நீங்கள் தேடியது "ஜிஎஸ்டி"

டிசம்பர் மாதம் ஜிஎஸ்டி மூலம் 1.77 லட்சம் கோடி ரூபாய் கலெக்ஷன் ஆனதாக மத்திய அரசின் தரவுகள் மூலம் தெரிய வந்துள்ளது. நவம்பர் மாதம கலெக்ஷன் ஆனதை விட தற்போது 7.3 சதவீதம் அதிகமாக கலெக்ஷன் ஆகியுள்ளது.

மத்திய நிதியமைச்சர் நிர்மலா சீதாராமன் தலைமையிலான 55-வது சரக்கு மற்றும் சேவை வரி (ஜிஎஸ்டி) ஜிஎஸ்டி ஆலோசனைக் கூட்டம் கடந்த சனிக்கிழமை ராஜஸ்தானில் வைத்து நடைபெற்றது.

இதில் உப்பு மற்றும் மசாலா கலந்த பிராண்டட் அல்லாத பாப்கார்னுக்கு 5% ஜிஎஸ்டி, முன் பேக்கேஜ் செய்யப்பட்ட மற்றும் பிராண்டட் பாப்கார்னுக்கு 12% ஜிஎஸ்டி. சர்க்கரை கலந்த கேரமல் பாப்கார்னுக்கு 18%.ஜிஎஸ்டி வரி விதிக்க முடிவு செய்யப்பட்டது.

இந்த அறிவிப்பு பெரும் கொந்தளிப்பை ஏற்படுத்திய நிலையில் இதற்கு நிர்மலா சீதாராமன் விளக்கம் ஒன்றையும் கொடுத்தார்.

அதாவது, பாப்கார்னை [கேரமல் பாப்கார்ன்] சர்க்கரையுடன் கலக்கும்போது, அதன் மூலக்கூறு தன்மை சர்க்கரை மிட்டாயாக மாறுகிறது. எனவே சர்க்கரை மிட்டாய்க்கு ஒப்பாக பாப்கார்னுக்கு 18 சதவிகித ஜிஎஸ்டி வரி விதிக்கப்பட்டுள்ளது என்று தெளிவுபடுத்தினார்.

இந்த விளக்கம் நெட்டிசன்களிடையே பெரும் விவாதத்தை ஏற்படுத்தி கிண்டல் கேலிக்கு உள்ளாகி வருகிறது. நிர்மலா சீதாராமன் விளக்கம் குறித்த இணையவாசிகளின் நகைச்சுவையான பதவிகள் சமூக வலைத்தளங்களில் வைரலாகி வருகின்றன. ஒரு இணையவாசி, அடுத்து என்ன? குடிநீருக்கு ஜிஎஸ்டி - நீங்கள் பருகினால் 5%, நீங்கள் விழுங்கினால் 12%, நீங்கள் சிந்தினால் 18% என்று கேலி செய்துள்ளார்.

மற்றொருவர், ஒரு தேசம், ஒரே தேர்தல் என்று வாதிடுபவர்கள் பாப்கார்னுக்கு ஒரே வரி விகிதத்தை அமல்படுத்த முடியாதா என கேள்வி எழுப்பியுள்ளார்.

மற்றொரு பயனர் பாப்கார்ன் வரிவிதிப்பை பயன்படுத்திய வாகனங்களுக்கு விதிக்கப்பட்ட 18% ஜிஎஸ்டியுடன் ஒப்பிட்டு, 18% ஜிஎஸ்டியுடன் கூடிய பாப்கார்ன் ஒரு ஆடம்பர உணவுப்பொருள் என்றால் சரிதான், ஆனால் குறைந்த பணம் கொண்டவர்கள் வாங்கும் பழைய கார்களுக்கு ஏன் அதே விகிதம்? என்று கேட்டுள்ளார். பழைய மற்றும் பயன்படுத்திய வாகனங்கள் மீதான வரியை 12 சதவீதத்தில் இருந்து 18 சதவீதமாக உயர்த்த ஜிஎஸ்டி கவுன்சில் முடிவு செய்துள்ளதை அந்த பயனர் கிண்டல் செய்துள்ளார்.

மற்றொருவர் நிலுவையில் உள்ள சுகாதார மற்றும் ஆயுள் காப்பீட்டு பிரீமியங்களில் ஜிஎஸ்டியை குறைப்பதற்கு கவுன்சில் முன்னுரிமை அளித்து அகற்றுவதை விட அல்லது குறைப்பதை விட பாப்கார்ன் மீதான ஜிஎஸ்டி அரசாங்கத்திற்கு மிகவும் முக்கியமானதாகத் தோன்றுகிறது என்று குறிப்பிட்டுள்ளார்.    

 இந்திய ஸ்டார்ட்அப் நிறுவனர் ஒருவரின் ரெட்டிட் சமூக வலைதள பதிவு தற்போது வைரல் ஆகி வருகிறது. இந்தியாவில் தொழில்முனைவோருக்கு இருக்கும் சவால்கள் மற்றும் வளர்ச்சிக்கான தடைகளை மேற்கோள் காட்டி அதிக சம்பளம் வாங்கும் தொழில் வல்லுநர்கள் மற்றும் தொழில்முனைவோரை இந்தியாவை விட்டு வெளியேறுங்கள் என்று அவர் அறைகூவல் விடுத்துள்ளார்.

தனது அடையாளத்தை வெளிப்படுத்திக்கொள்ளாத இந்த நிறுவனர் u/anonymous_batm_an என்ற ப்ரொபைலில் இந்த பதிவை இட்டுள்ளார். அதில், தான் புகழ்பெற்ற இந்திய பொறியியல் கல்வி நிறுவனத்தில் பட்டம் பெற்றதாகவும், பின்னர் அமெரிக்காவில் முதுகலைப் பட்டம் பெற்றதாகவும் கூறியுள்ளார்.

2018 இல் இந்தியாவுக்குத் திரும்பி நிறுவனம் ஒன்றை தொடங்கியுள்ளார். சராசரியாக ரூ. 15 லட்சம் சம்பளத்தில் கிட்டத்தட்ட 30 பேர் பணிபுரியும் அவரது ஸ்டார்ட்அப் நல்ல வளர்ச்சியை கண்டுள்ளது.

ஆனால் நாட்டில் இருக்கும் முட்டாள்தனமான விதிமுறைகள் இங்கு புதுமைகளைத் தடுக்கின்றன. எதையும் செய்ய அதிகாரம், அரசியல்வாதிகள் அல்லது பிரபலங்களுடன் தொடர்பு தேவை என்று தனது தற்போதைய பதிவில் ஆதங்கப்பட்டுள்ளார்.

அதிக வரிகள், சிதைந்து வரும் உள்கட்டமைப்பு, மோசமான பொது சேவைகள் மற்றும் மக்கள் விரோத நிகழ்வுகள் குறித்த புகார்கள் தொடர்ந்து வருகின்றன.

இந்தியாவின் சமூக-பொருளாதார ஏற்றத்தாழ்வை விமர்சித்துள்ள அவர், மக்கள் சமூக நிலையை செல்வம் மற்றும் தோற்றத்துடன் இணைத்து அதன் அடிப்படையிலேயே ஒருவருக்கு மதிப்பளிக்கும் போக்கு இருப்பதாக தெரிவித்துள்ளார்.

மேலும் பயங்கரமான பொருளாதாரச் சரிவு மற்றும் ரூபாயின் மதிப்பு மேலும் வீழ்ச்சியடையும் என்று கணித்துள்ள இந்த நிறுவனர் இந்தியாவுக்கு மாற்றாக தொழில்முனைவோர், ஐக்கிய அரபு எமிரேட்ஸ் மற்றும் தாய்லாந்து போன்ற நாடுகளுக்கு செல்ல பரிந்துரைத்துள்ளார்.

சுருக்கமாக சொன்னால் 5 டிரில்லியன் டாலர் பொருளாதாரமாக இந்தியாவை மாற்றும் எண்ணம் இல்லாததால், ஆட்சியாளர்கள் உங்கள் பாப்கார்னுக்கு வரி விதிக்கும் இந்த நாட்டை விட்டு வெளியேறுங்கள்! என்று புலம்பித் தீர்த்துள்ளார்.

கடந்த வாரம் மத்திய நிதி அமைச்சர் நிர்மலா சீதாராம் தலைமையில் நடந்த ஜிஎஸ்டி கவுன்சில் கூட்டத்தில் பாப்கார்னுக்கான வரியை 5 முதல்18 சதவீதம் வரை வரி விதிக்க முடிவு செய்யப்பட்டது குறிப்பிடத்தக்கது.

மத்திய நிதியமைச்சர் நிர்மலா சீதாராமன் தலைமையிலான 55-வது ஜிஎஸ்டி ஆலோசனைக் கூட்டம் நடைபெற்று வருகிறது. பொருட்களுக்கு விதிக்கப்படும் ஜி.எஸ்.டி. வரி குறித்து பல்வேறு ஆலோசனைகள் நடைபெற்றது.

இந்த கூட்டத்தில் பரிந்துரை செய்யப்பட்ட முக்கியம்சங்கள்:-

* பாப் கார்ன் தயாரித்து உப்பு, மசாலா சேர்த்து எந்தவிதமான எழுத்தும் இல்லாத கவரில் வைத்துகொடுப்பதற்கு (not pre-packaged) 5 சதவீதம் வரி. பாக்கெட்டில் வைத்து பெயர் பொறிக்கப்பட்டால் (Labelled) 12 சதவீதம். caramel popcorn-க்கு 18 சதவீதம் வரி விதிக்க பரிந்துரை.

* 1000 ரூபாய்க்கு மேல் விலை கொண்ட துணிகளுக்கான வரியை உயர்த்த பரிந்துரை. தற்போது 5 சதவீதமாக இருக்கும் நிலையில், 12 சதவீதமாக உயர்ந்த பரிந்துரை.

* 20 லிட்டர் தண்ணீர் கேனுக்கு 12 சதவீதம் வரி விதிக்கப்படுகிறது. இதை 5 சதவீதமாக குறைக்க பரிந்துரை

* 10 ஆயிரம் ரூபாய்க்கு குறைவான சைக்கிளிலுக்கான வரி 12 சதவீதமாக உள்ள நிலையில், அதை 5 சதவீதமாக குறைக்க பரிந்துரை.

* ஆர்டர் செய்து வாங்கப்படும் உணவுகளுக்கு வாங்கப்படும் சர்வீஸ் சார்ஜ் மீதான வரியை குறைப்பதற்கான ஆலோசனை ஒத்தி வைக்கப்பட்டுள்ளது.

* 15 ஆயிரும் ரூபாய்க்கு அதிமான விலை கொண்ட ஷூக்களுக்கான வரியை 15 சதவீதத்தில் இருந்து 28 சதவீதமாக உயர்ந்த பரிந்துரை

மருத்துவ காப்பீட்டு தொகைக்கு 18 சதவீத ஜி.எஸ்.டி. விதிக்கப்பட்டு வருகிறது. இந்த வரிவிதிப்பை குறைக்க வேண்டும் அல்லது ரத்துசெய்ய வேண்டும் என்று மத்திய மந்திரி நிதின் கட்கரி மற்றும் பல்வேறு அரசியல் கட்சி தலைவர்கள் கோரிக்கை விடுத்தனர்.

இந்த கோரிக்கை பற்றி ஆராய பீகார் மாநில துணை முதல்-மந்திரி சாம்ராட் சவுத்ரி தலைமையில் மந்திரிகள் குழு அமைக்கப்பட்டுள்ளது. மேலும், 148 பொருட்கள் மீதான ஜி.எஸ்.டி. விகிதத்தை மாற்றி அமைப்பது பற்றியும் இக்குழு ஆராய்கிறது.

இந்நிலையில், ஜி.எஸ்.டி. கவுன்சிலின் 55-வது கூட்டம் இன்று ராஜஸ்தான் மாநிலம் ஜெய்சால்மிரில் நடக்கிறது. மத்திய நிதி மந்திரி நிர்மலா சீதாராமன் தலைமை தாங்குகிறார். உறுப்பினர்களாக உள்ள மாநில நிதி மந்திரிகள் கலந்துகொள்கிறார்கள்.

இந்த கூட்டத்தில், சாம்ராட் சவுத்ரி தலைமையிலான மந்திரிகள் குழு தனது பரிந்துரைகளை சமர்ப்பிக்கும் என்று எதிர்பார்க்கப்படுகிறது. அதன் அடிப்படையில், 148 பொருட்களுக்கு வரிவிகிதத்தை மாற்றி அமைப்பது பற்றி ஜி.எஸ்.டி. கவுன்சில் கூட்டத்தில் ஆலோசனை நடத்தப்படும்.

மருத்துவ, ஆயுள் காப்பீட்டு தொகைக்கு ஜி.எஸ்.டி.யில் இருந்து விலக்கு அளிப்பது பற்றியும் விவாதிக்கப்படும்.

பெட்ரோல், டீசல், விமான எரிபொருள், இயற்கை எரிவாயு, கச்சா எண்ணெய் ஆகியவை ஜி.எஸ்.டி. வரம்புக்குள் இல்லை. அத்தகைய சூழ்நிலையில், விமான எரிபொருளை மட்டும் ஜி.எஸ்.டி. வரம்புக்குள் கொண்டு வருவது பற்றி இன்றைய கூட்டத்தில் ஆலோசனை நடத்தப்படுகிறது. விமான கட்டண உயர்வுக்கு விமான எரிபொருளின் விலையே முக்கிய காரணமாக இருப்பதால், இந்த ஆலோசனை முக்கியத்துவம் பெறுகிறது.

அதற்கான காலக்கெடு பற்றியும், மாநிலங்களிடையே கருத்தொற்றுமை ஏற்படுத்துவது பற்றியும் முடிவு செய்யப்படுகிறது.

காப்பீட்டை பொறுத்தவரை, கால அடிப்படையிலான ஆயுள் காப்பீட்டு தொகைக்கு ஜி.எஸ்.டி.யில் இருந்து விலக்கு அளிக்க கடந்த மாதம் நடந்த மந்திரிகள் குழு கூட்டத்தில் சம்மதம் தெரிவிக்கப்பட்டது.

அத்துடன், மூத்த குடிமக்கள் செலுத்தும் மருத்துவ காப்பீட்டு தொகைக்கு ஜி.எஸ்.டி.யில் இருந்து விலக்கு அளிக்க பரிந்துரை செய்யப்பட்டது. மூத்த குடிமக்கள் அல்லாத தனிநபர்கள் ரூ.5 லட்சம்வரை 'கவரேஜ்' கொண்ட மருத்துவ காப்பீட்டுக்கு செலுத்தும் பிரீமியம் தொகைக்கு விலக்கு அளிக்கலாம் என்றும், ரூ.5 லட்சத்துக்கு மேற்பட்ட 'கவரேஜ்' கொண்ட மருத்துவ காப்பீட்டுக்கான தொகைக்கு தற்போதைய 18 சதவீத ஜி.எஸ்.டி. நீடிக்கலாம் என்றும் பரிந்துரை செய்யப்பட்டது.

இந்த பரிந்துரைகள் மீது ஜி.எஸ்.டி. கவுன்சில் இன்று முடிவு எடுக்கிறது.

மேலும், கார்பனேற்றப்பட்ட பானங்கள், சிகரெட், புகையிலை மற்றும் அதுதொடர்பான பொருட்கள் ஆகியவை மீது தற்போது 28 சதவீத ஜி.எஸ்.டி. விதிக்கப்பட்டு வருகிறது. அதை 35 சதவீதமாக உயர்த்தலாம் என்று மந்திரிகள் குழு பரிந்துரைத்துள்ளது. இதுபற்றியும் இன்று விவாதிக்கப்படுகிறது.

ஜி.எஸ்.டி. வரிவிகிதம் 5, 12, 18, 28 என 4 அடுக்குகளாக உள்ள நிலையில், 35 சதவீதம் என்ற புதிய அடுக்கு உருவாகிறது.

வரிவிகிதம் மாற்றி அமைக்கப்படும் 148 பொருட்களில் ஆயத்த ஆடைகளும் அடங்கும். தற்போது, ரூ.1,000 வரை மதிப்புடைய ஆயத்த ஆடைகள் மீது 5 சதவீத ஜி.எஸ்.டி. விதிக்கப்படுகிறது. இனிமேல், ரூ.1,500 வரை மதிப்புடைய 5 சதவீத ஜி.எஸ்.டி.யும், ரூ.1,500 முதல் ரூ.10 ஆயிரம்வரை மதிப்புடைய ஆயத்த ஆடைகளுக்கு ரூ.18 சதவீத ஜி.எஸ்.டி.யும், ரூ.10 ஆயிரத்துக்கு மேல் மதிப்புடைய ஆடைகளுக்கு 28 சதவீத ஜி.எஸ்.டி.யும் விதிக்க மந்திரிகள் குழு பரிந்துரைத்துள்ளது.

ரூ.15 ஆயிரத்துக்கு மேல் மதிப்புடைய ஷூக்களுக்கான வரியை 18 சதவீதத்தில் இருந்து 28 சதவீதமாக உயர்த்த பரிந்துரைத்துள்ளது. ரூ.25 ஆயிரத்துக்கு மேல் மதிப்புடைய கைக்கெடிகாரங்கள் மீதான வரிவிகிதத்தை 18 சதவீதத்தில் இருந்து 28 சதவீதமாக உயர்த்த பரிந்துரைத்துள்ளது.

கேனில் அடைக்கப்பட்ட 20 லிட்டர் மற்றும் அதற்கு மேற்பட்ட குடிநீர் மீதான வரிவிகிதத்தை 18 சதவீதத்தில் இருந்து 5 சதவீதமாக குறைக்கவும், ரூ.10 ஆயிரத்துக்கு குறைவான சைக்கிள் மீதான வரியை 12 சதவீதத்தில் இருந்து 5 சதவீதமாக குறைக்கவும், பயிற்சி நோட்டு புத்தகங்கள் மீதான வரியை 12 சதவீதத்தில் இருந்து 5 சதவீதமாக குறைக்கவும் மந்திரிகள் குழு பரிந்துரைத்துள்ளது.

உணவு வினியோக நிறுவனங்களான ஸ்விக்கி, சொமட்டோ ஆகியவை மீதான வரியை 18 சதவீதத்தில் இருந்து 5 சதவீதமாக குறைப்பது பற்றியும் ஆலோசனை நடத்தப்படுகிறது.

பயன்படுத்தப்பட்ட மின்சார கார்கள் மற்றும் சிறியரக பெட்ரோல், டீசல் கார்கள் விற்பனை மீதான வரியை 12 சதவீதத்தில் இருந்து 18 சதவீதமாக உயர்த்துவது பற்றியும் விவாதிக்கப்படுகிறது.

பழைய மற்றும் பயன்படுத்தப்பட்ட மின்சார வாகனங்கள் மீதான சரக்கு மற்றும் சேவை வரியை (ஜிஎஸ்டி) 12% லிருந்து 18% ஆக உயர்த்த ஜிஎஸ்டி கவுன்சிலின் ஃபிட்மென்ட் கமிட்டி பரிந்துரைத்துள்ளது. இது வாகனங்களின் மறுவிற்பனை சந்தையை கணிசமாக பாதிக்கும் என்றும் அஞ்சப்படுகிறது.

முன்மொழியப்பட்ட ஜிஎஸ்டி உயர்வு பழைய மற்றும் பயன்படுத்தப்பட்ட மின்சார வாகனங்களுக்கும் (EV) நீட்டிக்கப்படும் என்றும் அவை தற்போது ஜனவரி 25, 2018 தேதியிட்ட அறிவிப்பு எண். 08/2018-மத்திய வரி (விகிதம்) இன் கீழ் 12% குறைக்கப்பட்ட விகிதத்தில் வரி விதிக்கப்படும் என்றும் தெரிவிக்கப்பட்டுள்ளது.

மேலும், பழைய மற்றும் பயன்படுத்தப்பட்ட வாகனங்கள் சப்ளையர் மார்ஜின் அடிப்படையில் வரி விதிக்கப்படுகின்றன. இதன் விளைவாக ஒப்பீட்டளவில் குறைந்த பயனுள்ள வரி நிகழ்வுகள் உள்ளன.

அதன்படி பொருந்தக்கூடிய ஜிஎஸ்டி விகிதங்கள் பின்வருமாறு: பெட்ரோல், எல்பிஜி அல்லது சிஎன்ஜி வாகனங்களுக்கு 1200சிசி அல்லது அதற்கு மேற்பட்ட எஞ்சின் திறன் மற்றும் 4000மிமீ அல்லது அதற்கு மேற்பட்ட நீளம் கொண்ட வாகனங்களுக்கு 18%; 1500சிசி அல்லது அதற்கு மேற்பட்ட எஞ்சின் திறன் மற்றும் 4000மிமீ அல்லது அதற்கு மேற்பட்ட நீளம் கொண்ட டீசல் வாகனங்களுக்கு 18%; மற்றும் 1500சிசி க்கும் அதிகமான எஞ்சின் திறன் கொண்ட விளையாட்டு பயன்பாட்டு வாகனங்களுக்கு (எஸ்யுவி) 18% வரி விதிக்கப்படுகிறது.

மின்சார வாகனங்கள் (EV) உட்பட மற்ற அனைத்து வாகனங்களுக்கும் 12% ஜிஎஸ்டி வரி விதிக்கப்படுகிறது.

இந்த பிற வாகனங்களுக்கான ஜிஎஸ்டி விகிதத்தை 18% ஆக அதிகரிப்பதற்கான ஃபிட்மென்ட் கமிட்டியின் முன்மொழிவு பெரிய வாகனங்கள் மற்றும் எஸ்யுவி-களுக்கான தற்போதைய வரி கட்டமைப்போடு ஒத்துப்போகிறது.

பயன்படுத்தப்பட்ட வாகனங்களின் பழுது மற்றும் பராமரிப்புக்காக பயன்படுத்தப்படும் உதிரி பாகங்கள் மற்றும் சேவைகள் ஏற்கனவே 18% ஜிஎஸ்டியை ஈர்க்கின்றன. இது பயன்படுத்திய கார் சந்தையில் செயல்பாட்டு செலவுகளை அதிகரிக்கிறது.

ஜிஎஸ்டி விகித உயர்வு அமல்படுத்தப்பட்டால், தொழில்துறையானது செகண்ட் ஹேண்ட் வாகன விற்பனையில் அதிக ஒட்டுமொத்த வரிவிதிப்புகளைச் சந்திக்க நேரிடும் என்றும் இது உதிரி பாகங்கள் விலையும் உயரும் அபாயம் ஏற்பட்டுள்ளது.

டிசம்பர் 20 மற்றும் 21 ஆம் தேதிகளில் ராஜஸ்தானின் ஜெய்சால்மரில் நடைபெறவுள்ள ஜிஎஸ்டி கவுன்சில் கூட்டத்தில் இந்த பரிந்துரை குறித்து விவாதிக்கப்படும் என எதிர்பார்க்கப்படுகிறது.

புதுடெல்லி:

அக்டோபர் மாத ஜி.எஸ்.டி. வருமானம் தொடர்பாக மத்திய நிதி அமைச்சகம் வெளியிட்டுள்ள அறிக்கையின் விவரம் வருமாறு:

நடப்பு ஆண்டின் அக்டோபர் மாதத்தில் 1 லட்சத்து 87 ஆயிரத்து 346 கோடி ரூபாய் ஜிஎஸ்டி வரி வசூலாகியுள்ளது.

8வது முறையாக மாதந்திர ஜிஎஸ்டி வரி வசூல்ரூ.1.70 லட்சத்திற்கு அதிகமாக உள்ளது.

கடந்த செப்டம்பர் மாதத்துடன் ஒப்பிடுகையில், அக்டோபர் மாத ஜிஎஸ்டி வசூல் 8.1 சதவீதம் அதிகமாக உள்ளது.

அதேபோல், கடந்த ஆண்டு அக்டோபரில் 1.72 லட்சம் கோடி ரூபாய் ஜிஎஸ்டி வசூலான நிலையில், நடப்பு ஆண்டு அக்டோபர் மாத ஜிஎஸ்டி வசூல் 8.9 சதவீதம் அதிகரித்து 1.87 லட்சம் கோடி ரூபாயாக உள்ளது.

ஜிஎஸ்டி வசூல் அதிகரிப்பு பொருளாதார நடவடிக்கை மற்றும் வரி வசூல் முறை சிறப்பாக செயல்படுவதை வெளிப்படுத்துகிறது என மத்திய நிதி அமைச்சகம் தெரிவித்துள்ளது.

புதுடெல்லி:

மூத்த குடிமக்களுக்கான சுகாதார காப்பீடு மற்றும் டேர்ம் இன்சூரன்ஸ் ஆகியவற்றில் ஜி.எஸ்.டி. விலக்கு அளிக்க மாநில நிதி அமைச்சர்கள் குழு முடிவு செய்துள்ளது.

மூத்த குடிமக்களுக்கு ரூ.5 லட்சம் வரை மருத்துவ காப்பீடுக்கு வரியை நீக்குவது குறித்தும் பரிசீலிக்கப்படுகிறது. இந்த வருவாயை ஈடு செய்ய ரூ.25 ஆயிரத்துக்கும் மேல் விலையுள்ள கடிகாரங்கள் மற்றும் ரூ.15 ஆயிரத்துக்கும் மேல் விலையுள்ள காலணிகள் போன்ற ஆடம்பர பொருட்களுக்கான ஜி.எஸ்.டி. வரி 28 சதவீதம் உயர்த்தப்படுகிறது.

கோவை:

கோவை விளாங்குறிச்சி அருகே டைட்டில் பார்க் வளாகத்தில் ரூ.114.16 கோடி மதிப்பில் புதிய தகவல் தொழில்நுட்ப கட்டிடம் கட்டும் பணி நடந்து வருகிறது.

இந்த பணிகளை அமைச்சர் பி.டி.ஆர். பழனிவேல் தியாகராஜன் இன்று நேரில் பார்வையிட்டு ஆய்வு செய்தார். அதன்பின்னர் அவர் நிருபர்களுக்கு அளித்த பேட்டியில் கூறியதாவது:-

கோவையில் உள்ள மிகப்பெரிய துறை இது. பல்வேறு காரணங்களால் கட்டிடம் தாமதம் ஆகியது. இருந்தாலும் உரிய விதிமுறைகள், சான்றிதழ்கள் பெற்று இந்த கட்டிடத்தை திறக்க இருக்கிறோம். இந்த தகவல் தொழில்நுட்ப கட்டிடம் திறக்கப்படுவதன் மூலம் 3,250-க்கும் மேற்பட்டோருக்கு வேலை கிடைக்கும்.

இதில் ஒரு சில நிறுவனங்கள் இடத்தை முழுமையாக கேட்கின்றன. ஆனால் அது நியாயமாக இருக்காது. இதற்கு என்று விதிமுறை உருவாக்க தெரிவித்துள்ளேன்.

அதில் ஸ்டார்ட் அப் நிறுவனங்களுக்கு என்று 15 ஆயிரம் சதுரடியாவது வழங்கப்பட வேண்டும் என சொல்லியிருக்கிறேன்.

தமிழகத்தில் ஹைடெக் சிட்டி உருவாக்கும் பணி நடந்து கொண்டிருக்கிறது. வடசென்னை, ஓசூர், கோவை போன்ற இடங்களில் ஹைடெக் சிட்டி அமைக்கப்படுகிறது.

பிப்ரவரி மாதம் நடந்த ஒரு கருத்தரங்கில் பேசிய முதலமைச்சர் மு.க.ஸ்டாலின் நீங்கள் நிதி துறையில் சீர்திருத்தம் செய்த மாதிரி, தகவல் தொழில்நுட்பத் துறையில் சீர் திருத்தம் செய்ய வேண்டும்.

அதற்காகவே உங்களை அங்கு அனுப்பி இருப்பதாக தெரிவித்தார். அதன்படி நான் பணிகளை மேற்கொண்டு வருகிறேன். தகவல் தொழில்நுட்ப துறையில் சில இடங்களில், அணுகு முறையில் திருத்தம் தேவைபடுகின்றது.

நான் வேறு துறையில் இருப்பதால் ஜி.எஸ்.டி குறித்து கருத்து கூற விரும்பவில்லை. நான் உறுப்பினராக இருந்த போது ஜி.எஸ்.டி. திட்டமிடுதலில் உள்ள குறைகளை சுட்டிகாட்டி இருக்கிறேன்.

ஜி.எஸ்.டி. விவகாரத்தில் மத்திய அரசின் மனப்பான்மை சரியாக இருக்க வேண்டும். ஜி.எஸ்.டியில் உள்ள தவறுகளை வேகமாக சரி செய்ய வேண்டும்.

இவ்வாறு அவர் தெரிவித்தார்.

இந்த ஆய்வின் போது எல்காட் நிறுவன மேலாண் இயக்குனர் கண்ணன், கலெக்டர் கிராந்திகுமார் பாடி, பொதுப்பணித்துறை கண்காணிப்பு பொறியாளர் கார்த்திகேயன், செயற்பொறியாளர் செல்வராஜ் மற்றும் அதிகாரிகள் உடன் இருந்தனர்.

கோவை கொடிசியாவில் மத்திய நிதியமைச்சர் நிர்மலா சீதாராமன் தொழில் முனைவோர்களுடன் ஆலோசனை நடத்தினார். அப்போது ஜிஎஸ்டி குறைப்பு தொடர்பாக பல்வேறு அமைப்பினரும் கருத்து தெரிவித்தனர்.

அப்போது ஸ்ரீ அன்னபூர்ணா உணவகத்தின் நிர்வாக இயக்குநர் சீனிவாசன் பேசுகையில், "இனிப்புக்கு 5 சதவீதம் ஜி.எஸ்.டி. இருக்கிறது. ஆனால் காரத்துக்கு 12 சதவீதம் இருக்கிறது. இந்த முரண்பாடு களையப்பட வேண்டும்.

அதே போல, Bun-க்கு ஜி.எஸ்.டி. இல்ல.. அதுக்குள்ள வைக்குற க்ரீமுக்கு 18 சதவீதம் ஜி.எ.ஸ்.டி.. வாடிக்கையாளர் சொல்றாரு.. க்ரீமை கொண்டு வா.. நானே வச்சிக்கிறேன்னு சொல்றாரு... கடை நடத்த முடியல மேடம்... ஒரே மாதிரி வையுங்கள். ஒரு குடும்பத்துக்கு பில் போடணும்னா கம்யூட்டரே திணறுது மேடம்..'' என்று தனது ஆதங்கத்தை தெரிவித்தார். இந்த வீடியோ இணையத்தில் வைரலானது.

இதனையடுத்து இந்த விவகாரம் தொடர்பாக அன்னபூர்ணா உரிமையாளர் சீனிவாசன், மத்திய நிதியமைச்சர் நிர்மலா சீதாராமனிடம் மன்னிப்பு கேட்ட வீடியோ சமூக வலைத்தளங்களில் வைரலானது. அன்னபூர்ணா உரிமையாளர் அவமதிக்கப்பட்டதற்கு பல அரசியல் தலைவர்கள் கண்டனம் தெரிவித்தனர்.

இந்நிலையில், இந்த சர்ச்சையை பயன்படுத்தி தஞ்சாவூர் மாவட்டத்தில் ஹெல்மெட் விழிப்புணர்வு நிகழ்ச்சி நடைபெற்றுள்ளது.

ஜோதி அறக்கட்டளை என்ற தனியார் தொண்டு நிறுவனம் சார்பில் நடத்தப்பட்ட இந்த விழிப்புணர்வு நிகழ்ச்சியில் BUN-ன்னா கிரீம் இருக்கனும்..Bike-ன்னா ஹெல்மெட் இருக்கணும் என்ற வாசகம் அடங்கிய BUN வாகன ஓட்டிகளுக்கு வழங்கப்பட்டது.

செப்டம்பர் 15-ந்தேதி முன்னாள் முதலமைச்சர் அண்ணா பிறந்த தினம், செப்டம்பர் 17-ந்தேதி தந்தை பெரியார் பிறந்த நாள் மற்றும் தி.மு.க. தொடங்கப்பட்ட நாளாகும். இந்த மூன்றையும் இணைத்து முப்பெரும் விழா தி.மு.க. சார்பில் ஆண்டுதோறும் கொண்டாடப்பட்டு வருகிறது.

இந்தாண்டு, தி.மு.க. தொடங்கப்பட்டு 75 ஆண்டுகள் நிறைவடைந்ததையொட்டி பவளவிழா ஆண்டாக கொண்டாடப்படுகிறது. எனவே, தி.மு.க. பவள விழா மற்றும் முப்பெரும் விழா சென்னை நந்தனத்தில் உள்ள ஒய்.எம்.சி.ஏ. மைதானத்தில் இன்று நடைபெற்று வருகிறது..

திமுக முப்பெரும் மற்றும் பவள விழாவில் பேசுவதற்கு முன்பு "கழகம் நல்ல கழகம்.. திராவிட முன்னேற்ற கழகம்" என்ற பாடலை முதலமைச்சர் மு.க.ஸ்டாலின் பாடினார். பின்னர் பேசிய அவர், "தொழில் முதலீடுகளை ஈர்ப்பதற்காக14 நாட்கள் அமெரிக்க பயணம், நானும் தம்பி டி.ஆர்.பி. ராஜாவும் சென்றோம். சென்றோம் என்று கூறுவதை விட, வென்றோம் என்றுதான் கூற வேண்டும். இந்த முதலீடுகள் மூலம் பல்லாயிரம் வேலைவாய்ப்புகள் கிடைக்க உள்ளன.

எண்ணி அடைந்த மகிழ்ச்சிக்கு அளவே இல்லை. எனக்கு அமெரிக்க வாழ் மக்கள் கொடுத்த வரவேற்பு மறக்கவே முடியாது. அமெரிக்கா சென்றோம் என்று சொல்வதை விட வென்றோம் என்றுதான் சொல்ல வேண்டும்.

தமிழ்நாடும், திமுகவும் எனது இரு கண்கள் என செயல்பட்டுவரும் இந்நேரத்தில் பவள விழாவில் பங்கேற்பது என் வாழ்நாள் பெருமையாக கருதுகிறேன். தொண்டர்களில் மூச்சுக்காற்று, ரத்தம், உழைப்பால்தான் திமுக 75 ஆண்டுகளாக நிலைத்து நிற்கிறது

ஒரு இயக்கம் 75 ஆண்டுகள் கழித்தும் கம்பீரமாக காட்சியளிப்பது சாதாரனமான சாதனை அல்ல. இதற்கு நமது அமைப்பு முறைதான் காரணம் என்பதை, நான் நெஞ்சை நிமிர்த்து சொல்வேன்.

கடந்து வந்த 75 ஆண்டுகளில் எத்தனையோ சாதனைகளை செய்துள்ளோம். திமுகவின் தேவை இன்னும் 100 ஆண்டுகளுக்கு இருக்கிறது. கல்வி, பொருளாதாரம், தொழில்நுட்பம், உட்கட்டமைப்பு, சமூகநீதி உள்ளிட்ட அனைத்து துறைகளிலும் மாநிலத்தை முன்னேற்றியுள்ளோம்

எல்லா கனவுகளும் நிறைவேறிவிட்டது என்றால், இல்லை. ஆனால், எல்லா நெருக்கடிகளுக்கும் மத்தியில்தான் மாநிலத்தை முன்னேற்றும் ஒற்றை இலக்குடன் அரசு செயல்பட்டுவருகிறது. மாநில சுய ஆட்சி என்பது நம் உயிர்நாடி.

இன்று கிரீம் பன்னுக்கு எவ்வளவு வரி எனக் கேட்கக் கூட உரிமை இல்லாத நிலைதான் உருவாகியுள்ளது.

எதிர்வரும் தேர்தலிலும் நமக்குத்தான் வெற்றி. இதை ஆணவத்தில் சொல்லவில்லை. உங்கள் மீது இருக்கும் நம்பிக்கையில் சொல்கிறேன்.

திமுகவுக்கு தித்திக்கும் கொள்கை இருக்கு. கொள்கையை காக்கும் படையாக தொண்டர்கள் இருக்கிறார்கள். தொண்டர்களின் வீரத்தால் துணிச்சல் பெற்ற தலைமை இருக்கு. நூற்றாண்டை நோக்கி முன்னேறுவோம்

நம்முடைய இலக்கு 2026 தேர்தல். இதுவரைக்கும், இப்படி ஒரு வெற்றியை எந்தக் கட்சியும் பெற்றது இல்லை என வரலாறு சொல்ல வேண்டும்" என்று தெரிவித்தார்" என்று தெரிவித்தார்.

ஈரோடு:

ஈரோட்டில் இன்று தந்தை பெரியார் பிறந்த நாளையொட்டி அவரது சிலைக்கு ஈ.வி.கே.எஸ். இளங்கோவன் எம்.எல்.ஏ. மாலை அணிவித்து மரியாதை செலுத்தினார்.

பின்னர் ஈ.வி.கே.எஸ்.இளங்கோவன் எம்.எல்.ஏ. நிருபர்களுக்கு பேட்டி அளித்தார். அப்போது அவர் கூறியதாவது:-

பெரியாரின் புகழை உலகெங்கும் பரப்ப முதலமைச்சர் ஆர்வமாக உள்ளார். பெரியார் சொன்ன பலவற்றை அறிஞர் அண்ணா, கலைஞர் கருணாநிதி, காமராஜர் சட்டங்களாக மாற்றியுள்ளனர். முதலமைச்சர் மு.க.ஸ்டாலின் பெரியார் சொன்னதை சட்டமாக கொண்டு வந்துள்ளார். தமிழகத்தில் ஆளும் ஆட்சி சுயமரியாதை ஆட்சி.

பெண் அமைச்சராக இருக்கும் நிர்மலா சீதாராமனுக்கு அடக்கமும் பணிவும் வேண்டும். ஆனால் இது எதுவும் இல்லை. அன்னப்பூர்ணா உரிமையாளர் ஜி.எஸ்.டி.யை முறைப்படுத்துங்கள் என சொன்னதற்கு, ஆளை வைத்து மிரட்டியும், தொலைபேசி மூலம் மிரட்டியும், மன்னிப்பு கேட்க வைத்து வீடியோ எடுத்து வெளியே காட்டியது கேவலமான விஷயம்.

மன்னிப்பு கேட்கும்போது நிர்மலா சீதாராமன் முகத்தில் எந்த உணர்வும் இல்லாமல் கல் போன்று அமர்ந்துள்ளார். மனிதனை மதிக்கும் மனித தன்மை நிர்மலா சீதாராமனிடம் இல்லை. இந்தியா முழுவதும் அரசியல் தலைவர்களும், வியாபாரிகளும் பா.ஜ.க.விற்கு எதிர்ப்பாக செல்கிறார்கள். வரும் காலங்களில் இது பெரிதாக வெடிக்கும்.

டாஸ்மாக் கடைகள் மூடப்பட வேண்டும் என்பதை ஏற்றுக்கொள்கிறேன். கள்ளுக்கடைகளை திறப்பதால் உடல்நிலையை பாதிக்காது. பனை விவசாயிகளுக்கு மிகப்பெரிய உதவியாக இருக்கும். மதுவிலக்கில் பூர்ண நம்பிக்கை உள்ளது. கள்ளுக்கடையை திறந்தால் மக்கள் மகிழ்ச்சியாக இருப்பார்கள். இது முழுவதும் எனது தனிப்பட்ட கருத்து.

கட்சியின் கொள்கையை தெரிவிக்காதவர்கள் எல்லாம் ஆட்சியை பிடிப்போம் என்று சொல்பவர்கள் மத்தியில் பல வருடங்களாக அரசியல் செய்து தமிழகம் முழுவதும் மக்களிடையே வாக்கு வைத்துள்ள திருமாவளவன் ஆட்சியிலும், அதிகாரத்திலும் பங்கு என பேசியது தவறில்லை. ஆட்சியை பிடிக்க வேண்டும் என்ற எண்ணம் அனைத்து கட்சிக்கும் இருப்பது நியாயம் தான்.

ஆட்சியில் பங்கு என்பது கையில் பவர் வேண்டும் என்பதற்காக அனைத்து கட்சியும் உள்ளன. எனவே திருமாவளவன் தெரிவித்தது தவறில்லை. ஆனால் 2026-ல் ஆட்சியில் அதிகாரத்தில் பங்கு சாத்தியமாகாது. வரும் சட்டமன்ற தேர்தலில் மத வெறியர்களுக்கு மிகப்பெரிய தோல்வியை தரவேண்டும் என தி.மு.க கூட்டணியில் உள்ள கட்சிகளின் முதல் கடமையாக உள்ளது.

இவ்வாறு அவர் கூறினார்.

முதலமைச்சரின் வெளிநாட்டு பயணம் தோல்வி என மத்திய இணை அமைச்சர் எல்.முருகன் தெரிவித்துள்ளாரே என்ற கேள்விக்கு பதில் அளித்து ஈ.வி.கே.எஸ். இளங்கோவன் கூறும்போது,

முதலமைச்சரின் வெளிநாடு பயணம் என்பது ஒவ்வொரு நாளும் ஓய்வு எடுக்காமல் தொழில் அதிபர்களை சந்தித்தார். இதில் போர்டு மோட்டார் இங்கிருந்து சென்றவர்கள் திரும்ப வருவதாக தெரிவித்தது மகிழ்ச்சியான விஷயமாக உள்ளது.

முதலமைச்சரின் வெளிநாட்டு பயணத்தை கொச்சைப்படுத்துவது சரியல்ல. முதலமைச்சரின் வெளிநாட்டு பயணம் வெற்றிகரமானது.

இதேபோல் ராகுல்காந்தி குறித்து ஹெச்.ராஜா விமர்சனம் தெரிவித்தது குறித்த கேள்விக்கு "ஹெச்.ராஜா ஓய்வு பெற வேண்டிய ஆளு. அண்ணாமலை வெளிநாடு போனதால் அவருக்கு தற்போது வாய்ப்பு கிடைத்துள்ளது. கவுன்சிலர் தேர்தலில் வெற்றி பெற முடியாதவர். காலாவதியான ராஜா. காலாவதியான ராணியுடன் இருக்க வேண்டியவர். அவர் பொது இடத்தில் ராகுல் பற்றி சொல்வது தேவையற்ற விஷயம் என்றார்.