கூடலூரில் பசியால் வாடிய தெருநாய்களுக்கு பிஸ்கட் வழங்கிய தீயணைப்பு வீரர்கள்

கூடலூர்:

கொரோனா வைரஸ் தடுப்பு நடவடிக்கையாக ஊரடங்கு உத்தரவு அமல்படுத்தப்பட்டு உள்ளது. இதையொட்டி காய்கறி உள்ளிட்ட அத்தியாவசிய பொருட்கள் விற்பனை செய்யப்படும் கடைகளை தவிர பிற கடைகள் அனைத்தும் மூடி கிடக்கின்றன. மேலும் சாலைகளில் பொதுமக்களின் நடமாட்டமும் குறைவாக உள்ளது. இதனால் உணவு கிடைக்காமல் ஆதரவற்றோர் தவித்து வருகின்றனர். அவர்களுக்கு பல்வேறு தரப்பினரும் உதவுகின்றனர்.

இந்த நிலையில் உணவு கிடைக்காத நிலையில் தெருநாய்களும் சுற்றித்திரிகின்றன. நீலகிரி மாவட்டம் கூடலூர், தொரப்பள்ளி, மாக்கமூலா, செம்பாலா உள்ளிட்ட இடங்களில் பசியால் வாடிய தெருநாய்களுக்கு பிஸ்கட், பிரெட் உள்ளிட்டவற்றை தீயணைப்பு வீரர்கள் வழங்கினர். மேலும் நடைபாதைகள், சாலைகளில் கிருமி நாசினி தெளித்தனர்.