பாரீஸ் மாஸ்டர்ஸ் டென்னிஸ்: நம்பர் 1 வீரர் திடீர் விலகல்

பாரீஸ்:

பல முன்னணி வீரர்கள் பங்கேற்றுள்ள பாரீஸ் மாஸ்டர்ஸ் டென்னிஸ் தொடர் பாரீசில் நடைபெற்று வருகிறது. இந்த தொடரில் ஆண்கள் ஒற்றையர் பிரிவு ஆட்டங்கள் நடைபெற்று வருகிறது.

இந்நிலையில், பாரீஸ் மாஸ்டர்ஸ் தொடரில் இருந்து நம்பர் ஒன் வீரரான இத்தாலியைச் சேர்ந்த ஜானிக் சின்னர் திடீரென விலகியுள்ளார். வைரஸ் பாதிப்பு ஏற்பட்டதால் போட்டியில் இருந்து விலகுவதாக அவர் தெரிவித்துள்ளார்.

ஏற்கனவே, பாரீஸ் மாஸ்டர்ஸ் தொடரில் பங்கேற்கப் போவதில்லை என நோவக் ஜோகோவிச் அறிவித்தார் என்பது குறிப்பிடத்தக்கது.