இந்தவார ராசிபலன்

15.7.2024 முதல் 21.7.2024 வரை

அனுகூலமான வாரம். தனம், வாக்கு, குடும்ப ஸ்தானத்தில் சஞ்சரித்த சனி பகவான் வக்ரம் அடைகிறார். இது வரை உங்களை ஆட்டிப்படைத்த இனம் புரியாத மன சஞ்சலம் விலகும். கிட்டச் சென்றாலும் எட்டிச் சென்ற உறவுகள் உங்களைத் தேடி வருவார்கள். ஆடம்பர விழாக்கள், விருந்து உபசாரங்களில் கலந்து கொள்வீர்கள். தொழிலில் நிலைத்து நிற்க முடியுமா? என்ற மன பயத்துடன் இருந்தவர்களுக்கு திருப்புனையான நேரம். பொருளாதாரம், ஆரோக்கியத்தைப் பொறுத்தவரை திருப்தியான காலம் என்பதால் நிம்மதியாக இருக்கலாம்.

மலைபோல் வந்த பிரச்சினைகள் பனி போல் விலகும். பாகப்பிரிவினையில் உடன் பிறப்புகள், பங்காளிகள், சித்தப்பாவிடம் நிலவிய மனக்கசப்புகள் மறைந்து பூர்வீகச் சொத்துப் பிரச்சினைகள் சுமூகமாகும். வீடு கட்ட வாகனம் வாங்க உகந்த நேரம். சுய ஜாதக ரீதியான தோஷங்கள் விலகி திருமணம் நடைபெறும்.வாழ்க்கைத் துணையின் மூலம் தக்க உதவிகள் கிடைக்கும்.திடீர் அதிர்ஷ்டம் உயில் சொத்து ,எதிர்பாராத தன வரவு வரும் வாய்ப்பும் உள்ளது. புத்தாடை தங்கம் வெள்ளி நகைகள் வாங்கும் யோகம் கிடைக்கும். பெரிய மாரியம்மனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406