல்லது கடுமையான எரிச்சல் ஏற்படும் வரை கண்டறியப்படாது. நோயாளி சுய பரிசோதனை செய்ய முடியாவிட்டால், வேறு யாராவது உதவலாம்.

உங்கள் கால்களை வெதுவெதுப்பான நீரில் கழுவவும். இதை அன்றாட பழக்கமாக எடுத்துக் கொள்ளுங்கள், ஏனெனில் சூடான (சூடான) நீரில் கால்களை ஊறவைப்பது அவற்றை சுத்தமாக வைத்திருக்கவும், சிக்கியுள்ள பாக்டீரியாக்களை அகற்றவும் உதவுகிறது. வெப்பநிலையை மந்தமாக வைத்திருப்பதை நினைவில் வைத்துக் கொள்ளவும், கால்களில் ஊறவைக்கும் முன் கையை முதலில் நனைத்து அதை உறுதிப்படுத்தவும். மேலும், கால்களை அதிக நேரம் தண்ணீரில் வைத்திருக்க வேண்டாம், உடனடியாக அவற்றை முழுமையாக உலர வைக்கவும், தொற்று மற்றும் நீர் தேங்கிய புண்களைத் தவிர்க்கவும்.

உங்கள் கால்களை வெதுவெதுப்பான நீரில் கழுவிய பின், குறிப்பாக கால்விரல்களுக்கு இடையில் அவற்றை முழுமையாக உலர வைக்கவும். பல சந்தர்ப்பங்களில், நீரிழிவு நோயாளிகள் இரத்தத்தில் குளுக்கோஸின் அதிக அளவு காரணமாக விரிசல் மற்றும் வறண்ட சருமத்தால் பாதிக்கப்படலாம். வெடிப்பு தோல் பாக்டீரியா தொற்றுகள் தோலை பாதிக்க எளிதாக்குகிறது மற்றும் நோய்த்தொற்றுகளின் குணப்படுத்தும் செயல்முறையை மெதுவாக்குகிறது. எனவே, கால்களை உலர்த்திய பின், வறட்சியைத் தடுக்க போதுமான அளவு தோல் லோஷனைப் பயன்படுத்துங்கள், ஆனால் அதை ஒட்டும் அல்லது ஈரமாக்குவதைத் தவிர்க்கவும். மேலும், கால் நகங்களுக்கு இடையில் லோஷனைப் போடுவதைத் தவிர்க்கவும்.

நீரிழிவு பாதங்களைப் பராமரிக்கும் போது மிகவும் அவசியமான குறிப்புகளில் ஒன்று, கொப்புளங்கள், புண்கள் அல்லது வேறு ஏதேனும் சிக்கல்களைத் தடுக்கும் மிகவும் வசதியான மற்றும் நன்கு பொருத்தப்பட்ட காலணிகளை எப்போதும் அணிவது. சிறிதளவு தேய்த்தல் அல்லது பொருத்தமற்றது கூட கொப்புளங்களை ஏற்படுத்தும், இது குணப்படுத்த மிகவும் கடினமாக இருக்கும். கொப்புளம் புண் இருந்தால், அது தொற்று ஏற்படலாம். பாதங்கள் மிக உயர்ந்த அளவில் இருக்கும் போது நாள் முடிவில் காலணிகளை வாங்குவது சிறந்தது. மேலும், வாங்கும் ஆரம்ப வாரத்தில் 1-2 மணிநேரம் மட்டுமே புதிய காலணிகளை அணிவதன் மூலம் மெதுவாக அவற்றை மாற்றிக்கொள்ளுங்கள். ஒவ்வொரு நாளும் உங்கள் காலணிகளை அணிவதற்கு முன், கூர்மையான பொருள்கள், சறுக்கும் மூலைகள் அல்லது உங்கள் கால்களைப் புண்படுத்தும் எதையும் சரிபார்க்கவும். மேலும், கொப்புளங்களைத் தவிர்க்க எப்போதும் எளிதான சாக்ஸ் அல்லது முழங்கால் வரையிலான காலுறைகளை அணிவது சிறந்தது.

எவ்வளவு அவசரமோ, திடீரெனவோ, தேவையோ அல்லது தூரமோ எதுவாக இருந்தாலும் - சர்க்கரை நோயாளிக்கு வெறுங்காலுடன் நடப்பது கண்டிப்பாக கூடாது. முக்கியமாக, வெறுங்காலுடன் ஒருவர் நடந்தால் காயம் மற்றும் வெட்டுக்களுக்கு ஆளாக நேரிடுகிறது, இது நீரிழிவு நோயாளிகளுக்கு மிகவும் கடினமாகவும் மெதுவாகவும் குணமாகும். எனவே, நடக்கும்போது எப்போதும் காலணிகள் அல்லது செருப்புகளை அணியுங்கள்; காலணிகளின் இயற்கையான துணியான தோல், ரப்பர் போன்றவை கால்களை எரிச்சலடையச் செய்து கொப்புளங்களை உண்டாக்கும் என்பதால் எப்போதும் சாக்ஸ் அணிவது சிறந்தது. தடிமனான, மெத்தையான காலுறைகளை அணிய மறக்காதீர்கள்.

உங்கள் நகங்களை ஒழுங்கமைத்து பராமரிக்கவும். இந்த அற்பமான முன்னெச்சரிக்கையை நீங்கள் புறக்கணித்தாலும், நீண்ட காலமாக கால் விரல் நகங்கள் வீக்கம் மற்றும் பூஞ்சை தொற்றை ஏற்படுத்தும் என்பதால், அது மோசமாகிவிட்டால் அது பாதங்களை கடுமையாக பாதிக்கும். எனவே, கால் நகங்களை ஒழுங்கமைத்து, வளர்ச்சியைத் தடுப்பது எப்போதும் சிறந்தது. நகங்களை ட்ரிம் செய்வதற்கு முன் லோஷனைப் பயன்படுத்தி க்யூட்டிகல்ஸை மென்மையாக்கவும்.

சோளம், சுத்தியல், பனியன், கால்சஸ் போன்றவற்றை நீங்களே சிகிச்சை செய்ய வேண்டாம். நீரிழிவு நோயாளிகள் சோளம், சுத்தியல், பனியன், கால்சஸ் போன்றவற்றை அனுபவிப்பதில் மிகவும் பாதிக்கப்படக்கூடியவர். இருப்பினும், இவற்றில் சிலவற்றை வீட்டிலேயே எளிதாகக் குணப்படுத்தலாம், இது முக்கியம். எந்தவொரு தவறும் சிக்கலை தீவிரமாக்கும் மற்றும் கடுமையான தொற்றுநோயை ஏற்படுத்தும் என்பதை நினைவில் கொள்க. எனவே, இந்த விஷயங்களில் ஏதேனும் தோன்றினால், எப்போதும் மருத்துவரை அணுகுவது நல்லது. மேலும், சிக்கலைப் பரிசோதிப்பதற்கு கூட, பாதங்கள் மற்றும் வெட்டுக்காயங்கள் மென்மையாக இருக்கும்போது குளித்த பிறகு இதைச் செய்வது நல்லது.

நரம்பு வலி அல்லது பலவீனமான கால் தசைகள் பாதிக்கப்படாத நீரிழிவு நோயாளிகள், பாதங்களைத் தாங்குவதற்கு ஆர்த்தோடிக்ஸ் அணிய உங்களுக்கு வழிகாட்டும் பாதநல மருத்துவரைப் பார்ப்பது நல்லது. மேலும், நடைபயிற்சி மிகவும் வலி அல்லது சாத்தியமற்ற சந்தர்ப்பங்களில், ஒரு கால் பிரேஸ் அல்லது எலும்பியல் காலணிகள் மிகவும் கைக்கு வரும்.

நீரிழிவு நோயாளிக்கு, உடற்பயிற்சி செய்வது மிகவும் முக்கியம் ஆனால் கால்களில் அழுத்தம் ஏற்படாமல் இருக்க எந்தப் பயிற்சிகளை மேற்கொள்ள முடியாது என்பதை அறிந்து கொள்வதும் அவசியம். நீச்சல், சைக்கிள் ஓட்டுதல், யோகா போன்ற பாதிப்பில்லாத பயிற்சிகள் பாதங்களில் மிகவும் இலகுவாக இருப்பதால், எந்தப் பாதிப்பையும் ஏற்படுத்தாமல் எளிதாகப் பயிற்சி செய்யலாம். அதிகப்படியான வியர்வையைத் தவிர்க்க எப்போதும் உள்ளங்கால்களில் ஆன்டிபெர்ஸ்பிரண்டைப் பயன்படுத்துங்கள்.

அனைத்து நீரிழிவு நோயாளிகளும் நினைவில் கொள்ள வேண்டிய முக்கியமான உதவிக்குறிப்பு, பாதங்களில் ஏற்படும் தீங்கு விளைவிக்கும் தாக்கத்தை குறைக்க அவர்களின் இரத்த சர்க்கரை அளவை நிர்வகிக்க வேண்டும். இரத்த குளுக்கோஸின் அளவைக் கட்டுக்குள் வைத்திருப்பது, புகைபிடிப்பதைத் தவிர்ப்பது, அவ்வப்போது கால் பரிசோதனைகள் செய்வது மற்றும் சிக்கல்களைத் தவிர்க்க பாதங்களை சூடாகவும் உலர்வாகவும் வைத்திருப்பது நல்லது. உங்கள் பிரச்சனைகளை மருத்துவரிடம் வெளிப்படையாகப் பேசுவது மிகவும் அவசியம்.

நீரிழிவு பாத பராமரிப்புக்கான முன்னெச்சரிக்கை குறிப்புகள் சிக்கல்களைத் தவிர்ப்பதில் கணிசமாக உதவும்.

நமது தினசரி வாழ்க்கையில் நாம் செல்போனில் அதிக நேரத்தை செலவிட்டு வருகிறோம். இன்ஸ்டாகிராமில் ஸ்டோரி போடுவது, போஸ்ட் போடுவது மேலும் அதில் எத்தனை லைக்ஸ் மற்றும் கமெண்ட்ஸ் பெற்றது என்பதை பார்க்க நமக்கு வழக்கம் ஆகிவிட்டது.

இன்ஸ்டாகிராமில் நாளுக்கு நாள் இளைஞர்களின் ஈடுபாடு அதிகமாகிக்கொண்டே தான் இருக்கிறது. இன்ஸ்டாகிராமில் எந்த அளவு வணிக ரீதியாகவும், நண்பர்களுடன் பேசவும், பொழுது போக்கும் செயலியாக இருந்தாலும் அதில் சில ஆபத்துகளும் இருக்கிறது.

பெண்களுக்கு ஆபாசமான மெசேஞ்களும், தகாத வார்த்தையை பயன்படுத்தி திட்டுவதும், கேளி செய்வதும் , பாலியல் ரீதியாக தொல்லை கொடுப்பதும் என தினமும் நடந்துக்கொண்டுதான் இருக்கிறது.

இதற்கு தீர்வு காணும் வகையில் இன்ஸ்டாகிராம் லிமிட் மற்றும் ரெஸ்டிரிக்ட் இரண்டு புதிய பாதுகாப்பு அம்சத்தை கொண்டுவந்துள்ளனர். இந்த அம்சத்தின் மூலம் நமது போஸ்டை யார் காணலாம், யார் மெசேஜ், கமண்ட் , டேக் செய்வது என்பதை நாம் முடிவெடுக்கலாம். நாம் பார்க்க கூடாது என்று நினைக்கும் நபர் நமது புகைப்படத்திற்கு கமெண்ட், மெசேஜ்கள் செய்தாலும் அது நமக்கோ பிறர்கோ காண்பிக்காது. நிர்வாண புகைப்படங்களை தெரியாத நபருக்கு அனுப்பினால் அது இன்ஸ்டாகிராம் தானாகவே மறைத்துவிடும் என இந்த அம்சத்தை இளைஞர்களின் பாதுகாப்புகாக முன்னெடுத்து அறிமுகப்படுத்தியுள்ளனர்.

சென்னை:

சமூக நலன் மற்றும் மகளிர் உரிமைத்துறை மானிய கோரிக்கை மீதான விவாதத்திற்கு பிறகு, துறை சார்ந்த அறிவிப்புகளை அமைச்சர் கீதா ஜீவன் வெளியிட்டார். அப்போது கூறியதாவது:-

சென்னை மாநகரத்தில் பெண்களின் பாதுகாப்பினை உறுதி செய்யும் வகையில் இளஞ்சிவப்பு ஆட்டோ திட்டம் செயல்படுத்தப்படுகிறது.

அதன்படி அரசு மானியமாக தலா ஒரு லட்சம் வீதம் 200 பெண் ஆட்டோ ஓட்டுனர்களுக்கு மானியம் வழங்கப்படும். 2 கோடி ரூபாய் செலவில் இளஞ்சிவப்பு ஆட்டோக்களை இயக்கும் திட்டம் செயல்படுத்தப்படும்.

பெண் குழந்தைகளுக்கான அரசு நலத்திட்டங்களில் பயன்பெறுவதற்காக வரையறுக்கப்பட்டுள்ள ஆண்டு வருமான உச்சவரம்பு ரூ.72 ஆயிரத்திலிருந்து ஒரு லட்சத்து 20 ஆயிரம் ரூபாய் ஆக உயர்த்தப்படும்.

கைம்பெண்கள் மற்றும் ஆதரவற்ற மகளிர் நல வாரியத்தின் மூலம் 200 பயனாளிகள் சுய தொழில் செய்ய ரூ.50 ஆயிரம் மானியம் வழங்கப்படும்.

6 மாவட்டங்களில் மகளிர் விடுதிகள் ஒரு கோடி ரூபாய் செலவில் மறு சீரமைக்கப்படும். காப்பகங்களில் உள்ள மாணவிகளுக்கு ஒரு கோடி ரூபாய் மதிப்பில் தற்காப்பு கலை மற்றும் விளையாட்டு பயிற்சி வழங்கப்படும்.

குழந்தை திருமண தடைச் சட்டம் விழிப்புணர்வு பலகைகள் ரூ.62 லட்சம் செலவில் அமைக்கப்படும்.

பள்ளி சத்துணவு மையங்களில் ரூ.9 கோடி செலவில் முட்டை உரிப்பான் எந்திரங்கள் வழங்கப்படும்.

முதியோர்கள் பயனடையும் வகையில் ரூ.40 லட்சம் செலவில் யோகா, தியான பயிற்சி வழங்கப்படும்.

அரசினர் குழந்தைகள் இல்லங்களில் கழிவறை வசதியுடன் கூடிய அறை ரூ.1.80 கோடி மதிப்பில் கட்டப்படும்.

தனியாரால் நடத்தப்படும் முதியோர் இல்லங்கள் மகளிர் விடுதிகள் பதிவு உரிமம் எளிமையாக்கப்படும்.

5,590 குழந்தைகள் மையங்களை 55.90 கோடி ரூபாய் செலவில் சீர்மிகு குழந்தைகள் மையங்களாக தரம் உயர்த்தப்படும்.

அங்கன்வாடி பணியாளர்களுக்கு புதிய திறன் கைபேசிகள் வழங்கப்படும்.

இவ்வாறு அவர் கூறினார்.