இன்ஸ்டாகிராமில் அதிவேக 1 மில்லியன் ஃபாலோவர்கள்.. விஜய்க்கு எத்தனையாவது இடம்?
- விஜய், சமூக வலைத்தளமான இன்ஸ்டாகிராமில் நேற்று அதிகாரப்பூர்வமாக இணைந்தார்.
- விஜய் இன்ஸ்டாகிராமில் அதிவேகமாக 1 மில்லியன் ஃபாலோவர்களை ஈர்த்த பிரபலங்களில் விஜய் மூன்றாவது இடத்தை பிடித்துள்ளதாக தகவல் வெளியாகியுள்ளது.
எஸ்.ஏ.சந்திரசேகர் இயக்கத்தில் வெளியான நாளைய தீர்ப்பு படத்தின் மூலம் திரையுலகிற்கு கதாநாயகனாக அறிமுகமானவர் விஜய். அதன்பின்னர் ரசிகன், தேவா, ராஜாவின் பார்வையிலே, பூவே உனக்காக, லவ் டுடே, ஒன்ஸ் மோர், காதலுக்கு மரியாதை, குஷி, ஃப்ரண்ட்ஸ் உள்ளிட்ட பல படங்களில் நடித்து ரசிகர்களை கவர்ந்தார்.
இவர் நடிப்பில் சமீபத்தில் வெளியான வாரிசு திரைப்படம் வசூல் சாதனை நிகழ்த்தியது. இவர் தற்போது லோகேஷ் கனகராஜ் இயக்கத்தில் உருவாகி வரும் லியோ படத்தில் நடித்து வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. நேற்று விஜய், சமூக வலைத்தளமான இன்ஸ்டாகிராமில் அதிகாரப்பூர்வமாக இணைந்தார். இதனை ரசிகர்கள் இணையத்தில் கொண்டாடினர்.
இந்நிலையில் இன்ஸ்டாகிராமில் அதிவேகமாக 1 மில்லியன் ஃபாலோவர்களை ஈர்த்த பிரபலங்களில் விஜய் மூன்றாவது இடத்தை பிடித்துள்ளதாக தகவல் வெளியாகியுள்ளது. அதன்படி முதலிடத்தில் பிடிஎஸ் இசைக்குழுவை சேர்ந்த வி 53 நிமிடத்திலும், இரண்டாவது இடத்தில் நடிகை ஏஞ்சலினா ஜோலி 59 நிமிடத்திலும், மூன்றாவது இடத்தில் நடிகர் விஜய் 99 நிமிடத்திலும் ரசிகர்கள் பின்தொடர்ந்ததாக கூறப்படுகிறது. இதனை ரசிகர்கள் வைரலாக்கி வருகின்றனர்.