நம்ம ஊரு சூப்பரு என்ற உறுதி மொழி எடுத்துக் கொண்ட பெண்கள்.
நம்ம ஊரு சூப்பரு திட்ட விழிப்புணர்வு பிரசாரம்
- வெண்ணந்தூர் ஊராட்சி ஒன்றியத்துக்கு உட்பட்ட மதியம்பட்டி, பழந்தின்னிப்பட்டி உள்பட 24 ஊராட்சிகளிலும் தூய்மை பணி தொடங்கியது.
- நம்ம ஊரு சூப்பரு விழிப்புணர்வு ஊர்வலம் மற்றும் உறுதிமொழி எடுத்துக் கொள்ளப்பட்டது.
ராசிபுரம்:
தமிழக அரசு சார்பில் நம்ம ஊரு சூப்பரு என்ற சுகாதார இயக்கத்திட்டம் செயல்படுத்தப்பட்டு உள்ளது. இந்தத் திட்டத்தின் கீழ் வெண்ணந்தூர் பகுதியில் வருகிற அக்டோபர் மாதம் 2-ந் தேதி வரை அரசு பள்ளிகள், அங்கன்வாடிகள், சந்தைகள் மற்றும் அரசு அலுவலகங்களில் குப்பைகளை அகற்றி தூய்மைப்படுத்துதல், நீர்நிலைகள், சுகாதார வளாகங்கள் தூய்மைப்படுத்துதல் பணிகள் நடைபெற உள்ளது.
இந்த நிலையில் வெண்ணந்தூர் ஊராட்சி ஒன்றியத்துக்கு உட்பட்ட மதியம்பட்டி, பழந்தின்னிப்பட்டி உள்பட 24 ஊராட்சிகளிலும் தூய்மை பணி தொடங்கியது. மேலும் நம்ம ஊரு சூப்பரு விழிப்புணர்வு ஊர்வலம் மற்றும் உறுதிமொழி எடுத்துக் கொள்ளப்பட்டது. இந்த நிகழ்ச்சிகளில் வெண்ணந்தூர் வட்டார வளர்ச்சி அதிகாரிகள் பிரபாகரன் மற்றும் மாதவன், அரசு அலுவலர்கள் செய்திருந்தனர்.