யூடியூப்-ல் புஷ்பா 2 டிரெய்லர் 120 மில்லியன் பார்வைகளை கடந்து சாதனை

சுகுமார் இயக்கத்தில் புஷ்பா படத்தின் இரண்டாவது பாகம் புஷ்பா 2 தி ரூல் என்ற பெயரில் உருவாகியுள்ளது. படத்தில் அல்லு அர்ஜுன் உடன் ராஷ்மிகா மந்தனா, பகத் பாசில் உள்பட பலர் நடித்துள்ளனர். படத்திற்கு தேவி ஸ்ரீ பிரசாத் இசையமைத்துள்ளார். படத்தின் சில பாடல்கள் வெளியாகி மக்களிடையே நல்ல வரவேற்பை பெற்றது.

புஷ்பா 2 திரைப்படம் வரும் டிசம்பர் 5 ஆம் தேதி வெளியாகவுள்ளது. இப்படத்தின் டிரெய்லர் வெளியீட்டு விழா பாட்னாவில் மிக பிரம்மாண்டமாக நடைப்பெற்றது. இதனையடுத்து வெளியான இப்படத்தின் டிரெய்லர் மக்களிடையே பெரும் வரவேற்பை பெற்றுள்ளது.

இந்நிலையில், யூடியூப் தளத்தில் புஷ்பா-2 டிரெய்லர் 120 மில்லியன் பார்வைகளை கடந்து சாதனை படைத்துள்ளது. புஷ்பா-2 டிரெய்லர் இந்தியில் 64 மில்லியன் பார்வைகளையும் தெலுங்கில் 54 மில்லியன் பார்வைகளையும் தமிழில் 6.4 மில்லியன் பார்வைகளையும் கடந்துள்ளது.

புஷ்பா-2 டிரெய்லர் வெளியான 24 மணிநேரத்தில் 102 மில்லியன் பார்வைகளை கடந்து இந்தியாவில் 24 மணிநேரத்தில் அதிக பார்வைகளை பெற்ற 3 ஆவது படம் என்ற பெருமையை பெற்றுள்ளது.

113.2 மில்லியன் பார்வைகளுடன் சலார் திரைப்பட டிரெய்லர் முதல் இடத்திலும் 106.5 மில்லியன் பார்வைகளுடன் கே.ஜி.எப். 2 டிரெய்லர் 2 ஆம் இடத்திலும் உள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.