வார ராசிப்பலன் 8.9.2024 முதல் 14.9.2024 வரை

லட்சியங்கள், கனவுகள் நிறைவேறும் வாரம். ராசிக்கு 5ம்மிடமான பூர்வ புண்ணிய ஸ்தானத்தில் புத ஆதித்ய யோகம். பாகப்பிரிவினை சம்பந்தமான விஷயங்கள் சுமூகமாகும். குல தெய்வப் பிரார்த்தனைகளை நிறைவேற்ற உகந்த காலம். சிறிய உழைப்பால் வெற்றி மேல் வெற்றி வந்து சேரும். முடியாத காரியம் முடியும். அதிர்ஷ்டம் அரவணைக்கும். புகழ், அந்தஸ்து, செல்வாக்கு தொழில் விருத்தி உண்டு. மண், மனை, வாகனம் தங்க நகை வாங்கும் யோகம் உண்டு.

இலாகா மாற்றம் மற்றும் இடமாற்றம் மகிழ்ச்சியைத் தரும். அரசியலில் ஈடுபட்டோருக்கு விபரீத ராஜ யோகம் தரும் காலமாகும். சிலர் பூர்வீக சொத்து தொடர்பான வழக்குகளை சந்திக்க நேரும். வெளி நாட்டு வேலை, பயணம் திட்டமிட்டபடி நடக்கும். சிலருக்கு செயற்கை முறை கருத்தரிப்பு வெற்றி தரும். கண்களில் சிறு உபாதைகள் இருக்கும். உரிய மருத்துவ சிகிச்சை முறையை கடைபிடிக்க வேண்டும்.

திருமண முயற்சி வெற்றியாகும்.11.9.2024 அன்று இரவு 9.21 மணி வரை சந்திராஷ்டமம் இருப்பதால் தொழிலில் கவனம் தேவை. பிறரின் புகழுக்கு மயங்க கூடாது. தொட்டது துலங்க விரயத்தை சுபமாக்க மஞ்சள் அபிஷேகம் செய்து சிவனை வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406