இந்தவார ராசிபலன்

15.7.2024 முதல் 21.7.2024 வரை

பல தடைகளையும் கடந்து வெற்றி உண்டாகும் வாரம் .பூர்வ புண்ணிய ஸ்தான அதிபதி செவ்வாய் ராசி அதிபதி குருவுடன் இணைந்து ராசியை பார்க்கிறார். தடை தாமதமான உங்களின் முயற்சிகள் காரிய சித்தியை ஏற்படுத்தி தரும். நடக்காமல் இருந்த நல்ல விஷயங்கள் நடக்கும். அடிக்கடி இடப்பெயர்ச்சி செய்ய நேரும். இரக்க சுபாவம் அதிகரிக்கும். உடன் பிறந்த சகோதர, சகோதரிகளுடன் நல்லிணக்கம் உண்டாகும். பணம் கொடுக்கல் வாங்கல் சீராகும். உங்களை ஏமாற்றி பணம் பறித்தவர்கள் கூட பணத்தை கொடுக்க முன் வருவார்கள். இது வரை சம்பாத்தியம் பற்றிய சிந்தனை இல்லாதவர்களுக்கு கூட தொழில், நல்ல வேலை வாய்ப்புகள் தேடிவரும்.

புதிய தொழில் தொடங்கும் திட்டங்கள் நிறைவேறும். வியாபாரத்தில் லாபம் வழக்கத்தை விட அதிகமாக இருக்கும். குல தெய்வம் எதுவென்று தெரியாத வர்களுக்கு குலதெய்வ இருப்பிடம் தெரியும் வாய்ப்பு உள்ளது. தெய்வ பிரார்த்தனைகளை நிறைவேற்ற உகந்த காலம். திருமணப் பேச்சு வார்த்தை வெற்றிகரமாக முடியும். வாழ்க்கைத் துணையால் பொருள் சேர்க்கை ஏற்படும். உடல்நிலை முன்னேற்றம் கூடும். கல்வியில் மேன்மை உண்டு. புத்து மாரியம்மனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406