நீங்கள் தேடியது "Vande Bharat Train"

ஸ்ரீநகர்:

ஜம்மு- காஷ்மீருக்கு முதல் முறையாக நேரடி ரெயில் சேவை தொடங்கப்பட உள்ளது. இதற்கான பணிகள் அனைத்தும் முடிவடைந்து விட்டது. அடுத்த மாதம் (ஏப்ரல்) 19-ந்தேதி பிரதமர் மோடி இந்த ரெயில் போக்குவரத்தை தொடங்கி வைக்கிறார்.

கத்ரா மற்றும் ஸ்ரீநகர் பாரமுல்லா இடையே முதல் முறையாக வந்தே பாரத் ரெயில் இயக்கப்படலாம் என ரெயில்வே வட்டாரங்கள் தெரிவிக்கின்றன. இந்த ரெயிலை பிரதமர் மோடி கொடி அசைத்து தொடங்கி வைக்கிறார்.

இந்த விழாவில் மத்திய ரெயில்வே மந்திரி அஸ்வினி வைஷ்ணவ், காஷ்மீர் துணை நிலை ஆளுநர் மனோஜ் சின்ஹா, அம்மாநில முதல்- மந்திரி உமர் அப்துல்லா ஆகியோர் பங்கேற்கின்றனர்.

பின்னர் பிரதமர் மோடி உலகின் மிக உயரமான செனாப் ரெயில் பாலத்தை பார்வையிட உள்ளார். கத்ராவில் நடக்கும் பிரமாண்ட பொதுக்கூட்டத்திலும் பிரதமர் மோடி கலந்து கொள்ள இருக்கிறார்.

நாட்டிலேயே அதிக வேகமாக செல்லும் "வந்தே பாரத்" ரெயில் சென்னை ஐ.சி.எப். உள்ளிட்ட முக்கிய நகரங்களில் தயாரிக்கப்படுகிறது. 160 கி.மீ. வேகத்தில் இயக்கக் கூடிய இந்த ரெயிலில் பல்வேறு சிறப்பு அம்சங்கள் உள்ளன. பூஜ்யம் கி.மீ.-ல் இருந்து மணிக்கு 100 கி.மீ. வேகத்தை வெறும் 52 வினாடிகளில் எட்டி விடும்.

அதிகபட்சமாக மணிக்கு 180 கி.மீ. வேகத்தில் ஓடும். பல்வேறு வசதிகளை கொண்ட இந்த வந்தே பாரத் ரெயில்கள் புதுடெல்லி - வாரணாசி, புதுடெல்லி -ஸ்ரீ மாதா வைஸ்னோ தேவி கத்ரா, காந்தி நகர் - மும்பை மற்றும் அம்ப் அந்தாரா -புதுடெல்லி என 4 வந்தே பாரத் ரெயில்கள் இயக்கப்படுகின்றன.

இந்த நிலையில், 5-வது வந்தே பாரத் ரெயில் தென்னிந்தியாவின் சென்னை - பெங்களூரு மற்றும் மைசூரு இடையே இயக்கப்படும் என அறிவிக்கப்பட்டுள்ளது. இந்த வந்தே பாரத் ரெயிலின் சோதனை ஓட்டம் தொடங்கியது. இந்தியாவின் 5வது வந்தே பாரத் ரெயில் சேவையை வரும் 11ம் தேதி பிரதமர் மோடி தொடங்கி வைக்க உள்ளார்.

சென்னை:

தென்னிந்தியாவின் முதல் வந்தே பாரத் ரெயில் சேவை சென்னை சென்ட்ரல்-மைசூரு இடையே கடந்த 12-ந்தேதி தொடங்கியது. புதன்கிழமை தவிர வாரத்தில் 6 நாட்கள் இந்த ரெயில் இயக்கப்படுகிறது.

முற்றிலும் குளிர்சாதன வசதியுடன் கூடிய சொகுசு இருக்கைகள் உள்ளிட்ட பல்வேறு வசதிகள் பயணிகளுக்கு அளிக்கப்படுகின்றன. 'எக்சிகியூட்டிவ்' சேர்கார் என்ற 2 வகுப்புகள் இதில் உள்ளன. சேவை தொடங்கிய 10 நாளில் பொதுமக்கள் இடையே நல்ல வரவேற்பு கிடைத்துள்ளது.

சென்னையில் இருந்து மைசூரு சென்ற ரெயிலில் எக்சிகியூட்டிவ் வகுப்பில் சராசரியாக 147 சதவீதமும், சேர் காரில் 115 சதவீதம் நிரம்பின. இதேபோல மைசூரில் இருந்து சென்ட்ரல் வந்த ரெயிலில் எக்ஸ்சிகியூட்டிவ் வகுப்பில் 125 சதவீதமும், சேர் காரில் 97 சதவீதமும் நிரம்பின.

இந்த ரெயில் காட்பாடி மற்றும் பெங்களூருவில் மட்டும் நின்று செல்கிறது. இடைநிறுத்தங்களில் இறங்கி ஏறும் பயணிகளின் அடிப்படையிலும் பயணம் செய்த மொத்த பயணிகள், இருக்கை வசதி அடிப்படையிலும் சதவீதம் கணக்கிடப்பட்டுள்ளது. வந்தே பாரத் ரெயிலில் மொத்தம் 1200 இருக்கைகள் உள்ளன.

விசாகப்பட்டினம்:

செகந்திராபாத் மற்றும் விசாகப்பட்டினம் இடையேயான அதிவேக வந்தே பாரத் விரைவு ரெயிலை பிரதமர் நரேந்திர மோடி ஜனவரி 15-ம் தேதி காணொலி காட்சி வழியாக காலை 10:30 மணிக்கு தொடங்கி வைக்க உள்ளார்.

இந்த சேவை, இந்திய ரெயில்வே துறையால் இயக்கப்படும் 8-வது வந்தே பாரத் விரைவு ரெயில் சேவையாகும். தெலுங்கு மொழி பேசும் தெலுங்கானா மற்றும் ஆந்திரப் பிரதேச மாநிலங்களை சுமார் 700 கிலோமீட்டர் அளவிற்கு இணைக்கும் முதல் ரெயில் சேவை இது.

இந்த வந்தே பாரத் விரைவு ரெயில் ஆந்திரப்பிரதேச மாநிலத்தில் விசாகப்பட்டினம், ராஜமுந்திரி மற்றும் விஜயவாடா ரெயில் நிலையங்களிலும், தெலுங்கானா மாநிலத்தில் கம்மம், வாரங்கல் மற்றும் செகந்திராபாத் ரெயில் நிலையங்களிலும் நின்று செல்லும் என்று தெரிவிக்கப்பட்டுள்ளது.

செகந்திராபாத் மற்றும் விசாகப்பட்டினம் இடையேயான அதிவேக வந்தே பாரத் விரைவு ரெயிலை பிரதமர் நரேந்திர மோடி இன்று காலை காணொலி காட்சி மூலம் தொடங்கி வைத்தார்.

இது 8-வது வந்தே பாரத் விரைவு ரெயில் சேவையாகும். இந்த ரெயில் தெலுங்கானா மற்றும் ஆந்திரப் பிரதேச மாநிலங்களை சுமார் 700 கிலோமீட்டர் அளவிற்கு இணைக்கும் முதல் ரெயில் சேவை இது.

இந்த வந்தே பாரத் விரைவு ரெயில் ஆந்திரப்பிரதேச மாநிலத்தில் விசாகப்பட்டினம், ராஜமுந்திரி மற்றும் விஜயவாடா ரெயில் நிலையங்களிலும், தெலுங்கானா மாநிலத்தில் கம்மம், வாரங்கல் மற்றும் செகந்திராபாத் ரெயில் நிலையங்களிலும் நின்று செல்லும் என்று தெரிவிக்கப்பட்டுள்ளது.

சென்னை சென்ட்ரல்-பெங்களூரு இடையே அதிவேக வந்தேபாரத் ரெயில் சேவை சமீபத்தில் தொடங்கப்பட்டது. சென்ட்ரலில் இருந்து புறப்பட்டு செல்லும் இந்த ரெயில் காட்பாடியில் மட்டுமே நிற்கும். வேறு எந்த நிலையத்திலும் நிற்காது.

இந்த நிலையில் வந்தே பாரத் ரெயிலை திருவள்ளூர் ரெயில் நிலையத்தில் நிறுத்த வேண்டும் என்று கோட்ட ரெயில் பயணிகள் நல உறுப்பினரும் திருவள்ளூர் மாவட்ட நுகர்வோர் கூட்டமைப்பு தலைவருமான ஜெயபால்ராஜ் கோரிக்கை வைத்தார்.

தொழிற்சாலைகள் மிகுந்த ஸ்ரீபெரும்புதூர், திருவள்ளூரில் இருந்து 18 கி.மீ தூரத்தில் உள்ளது. திருவள்ளூர் மாவட்டத்தின் தனி நபர் வருமானம் உயர்ந்துள்ளதாக சமீபத்தில் வெளிவந்த பொருளாதார ஆய்வு தெரிவிக்கின்றது.

இந்த ரெயில் நிலையத்தில் 6 பிளாட்பாரங்கள் இருப்பதால் வந்தே பாரத் ரெயிலை 4 நிமிடங்கள் நிறுத்தி எடுப்பதால் கால தாமதம் ஏற்படாது. இந்த ரெயிலை நிறுத்துவதன் மூலம் வர்த்தக பிரமுகர்கள், ஊழியர்கள் மற்றும் புறநகர் மின்சார ரெயில் பயணிகள் பயன் அடைவார்கள் என்று வலியுறுத்தினார்.

அதன் அடிப்படையில் சென்னை கோட்ட அதிகாரிகள் ரெயில்வே வாரியத்திற்கு பரிந்துரை செய்தனர். அதனை ஏற்று வந்தே பாரத் ரெயில் நிலையத்தில் நின்று செல்லும் என்று ரெயில்வே அறிவித்துள்ளது.

திருப்பூர் :

தென்னிந்தியாவின் மான்செஸ்டர், தொழில் நகரம் என அழைக்கப்படும் கோவையில் இருந்து தினமும் சென்னைக்கு இன்டர்சிட்டி, கோவை, சதாப்தி, நீலகிரி, சேரன் எக்ஸ்பிரஸ் ரெயில்கள் இயக்கப்பட்டு வருகின்றன.

இதுதவிர வாரத்தில் வெள்ளிக்கிழமைகளில் மட்டும் இரவில் சென்னைக்கு ரெயில் சேவை வழங்கப்பட்டு வருகிறது. மேலும் கேரளாவில் இருந்து கோவை வழியாகவும் சென்னைக்கு ரெயில்கள் செல்கின்றன. இந்த ரெயில்கள் அனைத்தையும் சேர்த்து தினமும் 15 ரெயில்கள் கோவையில் இருந்து சென்னைக்கு சென்று வருகிறது. இந்திய ரெயில்வே வந்தே பாரத் அதிவிரைவு ரெயில் சேவையை அறிமுகப்படுத்தியது. இந்த வந்தே பாரத் ரெயில் சேவையை கோவை வழித்தடத்திலும் தொடங்க வேண்டும் என மக்கள் எதிர்பார்த்து வருகின்றனர்.

இந்த சூழலில் கோவை- சென்னை வழித்தடத்தில் விரைவில் வந்தே பாரத் ரெயில் சேவை தொடங்கப்பட உள்ளது. தமிழகம் வருகை தரும் பிரதமர் மோடி இந்த திட்டத்தை தொடங்கி வைக்க ஏற்பாடுகள் நடந்து வருகிறது. கோவை- சென்னை இடையே இயக்கப்பட உள்ள வந்தே பாரத் ரெயில் 495.28 கிமீ தூரத்தை 6 மணி 10 நிமிடங்களில் சென்றடையும் என உத்தேசமாக தெரிவிக்கப்பட்டுள்ளது. புதன்கிழமை தவிர வாரத்தின் அனைத்து நாட்களும் இயக்கப்படும் இந்த ரெயில் திருப்பூர், ஈரோடு, சேலம் ரெயில் நிலையங்களில் நின்று செல்லும். கோவையில் காலை 6 மணிக்கு புறப்பட்டு சென்னைக்கு மதியம் 12.10 மணிக்கு சென்றடையும். சென்னையில் இருந்து 2.20 மணிக்கு புறப்பட்டு இரவு 8.30 மணிக்கு கோவை வந்தடையும் என உத்தேச தகவல் தெரிவிக்கப்பட்டுள்ளது.

இது தொடர்பாக கோவை மாவட்ட ரெயில் பயணிகள் நல சங்க தலைவர் ஜமீல் அகமது கூறியதாவது:- வந்தே பாரத் ரெயில் சேவை எதிர்பார்ப்பு நிறைவேற உள்ளது மிகுந்த மகிழ்ச்சி அளிக்கிறது. பகல் நேரத்தில் முழுவதும் குளிர்சாதன வசதி கொண்ட பெட்டிகளுடன் இயக்கப்படும் இந்த ரெயில் சேவையை போல் இரவிலும் படுக்கை வசதியுடன் கூடிய முழுவதும் குளிர்சாதன பெட்டிகள் கொண்ட ரெயில் சேவையையும் தொடங்க வேண்டும். கோவையில் இருந்து மதுரை, பெங்களூருவுக்கும் இரவு நேரங்களில் பாயிண்ட் டூ பாயிண்ட் முறையில் ரெயில் இயக்க வேண்டும். இவ்வாறு அவர் கூறினார். கொங்கு குளோபல் போரம் இயக்குனர் நந்தகுமார் கூறும்போது, வந்தே பாரத் ரெயில் சேவை எதிர்பார்ப்பு நிறைவேறுவது மகிழ்ச்சியாக உள்ளது. கோவை-சென்னை வழித்தடத்தில் பஸ்களை விட ரெயில்களில் பயணம் செய்யவே மக்கள் விரும்புகின்றனர். கோவையில் இருந்து பெங்களூருவுக்கு இரவு நேர ரெயில் சேவை தொடங்க நடவடிக்கை எடுக்க வேண்டும் என்றார். போத்தனூர் ரெயில் பயனாளர் சங்க பொதுச்செயலாளர் சுப்பிரமணியன் கூறுகையில், கோவை-சென்னை வந்தே பாரத் ரெயில் தொடங்குவது மகிழ்ச்சி அளிக்கிறது. கோவையில் இருந்து பல்வேறு வழித்தடங்களிலும் ரெயில் சேவையை அதிகரிக்க வேண்டும் என தெரிவித்தார்.

கோவையில் இருந்து காலை 6மணிக்கு புறப்படும் வந்தே பாரத் ரெயில் திருப்பூருக்கு காலை 6-30மணிக்கு வரும். 7.20 மணிக்கு ஈரோடு, 8-10மணிக்கு சேலம், 12-10மணிக்கு சென்னை சென்றடையும். பின்னர் மதியம் 2-20 மணிக்கு சென்னையில் இருந்து புறப்படும் ரெயில் மாலை 6-05 மணிக்கு சேலம், 7-05 மணிக்கு ஈரோடு, 7-45மணிக்கு திருப்பூர், 8-30மணிக்கு கோவை சென்றடையும். இதன் மூலம் திருப்பூரில் இருந்து சென்னைக்கு வந்தே பாரத் ரெயில் 5½ மணி நேரத்தில் சென்றடையலாம்.

சென்னை:

நாட்டின் அதிவேக வந்தே பாரத் ரெயில் பல மாநிலங்களை இணைக்கும் வகையில் இயக்கப்பட்டு வருகிறது.

சென்னை சென்ட்ரல்-மைசூரு இடையே அறிமுகப்படுத்தப்பட்ட இந்த ரெயிலுக்கு பொதுமக்கள் மத்தியில் அதிக வரவேற்பு கிடைத்துள்ளது.

வந்தே பாரத் ரெயில் பெட்டிகள் சென்னை பெரம்பூர் ரெயில்வே தொழிற்சாலையில் தயாரிக்கப்பட்டு நாட்டின் பல்வேறு மாநிலங்களில் இயக்கப்பட்டு வருகிறது.

11-வது வந்தே பாரத் ரெயில் தயாரிக்கப்பட்டு தயார் நிலையில் உள்ளன. சென்னை சென்ட்ரல்-கோவை இடையே வந்தே பாரத் ரெயிலை இயக்க முடிவு செய்யப்பட்டுள்ளது. பிரதமர் நரேந்திர மோடி ஏப்ரல் 8-ந்தேதி புதிய ரெயில் சேவையை தொடங்கி வைக்கிறார்.

பொதுவாக வந்தே பாரத் ரெயிலில் 16 பெட்டிகள் கொண்டதாக இருக்கும். 2 பக்கமும் ரெயிலை இயக்கக்கூடிய வசதி அதில் உள்ளது. முழுவதும் குளிர்சாதன வசதியுடன் கூடிய இந்த ரெயில் இருக்கைகள் விசாலமாக சொகுசாக அமைக்கப்பட்டுள்ளது.

ஆனால் சென்னை-கோவை இடையே இயக்கப்பட உள்ள வந்தே பாரத் ரெயிலில் 16 பெட்டிக்கு பதிலாக 8 பெட்டிகள் மட்டுமே இயக்கப்படுவதற்கு வாய்ப்பு உள்ளது.

சென்ட்ரலில் இருந்து கோவைக்கு காலை 6 மணிக்கு புறப்படக்கூடிய சதாப்தி எக்ஸ்பிரஸ்சுக்கு இணையாக வந்தேபாரத் ரெயிலை இயக்க திட்டமிடப்பட்டுள்ளது. வந்தே பாரத் ரெயில் கோவையில் இருந்து சென்னைக்கு இயக்கப்பட உள்ளது. கோவையில் இருந்து காலையில் 6 மணிக்கு புறப்படும் அந்த ரெயில் பகலில் சென்ட்ரல் வந்து சேரும். பின்னர் அங்கிருந்து பகல் 2 மணிக்கு புறப்பட்டு கோவைக்கு இரவு 8.30 மணிக்கு சென்றடைகிறது.

வந்தே பாரத் ரெயில் கால அட்டவணை, கட்டண விவரம் போன்றவை இன்னும் முறையாக அறிவிக்கப்படவில்லை.

அதேநேரத்தில் சென்ட்ரலில் இருந்து கோவைக்கு புறப்படும் சதாப்திக்கு இணையாக சென்ட்ரலுக்கு வந்தே பாரத் ரெயில் இயக்கப்படுவதாக கூறப்படுகிறது.

சேலம், திருப்பூரில் மட்டுமே நின்று செல்ல உள்ள வந்தே பாரத் ரெயிலில் பகல் நேரத்தில் பயணிகள் கூட்டம் அதிகமாக இருக்காது என்பதால் 16 பெட்டிகள் இயக்கினால் வருவாய் இழப்பு ஏற்படும் எனக் கருதி 8 பெட்டிகளை கொண்டு இயக்க ஆலோசிக்கப்படுகிறது.

வந்தே பாரத் ரெயில் மற்ற ரெயில்களைவிட வேகமாக செல்வதால் பயண நேரம் 6 மணி நேரம் 10 நிமிடங்களாக இருக்கும் என்று கணக்கிடப்பட்டு உள்ளது.

திருப்பதி:

செகந்திராபாத்-திருப்பதி இடையே வந்தே பாரத் ரெயிலை இயக்க மத்திய ரெயில்வே துறை முடிவு செய்துள்ளது. இந்த ரெயில் வரும் ஏப்ரல் 8-ந்தேதி முதல் இயக்கப்படுகிறது.

ரெயிலின் வழித்தடம், பயண நேரம், நிறுத்தப்பட வேண்டிய ரெயில் நிலையங்கள் மற்றும் கட்டணம் குறித்து அறிக்கை சமர்ப்பிக்க உத்தரவிடப்பட்டுள்ளது. இதற்கான பணிகளை தெற்கு மத்திய ரெயில்வே அதிகாரிகள் மேற்கொண்டு வருகின்றனர்.

ஐதராபாத்-திருப்பதி இடையே நாராயணாத்ரி எக்ஸ்பிரஸ் செல்லும் பாதையில் வந்தே பாரத் ரெயிலை இயக்க தென் மத்திய ரெயில்வே அதிகாரிகள் ஆலோசித்து வருவதாக தகவல் வெளியாகியுள்ளது.

இது குறித்து முறையான முடிவு எடுத்த பிறகு இந்த ரெயில் அறிமுகம் குறித்த அறிவிப்பை வெளியிடுவார்கள் என்று எதிர்பார்க்கப்படுகிறது.

இரு தெலுங்கு மாநிலங்களுக்கு இடையே 3 ரெயில்களை அறிமுகப்படுத்த ரெயில்வே அமைச்சகம் முன்பு முடிவு செய்தது.

செகந்திராபாத்-விசாகப்பட்டினம் இடையே வந்தே பாரத் ரெயில் சமீபத்தில் அறிமுகப்படுத்தப்பட்டது. அந்த ரெயிலுக்கு பயணிகளிடம் பெரும் வரவேற்பு கிடைத்து வருகிறது.

தினசரி 100 சதவீத இருக்கைகள் நிரம்பியவாறு ரெயில் இயக்கப்பட்டு வருகிறது.

ஒரு மாநிலத்திற்கு ஒரு வந்தே பாரத் ரெயில் மட்டுமே இயக்கப்பட்டு வருகிறது.

ஆனால் ஆந்திரா- தெலுங்கானா இடையே 2-வது வந்தே பாரத் ரெயிலை இயக்க ரெயில்வே துறை முடிவு செய்துள்ளது குறிப்பிடத்தக்கது.

போபால்:

மத்திய பிரதேச மாநிலம் போபால் வந்துள்ள பிரதமர் மோடி, ஒருங்கிணைந்த ராணுவ தளபதிகள் மாநாட்டில் பங்கேற்றார். இதனைத் தொடர்ந்து டெல்லி-போபால் இடையேயான நாட்டின் 11-வது வந்தே பாரத் ரெயிலை பிரதமர் மோடி கொடியசைத்து தொடங்கி வைத்தார்.

விழாவில் ரெயில்வே மந்திரி அஷ்வினி வைஷ்ணவ், மத்திய பிரதேச ஆளுநர் மங்கு பாய் பட்டேல், முதல்வர் சிவராஜ் சிங் சவுகான் உள்ளிட்ட பலர் கலந்துகொண்டனர்.

விழாவில் பிரதமர் மோடி பேசுகையில், ரெயில்வே துறையில் மாற்றங்கள் செய்வதுடன், மக்களுக்கு ஏதுவான பயண வசதிகளை ஏற்படுத்துவதே தனது அரசின் நோக்கம் என்றார்.

பின்னர் வந்தே பாரத் ரெயிலில் பிரதமர் மோடி பயணம் செய்தபடி, உடன் பயணித்த பள்ளி குழந்தைகளுடன் கலந்துரையாடினார். ரெயில் பணியாளர்களிடமும் உரையாடினார்.

இந்த வந்தே பாரத் ரெயில், போபாலில் உள்ள ராணி கம்லாபதி ரெயில் நிலையம் முதல் டெல்லி ஹஸ்ரத் நிஜாமுதீன் ரெயில் நிலையம் வரை இயக்கப்பட உள்ளது.  சனிக்கிழமை தவிர வாரத்தில் 6 நாட்களுக்கு இயக்கப்பட உள்ளது குறிப்பிடத்தக்கது.

புதுடெல்லி:

மத்திய பிரதேச மாநிலத்தின் முதல் வந்தே பாரத் ரெயில் சேவையை பிரதமர் மோடி இன்று கொடியசைத்து தொடங்கி வைத்தார். போபால்-டெல்லி இடையே இந்த ரெயில் இயக்கப்படுகிறது. இந்நிகழ்ச்சியில் பேசிய பிரதமர் மோடி, காங்கிரஸ் கட்சியை கிண்டலடித்தார். அவர் பேசியதாவது:-

இந்த நிகழ்வு ஏப்ரல் 1ம் தேதி நடைபெறும் என என்னிடம் தெரிவிக்கப்பட்டபோது, ஏன் ஏப்ரல் 1ம் தேதியில் வைக்கிறீர்கள்? என்று கேட்டேன். இதுகுறித்த செய்தி வெளியாகும்போது, இது பிரதமர் நரேந்திர மோடியின் ஏப்ரல் ஃபூல் ஏமாற்றுவேலை என எனது காங்கிரஸ் நண்பர்கள் கூறுவார்கள் என்று நினைத்தேன். ஆனால், நீங்களே தற்போது பார்க்கிறீர்கள். ஏப்ரல் 1-ம் தேதி திட்டமிட்டபடி வந்தே பாரத் ரயில் சேவை கொடி அசைத்து துவக்கிவைக்கப்பட்டுள்ளது. இது நமது திறமை மற்றும் தன்னம்பிக்கையின் அடையாளம். வந்தே பாரத் ரெயில் இந்தியாவின் புதிய வளர்ச்சியின் அடையாளம். நாட்டின் ஒவ்வொரு மூலையிலும் அதற்கான தேவை இருக்கிறது.

முந்தைய ஆட்சியின்போது ஒரே ஒரு குடும்பம்தான் இந்தியாவின் முதல் குடும்பம் என்று நினைத்தார்கள். நடுத்தர குடும்பங்களின் தேவைகள் குறித்து கவனம் செலுத்தவில்லை. இதற்கு உதாரணம் இந்திய ரெயில்வே. இந்திய ரெயில் என்பது சாமானியர்களுக்கானது. கடந்த 9 ஆண்டுகளில், இந்திய ரெயில்வேயை உலகின் சிறந்த ரெயில்வேயாக மாற்றுவதற்கான முயற்சிகளை மேற்கொண்டு வருகிறோம். 900 ரெயில் நிலையங்களில் சிசிடிவி கேமராக்கள் பொருத்தப்பட்டுள்ளன. வந்தே பாரத் சூப்பர் ஹிட் ஆகிவிட்டது.

இவ்வாறு பிரதமர் மோடி பேசினார்.

திருப்பூர் :

கோவை-சென்னை இடையே வந்தே பாரத் ரெயில் இயக்கப்பட உள்ளது. இந்த ெரயிலில் மொத்தம் 530 இருக்கைகள் உள்ளது. இதில் 180 டிகிரி வளையக்கூடிய 52 எக்சிகியூட்டிவ் சேர் கார் இருக்கைகளும், 478 சேர் கார் இருக்கைகளும் உள்ளது. இதற்கான முன்பதிவு இன்று முதல் தொடங்கப்பட்ட நிலையில் பயணிகள் மிகவும் ஆர்வம் காட்டியதை தொடர்ந்து, எக்சிகியூட்டிவ் இருக்கைகள் சில நிமிடங்களி லேயே வெயிட்டிங் லிஸ்ட்டை எட்டியது. சேர் காரை பொதுமக்கள் ஆர்வமுடன் முன்பதிவு செய்கிறார்கள்.

எக்சிகியூட்டிவ் ரூ.2325. சேர் கார் ரூ.1280. விரைவில் கோவை- பெங்களூரு இடையே அதிவேக வந்தே பாரத் ெரயில் இயக்க திட்டமும் உள்ளது.