நெல்லிக்குப்பம் அருகே வீச்சு அரிவாளுடன் மிரட்டல் விடுத்த 2 வாலிபர்கள் கைது

கடலூர்:

நெல்லிக்குப்பம் அடுத்த மேல்பட்டாம்பாக்கம் பகுதியில் சப்-இன்ஸ்பெக்டர் சந்தோஷ் குமார் தலைமையில் போலீசார் ரோந்து பணியில் ஈடுபட்டனர்.

அப்போது அங்கு வீச்சு அரிவாளுடன் 2 வாலிபர்கள் நின்றுகொண்டு பொதுமக்களுக்கு இடையூறு ஏற்படுத்தி மிரட்டல் விடுத்து வந்தனர்.

போலீசார் 2 வாலிபர்களை மடக்கி பிடித்து அவர்களிடம் இருந்த வீச்சு அரிவாள் மற்றும் மோட்டார் சைக்கிளை பறிமுதல் செய்து போலீஸ் நிலையத்திற்கு கொண்டு சென்று விசாரணை நடத்தினர்.

விசாரணையில் பண்ருட்டி திருவதிகை பன்னீர்செல்வம் (வயது 24), சிம்பு (19) ஆகியோர் தெரிய வந்தது. இதுகுறித்து நெல்லிக்குப்பம் போலீசார் வழக்கு பதிவு செய்து 2 பேரை கைது செய்தனர்.