புரோ கபடி லீக்: தெலுங்கு டைட்டன்ஸ், பெங்கால் வாரியர்ஸ் அணிகள் வெற்றி

ஐதராபாத்:

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் பிளே-ஆப் சுற்றுக்கு தகுதி பெறும்.

இந்த தொடரில் இன்று நடைபெற்ற முதல் லீக் ஆட்டத்தில் தெலுங்கு டைட்டன்ஸ், புனேரி பால்டன் அணிகள் மோதின.

பரபரப்பாக நடந்த இந்தப் போட்டியில் தெலுங்கு டைட்டன்ஸ் அணி 34-33 என்ற புள்ளிக்கணக்கில் புனேரி பால்டன் அணியை வீழ்த்தி திரில் வெற்றி பெற்றது.

மற்றொரு போட்டியில் பெங்கால் வாரியர்ஸ் அணி 40-29 என்ற புள்ளிக்கணக்கில் பெங்களூரு புல்ஸ் அணியை வீழ்த்தி அபார வெற்றி பெற்றது.

புள்ளிப்பட்டியலில் புனேரி பால்டன் முதல் இடத்திலும், தெலுங்கு டைட்டன்ஸ் 2வது இடத்திலும் உள்ளன.