இந்தவார ராசிபலன்

29.7.2024 முதல் 4.8.2024 வரை

சுபசெய்திகளால் மனம் மகிழும் வாரம். ராசிக்கு குரு, சூரியன் பார்வை பதிவது சிவராஜ யோகம்.ஆன்மீக நாட்டம் அதிகரிக்கும்.ஏழரைச் சனியையும் மீறி தடைபட்ட நல்ல விசயங்கள் தாமாகவே நடக்கும். அரசின் நலத்திட்டங்களால் ஆதாயம் உண்டாகும். சிலருக்கு அரசின் இலவச வீடு, வீட்டு மனை கிடைக்கலாம்.வீடு கட்டும் பணி துரிதமாகும். தடைபடாத பண வரவு உண்டு.சுபசெலவுகள் மிகுதியாகும். திருட்டுப் போன பொருட்கள் கிடைக்கும்.சிலர் மன நிம்மதிக்காக வீடு மாறுவார்கள். கூலித் தொழிலாளி களின் நிலைமை சீராகும். புதிய வேலை வாய்ப்புகள் உருவாகும்.

பிள்ளைகள் பெயரில் நிரந்தர வைப்புத் தொகையை ஏற்படுத்துவீர்கள். தங்கத்தில் முதலீடு செய்வீர்கள். பெண்கள் ஆன்லைனில் பொருட்களை வாங்கி குவிப்பார்கள். நோய் தாக்கம் குறையும். வழக்குகளில் சாதகமான தீர்ப்பு எதிர்பார்க்கலாம். மாணவர்கள் கல்வி தொடர்பான முயற்சியில் நல்ல முன்னேற்றம் உண்டாகும். குடும்பத்துடன் இன்பச் சுற்றுலா சென்று வருவீர்கள். பராமரிப்பு இல்லாத அம்மன் கோயில்களுக்கு விளக்கு ஏற்ற நல்லெண்ணெய் வாங்கித் தரவும்.

`பிரசன்ன ஜோதிடர்'

ஐ.ஆனந்தி

செல்: 98652 20406