தனுஷ் - ராஷ்மிகா சூப்பர்.. எதிர்பார்ப்பை தூண்டும் குபேரா க்ளிம்ப்ஸ் வீடியோ

'ராயன்' படத்தை தொடர்ந்து நடிகர் தனுஷ் தற்போது சேகர் கம்முலா இயக்கத்தில் 'குபேரா' என்ற திரைப்படத்தில் நடித்து வருகிறார். 'குபேரா' திரைப்படம் தனுஷின் 51-வது திரைப்படமாக உருவாகி வருகிறது.

ஸ்ரீவெங்கடேஸ்வரா சினிமாஸ் தயாரிக்கும் இப்படம் தமிழ், தெலுங்கு, இந்தி என மூன்று மொழிகளில் ஒரே நேரத்தில் உருவாகிறது. இந்த திரைப்படத்தின் கதாநாயகியாக ராஷ்மிகா மந்தனா நடிக்க தெலுங்கு தரையுலகின் முன்னணி நடிகர் நாகார்ஜுனா முக்கிய கதாபாத்திரத்தில் நடிக்கிறார்.

தேவி ஸ்ரீபிரசாத் இசையமைக்கிறார்.இந்த திரைப்படத்தின் படப்பிடிப்பு திருப்பதி, தாய்லாந்து, மும்பை பகுதிகளில் நடைபெற்று முடிந்தது. தற்போது ஐதராபாத்தில் நடைபெற்று வரும் படப்பிடிப்பில் சண்டை காட்சிகள் படமாக்கப்பட்டு வருகிறது. இந்த நிலையில், இப்படத்தின் க்ளிம்ப்ஸ் வீடியோவை படக்குழு வெளியிட்டுள்ளது.

நடிகர் தனுஷ், நாகர்ஜூனா மற்றும் நடிகை ராஷ்மிகா அடங்கிய காட்சிகளின் முன்னோட்டம் போல் க்ளிம்ப்ஸ் வீடியோ உருவாக்கப்பட்டு இருக்கிறது. க்ளிம்ப்ஸ் வீடியோவின் படி இந்தப் படம் ஏழை, பணக்காரன், திருட்டு ஆகியவற்றை சார்ந்த கதையம்சம் கொண்டிருக்கும் என தெரிகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.