வார ராசிபலன் 8.12.2024 முதல் 14.12.2024 வரை

8.12.2024 முதல் 14.12.2024 வரை

மன மகிழ்ச்சி தரும் சம்பவங்கள் நிகழும் வாரம். ராசியில் உள்ள பூர்வ புண்ணியாதிபதி செவ்வாய் வக்ரம் பெறுகிறார். இதனால் நீச்ச பங்க ராஜயோகம் ஏற்படுகிறது. வாக்குவன்மையால் நன்மைகள் ஏற்படும். பங்கு மார்க்கெட் லாபம் ஓரளவு கூடும். பிள்ளைகளுக்கு சுபநிகழ்வுகள் நடத்தி மகிழ்வீர்கள். உத்தியோகத்தில் இருப்பவர்களின் செயல்திறன் அதிகரிக்கும். பதவி உயர்வு அல்லது புதிய பொறுப்புகள் வந்து சேரும். உங்களின் ஆலோசனைகள் மேலிடத்தால் அங்கீகரிக்கப்படும். குடும்ப உறுப்பினர்கள் ஒருவரையொருவர் புரிந்து கொள்வீர்கள்.

பொருளாதார முன்னேற்றம் மகிழ்ச்சியைக் கொடுக்கும். தாராள தன வரவு ஏற்பட்டாலும் மிகைப்படுத்தலான சுப விரயமும் இருக்கும். கடன் தொல்லையில் இருந்து சிறிது சிறிதாக மீள்வீர்கள். கடன் பிரச்சனையால் நீண்ட நாட்களாக இருந்து வந்த சுணக்க நிலை மாறும். 9.12.2024 அன்று காலை 9.14 மணி வரை சந்திராஷ்டமம் உள்ளதால் உத்தியோகஸ்தர்கள் மற்றவர்களின் பணிகளையும் சேர்த்து பார்க்க நேரிடும். உடல் சோர்வால் எண்ணிய பணிகளை முடிப்பதில் காலதாமதம் ஏற்படும். சிவனுக்கு பால் அபிசேகம் செய்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406