பாரீஸ் மாஸ்டர்ஸ்: டேனில் மெத்வதேவ்-க்கு அதிர்ச்சி அளித்த ஆஸ்திரேலிய வீரர்

பிரான்ஸ் தலைநகர் பாரீஸ் நகரில் பாரீஸ் மாஸ்டர்ஸ் டென்னிஸ் போட்டி நடைபெற்று வருகிறது. இதில் 2-வது சுற்றில் 4-ம் தரநிலை வீரரான ரஷியாவின் டேனில் மெத்வதேவ், ஆஸ்திரேலியாவின் அலெக்சி போபிரின்னை எதிர்கொண்டார்.

இதில் அலேக்சி போபிரின் அபாரமான ஆட்டத்தை வெளிப்படுத்தினார். தனது சர்வீஸ் மூலம் மெத்வதேவ்-ஐ திணறடித்தார். இதனால் முதல் செட்டை அலேக்சி போபிரின் 6-4 என எளிதாக கைப்பற்றினார்.

ஆனால் 2-வது சுற்றில் சுதாரித்துக் கொண்ட டேனில் மெட்வதேவ் 6-2 என எளிதாக கைப்பற்றினார். இதனால் வெற்றியை தீர்மானிக்கும் 3-வது செட்டில் இருவரும் மல்லுக்கட்டினர்.

ஒரு கட்டத்தில் மெட்வதேவ் 4-1 என பின்தங்கினார். பின்னர் சிறப்பாக விளையாடி கேம்-ஐ கைப்பற்ற, இந்த செட் டை-பிரேக்கர் வரை சென்றது. டை-பிரேக்கரில் 7-4 என அலேக்சி போபிரின் கைப்பற்றினார். இதனால் மெத்வதேவ் 4-6, 6-2, 6 (4)-7 (7) என தோல்வியடைந்தார்.