மாத தொடக்கத்தில் அதிகரித்த தங்கம் விலை

சென்னை:

மத்திய பட்ஜெட்டில் அறிவிக்கப்பட்ட சுங்க வரி குறைப்பு காரணமாக சில நாட்கள் தங்கம் விலை குறைந்து விற்பனையானது. இருப்பினும் நேற்று தங்கம் சவரனுக்கு ரூ.280 உயர்ந்து விற்பனையானது.

இந்த நிலையில், ஆகஸ்ட் மாத தொடக்க நாளான இன்று தங்கம் விலை சற்று அதிகரித்துள்ளது. தங்கம் கிராமுக்கு ரூ.10 உயர்ந்து ஒரு கிராம் ரூ. 6,430-க்கும் சவரனுக்கு ரூ.80 உயர்ந்து ஒரு சவரன் ரூ.51,440-க்கும் விற்பனையாகிறது.

வெள்ளி விலையும் சற்று அதிகரித்துள்ளது. கிராமுக்கு 70 பைசாக்கள் உயர்ந்து ஒரு கிராம் வெள்ளி ரூ. 91.70-க்கும் கிலோவுக்கு ரூ.700 உயர்ந்து பார் வெள்ளி ரூ.91,700-க்கும் விற்பனை செய்யப்படுகிறது.