மும்பையில் கோர விபத்து- 3 பேர் உயிரிழப்பு

மகாராஷ்டிரா மாநிலம் மும்பையில் குர்லா பகுதியில் இருந்து அந்தேரிக்கு சென்று கொண்டிருந்த மாநகர பேருந்து திடீரென வாகனங்கள் மற்றும் பாதசாரிகள் மீது மோதி விபத்துக்குள்ளானது.

இந்த விபத்தில் 3 பேர் உயிரிழந்த நிலையில், 20க்கும் மேற்பட்டோர் படுகாயம் அடைந்துள்ளனர்.

இதுகுறித்து தகவல் அறிந்த போலீசார் சம்பவ இடத்திற்கு வந்து விபத்தில் சிக்கியவர்களை மீட்டு மருத்துவமனைக்கு அனுப்பி வைத்தனர். மேலும் விபத்தில் உயிரிழந்தவர்கள் குறித்து விசாரணை நடத்தினர்.

விபத்தில் 3 பேர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.