தமிழ்நாடு (Tamil Nadu)
தங்கம் விலை பவுனுக்கு ரூ.240 குறைந்தது
- தங்கம் இன்று கிராமுக்கு ரூ.30 குறைந்து ரூ.5,245க்கு விற்கப்படுகிறது.
- வெள்ளி விலை இன்று குறைந்துள்ளது.
சென்னை:
தங்கம் விலை கடந்த வாரம் ஏற்ற இறக்கமாக காணப்பட்டது. இந்த நிலையில் தங்கம் விலை இந்த வாரம் குறைந்து வருகிறது.
கடந்த 19-ந் தேதி ஒரு பவுன் தங்கம் ரூ.42,320 விற்கப்பட்டது. 20-ந்தேதி அது ரூ.42,240 ஆக குறைந்தது. நேற்று முன்தினம் ரூ.42,200 ஆக குறைந்தது. நேற்றும் அதே நிலையிலேயே நீடித்தது.
இந்த நிலையில் இன்று தங்கம் விலை பவுனுக்கு ரூ.240 குறைந்துள்ளது. இன்று ஒரு பவுன் தங்கம் ரூ.41,960 க்கு விற்கப்படுகிறது. நேற்று ஒரு கிராம் தங்கம் ரூ.5,275-க்கு விற்கப்பட்டது. இன்று கிராமுக்கு ரூ.30 குறைந்து ரூ.5,245க்கு விற்கப்படுகிறது.
இதேபோல் வெள்ளி விலையும் இன்று குறைந்துள்ளது. நேற்று ஒரு கிராம் வெள்ளி ரூ.72க்கு விற்கப்பட்டது. இன்று கிராம் ரூ.50 காசுகள் குறைந்து ரூ.71.50-க்கு விற்கப்படுகிறது. ஒரு கிலோ பார் வெள்ளி ரூ.71,500க்கு விற்பனை ஆகிறது.