தெலுங்கானா மாநில 10-ம் ஆண்டு விழா: சோனியா காந்திக்கு பாராட்டு விழா

ஆந்திரப் பிரதேசத்தில் இருந்து தெலுங்கானா உருவாகி வருகிற 2-ந்தேதியுடன்10 ஆண்டுகள் நிறைவடைகிறது.

தெலுங்கானாவில் உள்ள காங்கிரஸ் அரசு, இந்திய தேர்தல் ஆணையத்தின் ஒப்புதலுடன் தெலுங்கானா 10-ம் ஆண்டு விழாவை பெரிய அளவில் கொண்டாட்டங்களுடன் நடத்த திட்டமிட்டுள்ளது.

அதன்படி, தெலுங்கானா உருவாக்கத்தில் முக்கியப் பங்காற்றிய காங்கிரஸ் மூத்த தலைவர் சோனியா காந்திக்கு பாராட்டு விழா பொதுக்கூட்டம் நடத்த முடிவு செய்துள்ளனர்.

மேலும் தனி மாநிலம் அமைக்க பாடுபட்ட அனைவருக்கும் பாராட்டு விழா நடத்தப்படுகிறது.

மாநில அமைச்சரவைக் கூட்டத்தின் போது துணை முதல்வர் மல்லு பாட்டி விக்ரமார்கா இதற்கான தீர்மானத்தை முன்மொழிந்தார். அது ஒருமனதாக அங்கீகரிக்கப்பட்டது.

மேலும் இசையமைப்பாளர் கீரவாணி இசையில் தெலுங்கானா மாநில பாடலும் புதுப்பித்து வெளியிடப்பட உள்ளது.