2000 நட்சத்திர ஆமைகள், மலைப்பாம்பு பறிமுதல்: வனத்துறை நடவடிக்கை

சென்னை:

சென்னை விமான நிலையத்தில் நடத்திய சோதனையின் போது காதர் மொய்தீன் என்பவர் சிக்கினார். இவர் மலேசியாவில் இருந்து 2000 நட்சத்திர ஆமைகளை கொண்டு வந்த போது பிடிபட்டார். அவற்றை பறிமுதல் செய்ததோடு அவரை கைது செய்து விசாரணை நடத்தினர்.

அவர் கொடுத்த தகவலின் பேரில் புழல் லட்சுமி புரம் பொருமாள் கோவில் 2-வது தெருவில் ரவிக்குமார் என்பவர் கடல்வாழ் உயிரினம் மற்றும் மலைப்பாம்பு ஆகியவற்றை வைத்திருப்பதாக தகவல் கொடுத்தார்.

அதன் அடிப்படையில் வனத்துறையினர் நேற்று அந்த வீட்டிற்கு சென்றனர். வீடு பூட்டப்பட்டு இருந்தது. அதனை உடைத்து உள்ளே சென்று பார்த்த போது ஒரு மலைப்பாம்பும், 150 நட்சத்திர ஆமைகளும் அங்கு இருந்தன.

மேலும் சில சாதாரண ஆமைகளும் இருந்தன. அவற்றை கைப்பற்றிய வனத்துறையினர் வீட்டை பூட்டி சீல் வைத்தனர். தலைமறைவான ரவிக்குமாரை தேடி வருகிறார்கள்.