நீங்கள் தேடியது "கவுதம் அதானி"

திருப்பதி:

ஆந்திர மாநிலத்தில் ஜெகன்மோகன் ரெட்டி ஆட்சி காலத்தில் அதானி நிறுவனத்தில் இருந்து போடப்பட்ட சூரிய சக்தி மின் ஒப்பந்தங்களை ரத்து செய்யக்கோரி கவர்னர் அப்துல் நசீரிடம் ஆந்திர மாநில காங்கிரஸ் தலைவர் சர்மிளா மனு அளித்தார்.

இதைத் தொடர்ந்து அவர் அளித்த பேட்டியில் கூறியதாவது:-

ஜெகன் மோகன் ரெட்டி நன்கொடை வாங்கியதற்கும் அதானியிடம் லஞ்சம் பற்றி நேரடியாக பேசியதற்கும் ஆதாரங்கள் உள்ளன. லஞ்சம் வாங்குவதற்காகத்தான் ஜெகன் மோகன் ரெட்டி இந்த ஒப்பந்தங்களில் கையெழுத்திட்டுள்ளார்.

அவர் ஊழல் செய்யவில்லை என்றால் தனது பிள்ளைகள் மீது சத்தியம் செய்ய வேண்டும். இந்த விவகாரத்தில் அதானிக்கும் மோடிக்கும் முதல்-மந்திரி சந்திரபாபு நாயுடு பயப்படுவதால் நடவடிக்கை எடுக்கவில்லை. இவ்வாறு அவர் கூறினர்.

அமெரிக்க நீதிமன்றத்தில் அதானி மீது குற்றம்சாட்டப்பட்ட நிலையில் அவர் கைது செய்யப்பட வேண்டும் என மக்களவை எதிர்க்கட்சி தலைவரும், காங்கிரஸ் எம்.பி.யுமான ராகுல் காந்தி தொடர்ந்து வலியுறுத்தி வருகிறார்.

இன்று பாராளுமன்றத்திற்கு வெளியே நிருபர்களிடம் பேசிய ராகுல் காந்தி "நாட்டின் நூற்றுக்கணக்கான மக்கள் சிறிய குற்றத்திற்காக கைது செய்யப்படும்போது அதானி ஏன் சிறையில் இல்லை?. அவர் கைது செய்யப்பட வேண்டும். சிறையில் இருக்க வேண்டும். அரசு அவரை பாதுகாக்கிறது" என மத்திய அரசை குற்றம்சாட்டியுள்ளார்.

இதற்கிடையில் அமெரிக்க நீதிமன்றத்தில் தாக்கல் செய்த குற்றச்சாட்டில் அதானி மற்றும் சாகர் அதானி பெயர்கள் லஞ்சம் குற்றச்சாட்டில் சேர்க்கப்படவில்லை என அதானி குழுமம் தெரிவித்துள்ளது.

அதானி குழுமம் குற்றச்சாட்டை மறுப்பது தொடர்பாக கேட்ட கேள்விக்கு "அதானிகள் குற்றச்சாட்டுகளை ஏற்றுக்கொள்வார்கள் என்று நினைக்கிறீர்கள். நீங்கள் எந்த உலகில் வாழ்கிறீர்கள்? வெளிப்படையாக, அவர் குற்றச்சாட்டுகளை மறுக்கப் போகிறார்" என்றார்.

புதுடெல்லி:

பிரபல தொழிலதிபரும், உலகின் முன்னணி பணக்காரருமான கவுதம் அதானி இந்தியா மட்டுமின்றி பல்வேறு வெளிநாடுகளிலும் ஏராளமான தொழில்களை நடத்தி வருகிறார். ஏராளமான வெளிநாட்டு முதலீட்டாளர்களும் அவரது நிறுவனங்களில் முதலீடு செய்துள்ளனர்.

அதானியின் சூரிய மின்சக்தி நிறுவனம் தயாரிக்கும் மின்சாரத்தை வினியோகிப்பதற்கான ஒப்பந்தத்தை பெறுவதற்காக ஆந்திரா, ஒடிசா, தமிழ்நாடு, காஷ்மீர், சத்தீஸ்கர் மாநிலங்களில் அரசு அதிகாரிகளுக்கு ரூ.2,000 கோடிக்கு மேல் லஞ்சம் கொடுத்துள்ளார் என அமெரிக்கா குற்றம்சாட்டியது.

இதை மறைத்து அமெரிக்கர்களிடம் இருந்து அதிகளவிலான முதலீடுகளைப் பெற்றுள்ளதாகவும், இது அமெரிக்க சட்டத்துக்கு எதிரானது என அமெரிக்காவின் பத்திரங்கள் மற்றும் பரிவர்த்தனை ஆணையம் (எஸ்.இ.சி.) சார்பில் நியூயார்க் பெடரல் கோர்ட்டில் வழக்கு தொடரப்பட்டுள்ளது.

அதானியின் மருமகனும், அதானி கிரீன் எனர்ஜி நிறுவன செயல் இயக்குனருமான சாகர் அதானி உள்பட 7 பேர் மீது லஞ்சம் மற்றும் கடன் பத்திர மோசடி தொடர்பாக தனித்தனியாக குற்றச்சாட்டுகள் பதிவு செய்யப்பட்டுள்ளன. இந்த வழக்கில் அதானிக்கு எதிராக அமெரிக்க கோர்ட் பிடிவாரண்ட் பிறப்பித்துள்ளது.

இந்த விவகாரம் இந்திய அரசியலில் பெரும் புயலை கிளப்பியுள்ளது. தொழிலதிபர் அதானியை கைது செய்யவேண்டும் என எதிர்க்கட்சிகள் போர்க்கொடி தூக்கியுள்ளன.

இதற்கிடையே, தங்கள் மீதான குற்றச்சாட்டுகள் அனைத்தும் அடிப்படை ஆதாரமற்றவை. அமெரிக்காவின் இந்த குற்றச்சாட்டுகளை சட்டப்படி எதிர்கொள்வோம் என அதானி குழுமம் அறிவித்துள்ளது.

இந்நிலையில், அதானி மீதான குற்றச்சாட்டு குறித்து விசாரணை நடத்த உத்தரவிடக் கோரி சுப்ரீம் கோர்ட்டில் பொதுநல மனு தாக்கல் செய்யப்பட்டுள்ளது.

ஹிண்டன்பர்க் விவகாரத்திற்கும் தற்போது எழுந்துள்ள குற்றச்சாட்டுகளுக்கும் தொடர்பு இருக்கலாம் என தெரிவிக்கப்பட்டுள்ளது

இதுதொடர்பாக வழக்கறிஞர் விஷால் திவாரி தாக்கல் செய்துள்ள மனுவில், தேச நலனை கருத்தில் கொண்டு உடனடியாக முழு விசாரணை நடத்தவேண்டும் என கோரிக்கை விடுத்துள்ளார்.

குஜராத் மாநிலத்தை சேர்ந்தவர் கவுதம் அதானி (வயது 62). இவர் இந்தியாவின் 2-வது பணக்காரராகவும் உலக பணக்காரர்கள் பட்டியலில் 17-வது இடத்திலும் உள்ளார்.

துறைமுகங்கள், விமான நிலையங்கள், நிலக்கரி, மின் உற்பத்தி மற்றும் ரியல் எஸ்டேட் உள்ளிட்ட தொழில்களில் கவுதம் அதானி ஈடுபட்டு வருகிறார்.

இந்த நிலையில் கடந்த 2020-24 காலகட்டத்தில் அதிக விலைக்கு சூரிய ஒளி மின்சார வாங்கும் வகையில் விநியோக ஒப்பந்தங்களை பெறுவதற்காக ஆந்திரா, ஜம்மு- காஷ்மீர் சத்தீஸ்கர், ஒடிசா உள்ளிட்ட மாநிலங்களில் அரசு அதிகாரிகளுக்கு அதானி குழுமம் ரூ.2,200 கோடி லஞ்சம் கொடுத்ததாகவும், இதை மறைத்து அமெரிக்க நிறுவனங்களிடம் முதலீடு பெற்றதாகவும் அதானி குழுமம் மீது நியூயார்க்கில் உள்ள கோர்ட்டில் குற்றச்சாட்டு பதிவு செய்யப்பட்டது பெரும் பரபரப்பை ஏற்படுத்தியுள்ளது.

இந்நிலையில், உலக அளவில் இந்தியாவின் நன்மதிப்பைக் கெடுக்கும் அதானி குடும்பத்தின் மீது தயவு தாட்சனையின்றி மத்திய அரசு நடவடிக்கை எடுக்க வேண்டும் என்று புதிய தமிழகம் கட்சித் தலைவர் கிருஷ்ணசாமி தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், "அதானிக் குடும்பத்தின் மீதான 2200 கோடி ஊழல் குற்றச்சாட்டு சர்வதேச அளவில் இந்தியாவின் நன்மதிப்பிற்கு பெரும் பங்கம் விளைவித்துள்ளது. அதானி குறித்து குற்றச்சாட்டை ஹிண்டன் பர்க் கடந்த வருடம் கூறிய பொழுது அது CIA சதி என்று கடந்து போய் விட்டோம். ஆனால், இந்த முறை அமெரிக்க அரசு அதானியின் முறைகேட்டைச் சுட்டிக்காட்டியது மட்டுமின்றி, பல ஆதாரங்களுடன் வழக்கும் பதிவு செய்யப்பட்டுள்ளது.

அதானி குடும்பத்தின் சூரிய ஒளி மின் நிறுவனத்திலிருந்து மத்திய அரசு கொள்முதல் செய்து, அதன் பின்னரே அம்மாநிலங்களின் தேவையைக் கணக்கில் கொண்டு விற்பனை செய்யப்படுகிறது. அதானி கம்பெனியின் சோலார் மின்சாரத்தின் விலை அதிகமாக இருந்ததால் பல மாநில அரசுகள் வாங்க மறுத்துவிட்டன. எனவே பின்னர் மத்திய, மாநில அரசு அதிகாரிகளை ஊழல் படுத்தி அதிக விலைக்கு அதானி குடும்பம் தனது சூரிய ஒளி மின்சாரத்தை வாங்க வைத்துள்ளனர்.

மேலும், இதன் மூலம் அதானி கம்பெனியின் வர்த்தகத்தை மிக உயர்த்தி காட்டி அமெரிக்காவிலிருந்து முதலீடுகளை ஈர்த்து உள்ளனர். அமெரிக்க நாட்டின் சட்டப்படி, இது மிகப்பெரிய குற்றமாகும். இந்தக் குற்றச்சாட்டுகளில் ஆந்திரா, தமிழ்நாடு உள்ளிட்ட 4 மாநிலங்களும் சம்பந்தப்படுத்தப்பட்டுள்ளன. இக்குற்றச்சாட்டுகளுக்கும் சாதாரண மக்களுக்கும் எவ்விதத் தொடர்பும் இல்லை என்று எவரும் ஒதுங்கிப் போய் விட முடியாது. அண்மைக்காலமாக அடிக்கடி மின் கட்டண உயர்வும், அதனால் தொழில் நிறுவனங்கள் அபரிவிதமான மின்சாரக் கட்டண உயர்வால் பல தொழில்கள் நொடிந்து போய் விட்டன. அதிகாரிகள் ஊழல் எனும் வியாதிக்கு ஆட்பட்டு, அதிக விலைக்கு மின்சாரக் கொள்முதல் செய்வதால் தான் அந்த கூடுதல் விலை சாதாரண மக்களின் தலையில் சுமத்தப்படுகிறது. எனவே அதானி மீதான ஊழல் குற்றச்சாட்டை எளிதில் கடந்து போக முடியாது.

இதேபோன்று மத்திய அரசின் துறைமுகங்கள், விமான நிலையங்கள், நிலக்கரிச் சுரங்கங்களைக் குத்தகை எடுப்பதிலும் அரசியல் தலைமைகளையும், அதிகாரிகளையும் ஊழல் படுத்தாமல் கையகப்படுத்தி இருக்க முடியாது. மேலும், மிகக் குறுகிய காலத்தில் அதானி உலக அளவில் தொழில் சாம்ராஜ்யத்தைக் கட்டியிருக்க முடியாது. இப்போது சர்வதேச அளவில் முதல் பணக்காரர் என்ற நிலை மாறி, சர்வதேச அளவில் மிகப் பெரிய ஊழல்வாதி - குற்றவாளி என்ற நிலைக்கு அதானி தள்ளப்பட்டு இருக்கிறார். அதானி குழுமம் மீது மத்திய அரசு முறையான உயர்மட்ட விசாரணைக்கு உத்தரவிட வேண்டும். அதானியை பாதுகாக்க மத்திய அரசு எவ்வித முயற்சியும் செய்யக் கூடாது. இது 140 கோடி மக்களின் உலக அளவில் நன்மதிப்பு சம்பந்தப்பட்ட விஷயம் மட்டுமல்ல; அவர்களின் நலன் சார்ந்த விஷயமுமாகும்.

மேலும், தமிழ்நாட்டில் கடந்த 10 வருடங்களாக அதானிக் குடும்பத்திடமிருந்து கூடுதல் விலைக்கே சூரிய ஒளி மின் கொள்முதல் செய்யப்பட்டுள்ளது. இராமநாதபுரம் மாவட்டம் திருச்சுழி / கமுதி பகுதியில் தயாரிக்கப்படும் சூரிய ஒளி மின்சாரத்தை தமிழ்நாட்டில் மிக அதிக விலைக்கு பெற்றுள்ளனர். எனவே, தமிழ்நாட்டில் அதானி குழுமத்திடம் போடப்பட்டுள்ள ஒப்பந்தங்கள் அனைத்தையும் வெளிச்சத்திற்கு வர வேண்டும். ஏழை, எளிய மக்களின் மீதான மின்சுமை அதிகரிக்கக் காரணமான அதானி குடும்பத்தின் அனைத்து ஊழல் நடவடிக்கைகளையும் முழுமையாக விசாரிக்க. உயர்மட்ட விசாரணைக்கு அமைக்க வேண்டும். அமெரிக்க அரசின் அதானி பிடிவாரண்டிற்கு தடை கேட்கக் கூடாது. கார்ப்பரேட் கம்பெனிகள் இந்தியாவின் அடையாளங்கள் அல்ல.! மாறாக அவமானச் சின்னங்களாக மாறி வருவது தடுக்கப்பட வேண்டும்" என்று தெரிவித்துள்ளார்.

திருப்பதி:

சூரிய ஒளி மின்சார ஒப்பந்தம் பெற ஆந்திர மாநில முன்னாள் முதல் மந்திரி ஜெகன்மோகன் ரெட்டிக்கு அதானி அதிகபட்சமாக ரூ.1,750 கோடி லஞ்சம் கொடுத்ததாக அமெரிக்க குற்றப் பத்திரிகையில் பரபரப்பு தகவல் வெளியாகியுள்ளது.

குஜராத் மாநிலத்தை சேர்ந்தவர் கவுதம் அதானி (வயது 62). இவர் இந்தியாவின் 2-வது பணக்காரராகவும் உலக பணக்காரர்கள் பட்டியலில் 17-வது இடத்திலும் உள்ளார்.

துறைமுகங்கள், விமான நிலையங்கள், நிலக்கரி, மின் உற்பத்தி மற்றும் ரியல் எஸ்டேட் உள்ளிட்ட தொழில்களில் கவுதம் அதானி ஈடுபட்டு வருகிறார்.

இந்த நிலையில் கடந்த 2020-24 காலகட்டத்தில் அதிக விலைக்கு சூரிய ஒளி மின்சார வாங்கும் வகையில் விநியோக ஒப்பந்தங்களை பெறுவதற்காக ஆந்திரா, ஜம்மு-காஷ்மீர் சத்தீஸ்கர், ஒடிசா உள்ளிட்ட மாநிலங்களில் அரசு அதிகாரிகளுக்கு அதானி குழுமம் ரூ.2,200 கோடி லஞ்சம் கொடுத்ததாகவும், இதை மறைத்து அமெரிக்க நிறுவனங்களிடம் முதலீடு பெற்றதாகவும் அதானி குழுமம் மீது நியூயார்க்கில் உள்ள கோர்ட்டில் குற்றச்சாட்டு பதிவு செய்யப்பட்டது.

இதன் தொடர்ச்சியாக அதானி குழுமத்தின் தலைவர் கவுதம் அதானி மற்றும் அவரது உறவினர் சாகர் அதானி முன்னாள் சி.இ.ஓ. வினித் ஜெயின் உள்ளிட்ட 7 பேர் மீது லஞ்சம் மற்றும் கடன் பத்திர மோசடி தொடர்பான தனித்தனி வழக்குகளில் அமெரிக்க கோர்ட்டில் குற்றச்சாட்டு பதிவு செய்யப்பட்டுள்ளது. இந்த வழக்கில் அதானிக்கு அமெரிக்க கோர்ட்டு பிடிவாரண்டு பிறப்பித்துள்ளது.

இந்தியாவிலேயே அதிகபட்சமாக ஆந்திர மாநில முன்னாள் முதல் மந்திரி ஜெகன்மோகன் ரெட்டிக்கு ரூ.1,750 கோடி வரை அதானி லஞ்சம் கொடுத்ததாக அமெரிக்க குற்றப்பத்திரிக்கையில் தெரிவிக்கப்பட்டுள்ளது.

ஆந்திர மாநிலத்தில் ஜெகன் மோகன் ரெட்டி முதல் மந்திரியாக இருந்தபோது தன்னுடைய மின்சாரத்தை அதிக விலைக்கு வாங்கினால் ரூ.1,750 கோடி தருவோம் என அதானி சார்பில் தெரிவிக்கப்பட்டுள்ளது.

இந்த ஒப்பந்தத்தின் மூலம் மாநில அரசுக்கு ரூ.1.10 லட்சம் கோடி சுமை ஏற்படும். இது நஷ்டம் என்பது தெரிந்தும் ஜெகன் மோகன் ரெட்டி தனக்கு பல கோடி ரூபாய் வரும் என்று நோக்கத்தில் இந்த ஒப்பந்தத்தை நிறைவேற்றி உள்ளதாக தெரிவிக்கப்பட்டுள்ளது.

ஜெகன்மோகன் ரெட்டி முதல் மந்திரியாக இருந்தபோது தொழில் அதிபர்களை சந்திப்பது வெளிப்படையாக இருந்தது. இது பற்றி பேட்டியும் அளித்தனர்.

ஆனால் அதானிக்கும், ஜெகன்மோகன் ரெட்டிக்கும் சூரிய ஒளி மின்சாரம் ஒப்பந்தம் செய்வது தொடர்பாக கடுமையான நெருக்கம் இருந்துள்ளது. இதற்காக தாடேப்பள்ளியில் உள்ள அரண்மனையில் ஜெகன் மோகன் ரெட்டியை அதானி 3 முறை ரகசியமாக சந்தித்துள்ளார்.

இந்த சந்திப்பின்போது அவர்கள் நன்கொடை மற்றும் லஞ்ச பணம் குறித்து மறைமுக வார்த்தைகளால் பேசியுள்ளனர். இந்த சந்திப்புக்கு பிறகு அதானி நிறுவனத்துடன் ஒப்பந்தம் வேக வேகமாக நிறைவேறி உள்ளது.

மத்திய சூரிய சக்தி நிறுவனத்தில் இருந்து மின்சாரம் வாங்குவதற்கான முன் மொழிவு, அமைச்சர்களின் ஒப்புதல் மற்றும் ஒப்பந்தம் கையெழுத்து ஆகியவை அனைத்தும் சில நாட்களிலேயே நடந்து முடிந்துள்ளது.

கடந்த 2021-ம் ஆண்டு ஆகஸ்டு மாதம் ஜெகன்மோகன் ரெட்டியை அதானி சந்தித்து ரூ.1,750 கோடி வழங்குவது குறித்து விவாதித்துள்ளார். பின்னர் ஆந்திர அரசாங்கத்துடன் மின்சார கொள்முதல் ஒப்பந்தங்கள் கையெழுத்தானது.

இதன் மூலம் அதானி குழுமத்திற்கு 20 ஆண்டுகளில் 200 கோடி டாலர் நிகர லாபம் கிடைக்கும் என்று அமெரிக்க அறிக்கை கூறுகிறது.

இந்த ஒப்பந்தத்தின் மூலம் அதானியும் ஜெகன் மோகன் ரெட்டியும், அதிகளவில் ஆதாயம் அடைகிறார்கள். இந்தியாவில் மொத்தமாக அதானி நிறுவனம் ரூ. 2200 கோடி அளவுக்கு லஞ்சம் கொடுத்துள்ளது என்றால் அதில் அதிகபட்சமாக ஜெகன்மோகன் ரெட்டிக்கு தான் ரூ.1,750 கோடியை வழங்கி உள்ளது.

இந்த பணம் பரிமாற்றத்திற்கு பிறகு கிருஷ்ணா பட்டினம் துறைமுகத்தில் மாநில அரசின் பங்கை விற்க அமைச்சரவை முடிவு செய்துள்ளது.

அமெரிக்காவின் புலனாய்வு அமைப்புகள் இந்த மோசடியின் நுட்பமான அம்சங்களை கூட அம்பலப்படுத்தி உள்ளன.

லஞ்சம் கொடுப்பதற்காக யார் எப்போது எங்கே? எப்படி சந்தித்தார்கள் அவர்களுக்கு இடையே என்ன மாதிரியான கடித பரிமாற்றம் நடந்தது என்பதை வெளிப்படுத்தி உள்ளனர்.

அமெரிக்காவில் அமர்ந்து கொண்டு ஆந்திராவில் உள்ள தாடே பள்ளி அரண்மனையில் நடந்த கூட்டங்களின் சுருக்கத்தை அவர்கள் தங்கள் குற்ற பத்திரிக்கையில் குறிப்பிட்டுள்ளனர்.

இது போன்ற விசாரணை நடத்துவது எப்படி நிதி திட்ட முறைகேடுளை எப்படி அம்பலப்படுத்துவது என்பதற்கு இந்த விசாரணை ஒரு சிறந்த உதாரணம்.

ஆந்திராவில் ஆட்சியை இழந்த ஜெகன்மோகன் ரெட்டி தற்போது எதிர்க்கட்சித் தலைவர் பதவி கூட கிடைக்காமல் திண்டாடி வருகிறார். அவர் மீது மணல் மோசடி, மதுபான ஊழல் வழக்குகள் உள்ளன. அந்த வழக்குகளில் ஆஜராகாமல் இழுத்தடித்து வருகிறார்.

அமெரிக்க நிறுவனங்களிடம் இருந்து வசூலிக்கப்பட்ட நிதியில் இருந்து ரூ.1,750 கோடியை லஞ்சம் மற்றும் நன்கொடையாக பெறுவது மிகப்பெரிய குற்றத்தின் கீழ் கணக்கிடப்படுகிறது.

இந்த வழக்கில் ஜெகன் மோகன் ரெட்டி குற்றவாளியாக சேர்க்கப்பட்டுள்ளார் என்பது உண்மை. இதுவரை ஊழல் குற்றச்சாட்டுகளை சந்தித்து வரும் ஜெகன்மோகன் ரெட்டி அமெரிக்காவிலும் விசாரணையை சந்திக்க வேண்டும். குற்றம் நிரூபிக்கப்பட்டால் கடுமையான தண்டனைக்கு வாய்ப்பு உள்ளது என சட்ட வல்லுநர்கள் தெரிவித்துள்ளனர்.

ஜெகன்மோகன் ரெட்டி மீதான இந்த குற்றச்சாட்டு ஆந்திர மாநிலத்தில் பெரும் பரபரப்பை ஏற்படுத்தியது.

சூரிய மின்சக்தி ஒப்பந்தம் பெற இந்திய அரசு அதிகாரிகளுக்கு ரூ.2,029 கோடி லஞ்சம் கொடுக்க முயன்றதாக தொழிலதிபர் கவுதம் அதானி மீது நியூயார்க் நீதிமன்றத்தில் குற்றச்சாட்டு சுமத்தப்பட்டுள்ளது பெரும் பரபரப்பை ஏற்படுத்தியுள்ளது.

இதன் காரணமாக, கௌதம் அதானி மற்றும் அவரது மருமகன் சாகர் அதானி ஆகியோருக்கு நியூயார்க் நீதிமன்றம் பிடிவாரண்ட் பிறப்பித்துள்ளது.

இந்நிலையில், நீதிமன்ற பிடிவாரண்ட் உத்தரவை தொடர்ந்து கென்யாவில் அதானி நிறுவனம் மேற்கொள்ள இருந்த விமான நிலைய விரிவாக்கம், மின்சார திட்டம் ரத்து செய்யப்பட்டுள்ளது.

கென்ய அதிபர் வில்லியம் ரூட்டோ, விமான நிலையத்தை விரிவுபடுத்துவதற்கான செயல்முறையை ரத்து செய்ய உத்தரவிடப்பட்டுள்ளது.

கென்யாவின் நைரோபி விமான நிலைய விரிவாக்கத்திற்கு 1.85 பில்லியன் அமெரிக்க டாலர் முதலீடு செய்ய அதானி நிறுவனம் திட்டமிட்டிருந்தது.

ஆப்பிரிக்காவின் பரபரப்பான விமான நிலையத்தை விரிவாக்கம் செய்வதற்கு பதிலாக அதனை 30 ஆண்டுகள் குத்தகைக்கு எடுக்கவும் திட்டமிடப்பட்டது.

ஆனால், விமான நிலையத்தை அதானி குழுமத்திற்கு 30 ஆண்டுகள் குத்தகைக்கு விடும் ஒப்பந்தத்திற்கு கென்ய உயர்நீதிமன்றம் தடை விதித்துள்ளது குறிப்பிடத்தக்கது.

அதிகாரிகளுக்கு லஞ்சம் கொடுக்க முன்வந்ததை முதலீட்டாளர்களிடம் தெரிவிக்காமல் மறைத்து ஏமாற்றியதாக அமெரிக்கா நீதிமன்றத்தில் குற்றம்சாட்டப்பட்டுள்ளது.

சோலார் எனர்ஜி சப்ளை ஒப்பந்தத்தை பெறுவதற்காக இந்திய அதிகாரிகளுக்கு 250 மில்லியன் அமெரிக்க டாலர் அளவிற்கு மேல் லஞ்சம் கொடுக்க முன்வந்ததை தெரிவிக்காமல் மறைத்ததன் மூலம் இத்திட்டத்தில் பல மில்லியன் டாலர்கள் முதலீடு செய்த முதலீட்டாளர்களை ஏமாற்றியதாக அமெரிக்கா குற்றம்சாட்டியுள்ளது.

அமெரிக்காவின் பாதுகாப்பு மற்றும் எக்சேஞ்ச் கமிஷன் அமெரிக்க முதலீட்டாளர்களை ஏமாற்றுதல், அதிகாரிகளுக்கு லஞ்சம் கொடுக்க முன்வருதல் குற்றச்சாட்டை அதானி மீது வைத்துள்ளது.

கவுதம் அதானி, அவரது உறவினர் சாகர் அதானி (அதானி கிரீன் எனர்ஜி லிமிடெட் நிர்வாகி), சிரில் கபாடினெஸ் (executive of Azure Power Global Ltd) உள்ளிட்ட ஏழு மீது குற்றம்சாட்டியுள்ளது.

அதானி கிரீன் அமெரிக்க முதலீட்டாளர்களிடம்இருந்து 175 மில்லியன் டாலருக்கும் அதிகமாக முதலீடு பெற்றதாக தெரிவித்துள்ளது.

இதனைத் தொடர்ந்து நியூயார்க் நீதிமன்றம் அதானிக்கு எதிராக பிடிவாரண்ட் பிறப்பித்துள்ளது.

புதுடெல்லி:

அமெரிக்க அதிபர் தேர்தலில் குடியரசு கட்சி வேட்பாளரான முன்னாள் அதிபர் டொனல்டு டிரம்ப் வெற்றி பெற்றார். ஜனவரியில் பதவியேற்கும் டிரம்ப் அடுத்த 4 வருடங்களுக்கு 2029 வரை ஆட்சியில் இருப்பார்.

அதிபர் தேர்தலில் வெற்றி பெற்ற டிரம்புக்கு உலக தலைவர்கள் பலர் வாழ்த்து தெரிவித்து வருகின்றனர்.

இந்நிலையில், அதானி குழுமத்தின் தலைவர் கவுதம் அதானி அமெரிக்காவில் 10 பில்லியன் டாலர் முதலீடு செய்ய உள்ளதாக எக்ஸ் வலைதளம் வாயிலாக அறிவித்துள்ளார். இந்த முதலீடு அமெரிக்காவின் எனர்ஜி பாதுகாப்பு மற்றும் உள்கட்டமைப்பை வலுப்படுத்தும் நோக்கில் மேற்கொள்ளப்படும் என தெரிவித்துள்ளார்.

இதுதொடர்பாக, கவுதம் அதானி வெளியிட்டுள்ள செய்தியில், அமெரிக்க அதிபர் தேர்தலில் டொனால்டு டிரம்ப் வெற்றிபெற்றதற்கு வாழ்த்துகள். இந்தியா மற்றும் அமெரிக்கா இடையிலான கூட்டாண்மை வலுவடைந்து வரும் வேளையில், அதானி குழுமம் தனது உலகளாவிய வர்த்தக நிபுணத்துவத்தைப் பயன்படுத்தி அமெரிக்காவில் 10 பில்லியன் டாலர் முதலீடு செய்யத் திட்டமிட்டுள்ளது. இதன்மூலம் 15,000 வேலைவாய்ப்புகள் உருவாக்கப்படும் என பதிவிட்டுள்ளார்.

உலகின் பெரும் பணக்காரரான எலான் மஸ்க் 2027 ஆண்டு உலகின் முதல் ட்ரில்லியனராக மாறுவதற்கான வாய்ப்பு உள்ளது என்று இன்ஃபோர்மா கனெக்ட் அகாடமியின் அறிக்கையில் தெரிவிக்கப்பட்டுள்ளது. மஸ்க்கின் சொத்துமதிப்பு ஒவ்வொரு வருடமும் 110% அதிகரித்து வருகிறது என்று அதில் கூறப்பட்டுள்ளது.

தற்போது 251 மில்லியன் டாலர் சொத்து மதிப்புடன் எலான் மஸ்க் உலக பணக்காரர்கள் வரிசையில் முதலிடத்தில் உள்ளார்.

அதே போல், இந்தியாவின் பெரும் பணக்காரரான கவுதம் அதானி 2028 ஆம் ஆண்டுக்குள் ட்ரில்லியனராக மாறுவதற்கு வாய்ப்புள்ளது என்று அந்த ஆய்வில் கூறப்பட்டுள்ளது.

தற்போது அதானியன் சொத்துமதிப்பு 84 மில்லியன் டாலராக உள்ளது. அதானி குழுமத்தின் வளர்ச்சி விகிதம் 122.86% ஆக உள்ளது.

இந்தப் பட்டியலில் மெட்டா நிறுவனர் மார்க் ஜுக்கர்பெர்க், அமேசான் நிறுவனர் ஜெப் பெசாஸ் மற்றும் முகேஷ் அம்பானி ஆகியோர் 2033க்குள் டிரில்லியனராக மாறுவார் என தெரிவிக்கப்பட்டுள்ளது.

2024ம் ஆண்டின் ஹுரன் இந்தியா கோடீஸ்வரர் பட்டியல் குறித்து ஹூருன் ஆராய்ச்சி நிறுவனம் அறிக்கை ஒன்றை வெளியிட்டுள்ளது.

அந்த அறிக்கையில், கவுதம் அதானி முகேஷ் அம்பானியை பின்னுக்குத் தள்ளி முதல் இடத்தை பிடித்துள்ளார்.

அதன்படி, கவுதம் அதானி ரூ.11.61 லட்சம் கோடி சொத்துக்களுடன் முதலம் இடம் பிடித்துள்ளார்.

தொடர்ந்து, முகேஷ் அம்பானி ரூ.10.14 லட்சம் கோடி சொத்துக்களுடன் 2ம் இடத்தை பிடித்துள்ளார்.

3ம் இடத்தை ரூ.3.14 லட்சம் கோடியுடன் எச்சிஎல் நிறுவனர் ஷிவ் நாடார் பிடித்துள்ளார்.

தொடர்ந்து, சைரஸ் பூனாவாலா (ரூ.2.89 லட்சம் கோடி), திலிப் சங்க்வி (2.49 லட்சம் கோடி) ஆகியோர் 4 மற்றும் 5ம் இடங்களை பிடித்துள்ளனர்.

இதேபோல், இந்தியாவில் 1,539 பேரிடம் தலா ரூ.1,000 கோடிக்கும் மேல் சொத்து உள்ளது. இந்த எண்ணிக்கை கடந்த ஆண்டை விட 220 அதிகம் ஆகும்.

இவர்களின் சொத்து மதிப்பு ஏறக்குறைய 25% அதிகரித்துள்ளது. முதல்முறையாக இந்தி நடிகர் ஷாருக்கான் இந்த பட்டியலில் நுழைந்துள்ளார். அவரின் சொத்து மதிப்பு ரூ.7,300 கோடி இருக்கலாம் என மதிப்பிடப்பட்டுள்ளது. 

இந்தியன் பிரீமியர் லீக் (ஐபிஎல்) தொடரில் 2022 ஆம் ஆண்டு சாம்பியன் பட்டமும், 2023 ஆம் ஆண்டு இரண்டாம் இடம் பிடித்த அணி குஜராத் டைட்டன்ஸ். சிவிசி கேப்பிட்டல் பார்ட்னர்ஸ் என்ற தனியார் நிறுவனம் குஜராத் டைட்டன்ஸ் அணியின் உரிமையாளராக உள்ளது. இந்நிறுவனம் பெரும்பாலான பங்குகளை விற்க இருப்பதாக தகவல் வெளியாகி உள்ளது.

மேலும், இந்தியாவின் முன்னணி தொழிலதிபர்களில் ஒருவரான கவுதம் அதானியின் அதானி குழுமம் மற்றும் டொரென்க் குழுமம் சிவிசி கேப்பிட்டல்ஸ் உடன் பேச்சுவார்த்தை நடத்தி வருவதாக கூறப்படுகிறது. அணியில் பெரும்பான்மை பங்குகளை தக்கவைத்துக் கொள்ளும் முடிவில் குஜராத் டைட்டன்ஸ் அணி உள்ளது.

எனினும், அதானி குழுமம் மற்றும் டொரென்ட் குழுமம் குஜராத் அணியில் அதிக பங்குகளை வாங்க ஆர்வம் செலுத்துவதாக தெரிகிறது. தற்போதைய மதிப்பீட்டின் படி குஜராத் டைட்டன்ஸ் அணியின் மொத்த மதிப்பு 1 பில்லியன் டாலர்கள், இந்திய மதிப்பில் ரூ. 8 ஆயிரத்து 363 கோடியே 25 லட்சம் துவங்கி அதிகபட்சம் 1.5 பில்லியன் டாலர்கள், இந்திய மதிப்பில் ரூ. 12 ஆயிரத்து 544 கோடியே 87 லட்சத்து 50 ஆயிரம் வரை இருக்கும் என்று கூறப்படுகிறது.

முன்னதாக 2021 ஆம் ஆண்டு சிவிசி கேப்பிட்டல்ஸ் நிறுவனம் இந்த அணியை ரூ. 5 ஆயிரத்து 625 கோடி கொடுத்து விலைக்கு வாங்கியது குறிப்பிடத்தக்கது.

இந்தியாவின் பெரும் பணக்காரர்களான கவுதம் அதானி மற்றும் முகேஷ் அம்பானி ஆகியோரின் நிறுவனங்கள் தொடர்ந்து லாபம் ஈட்டி வருகிறது. இதற்கிடையே பணக்காரர்கள் பட்டியலில் இருவரில் யார் முந்துகிறார்கள் என்ற போட்டி ஆரம்பம் முதலே நிலவி வருகிறது.

அந்த வகையில் ஆசிய பணக்காரர்கள் பட்டியலில் அம்பானியை பின்னுக்குத் தள்ளி கவுதம் அதானி மீண்டும் முன்னிலைக்கு வந்துள்ளார். கடந்த 2022 ஆம் ஆண்டு உலக பொருளாதாரம் சரிவில் இருந்த சமயத்தில் அதானியின் நிறுவனம் அதிக லாபத்தை சேர்த்துக் குவித்ததால் அவர் ஆசியப் பணக்காரர்கள் பட்டியலில் இடம்பெற்றார்.

ஆனால் கடந்த 2023 ஜனவரி மாதம் அதானி குழுமம் முறைகேடுகளில் ஈடுபட்டதாக ஹிண்டன்பெர்க் அறிக்கை வெளியாகி அந்நிறுவனத்துக்கு சறுக்கலை ஏற்படுத்தியது. இந்திய அரசியலிலும் ஹிண்டன்பெர்க் அறிக்கை பெரும் தாக்கத்தை ஏற்படுத்தியது. இந்நிலையில் சமீபத்தில் அதானி குழுமத்தின் விமான சேவை வர்த்தகம் குறிப்பிடத்தக்க வகையில் லாபம் ஈட்டியுள்ளது.

இதன்காரணமாக வர்த்தகத்தில் அதானியின் பங்குகளின் மதிப்பு கடந்த வெள்ளிக்கிழமை (மே 31) 14 சதவீதம் வரை அதிகரித்துள்ளதால் ப்ளூம்பெர்க் கறிக்கையின்படி, உலக பணக்காரர்கள் பட்டியலில் 12 ஆவது இடத்துக்கு அம்பானியை பின்னுக்குத் தள்ளி அதானி 11 ஆவது இடத்தைப் பிடித்துள்ளள்ளார். தற்போதைய நிலவரப்படி முறையே கவுதம் அதானியின் சொத்து மதிப்பு 111 பில்லியன் டாலராகவும் முகேஷ் அம்பானியின் சொத்து மதிப்பு 109 பில்லியன் டாலராகவும் உள்ளது.