கன்னி - தமிழ் மாத ஜோதிடம்

2024 ஐப்பசி மாத ராசிபலன்

உதவி செய்வதால் பிறர் உள்ளத்தில் இடம் பிடிக்கும் கன்னி ராசி நேயர்களே!

ஐப்பசி மாத கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசி நாதன் புதன் தன ஸ்தானத்தில் சஞ்சரிக்கிறார். அவரோடு விரயாதிபதி சூரியனும் இணைந்திருப்பதால் விரயங்கள் கூடுதலாக இருக்கும். விழிப்புணர்ச்சியோடு செயல்பட வேண்டிய நேரம் இது.

பகை அதிகரிக்கும். வீடு மாற்றம் ஏற்படும். நெருக்கடி நிலையை சமாளிக்க தன்னம்பிக்கை அவசியம். அரசு வழி பிரச்சனைகளை சந்திக்க நேரிடும். குடும்பத்தில் சுபகாரியங்கள் நடைபெறுவது போல் இருந்து கை நழுவிச் செல்லலாம்.

செவ்வாய் நீச்சம்

ஐப்பசி 6-ந் தேதி கடக ராசிக்கு செவ்வாய் செல்கிறார். கடக ராசியானது, செவ்வாய்க்கு நீச்ச வீடாகும். உங்கள் ராசிக்கு 3, 8 ஆகிய இடங்களுக்கு அதிபதியான செவ்வாய், நீச்சம் பெறுவது நன்மைதான். கடன் சுமை குறையும். வழக்குகள் சாதகமாக முடியும். வாழ்க்கைத் தேவைகளைப் பூர்த்தி செய்துகொள்ள நண்பர்கள் உறுதுணையாக இருப்பர்.

வெளி வட்டாரத்தில் அந்தஸ்து உயரும். எதிர்பாராத சந்திப்பால் புதியவர்கள் அறிமுகம் ஆவர். பஞ்சாயத்துக்கள் சாதகமாக முடியும். பணியாளர்களின் ஒத்துழைப்பால் தொழில் வளம் சிறப்பாக இருக்கும். வாகனம் வாங்கும் யோகம் உண்டு.

விருச்சிகம் - புதன்

ஐப்பசி 8-ந் தேதி, விருச்சிக ராசிக்கு புதன் செல்கிறார். உங்கள் ராசிக்கும், தொழில் ஸ்தானத்திற்கும் அதிபதியாக விளங்குபவர் புதன். அவர் சகாய ஸ்தானத்தில் சஞ்சரிக்கும் பொழுது எதிர்பார்ப்புகள் எல்லாம் நிறை வேறும்.

இல்லம் தேடி நல்ல தகவல் வரும். தொழில் வளர்ச்சி சிறப்பாக இருக்கும். உத்தியோகத்தில் உள்ள நுணுக்கங்களை, உயர் அதிகாரிகள் கற்றுத்தருவார்கள். உடன் பிறப்புகள் உறுதுணையாக இருப்பர். வழக்குகள் சாதகமாகும்.

சனி வக்ர நிவர்த்தி

கும்ப ராசியில் சஞ்சரிக்கும் சனி பகவான், ஐப்பசி 18-ந் தேதி வக்ர நிவர்த்தி ஆகிறார். இதனால் உங்கள் ராசிக்கு 6-ம் இடத்திற்கு அதிபதியான சனி பலம் பெறுகிறார். எனவே எதிரிகளின் தொல்லை அதிகரிக்கும்.

எதையும் திட்டமிட்டு செய்ய இயலாது. கை வலி, கால் வலி, மூட்டு வலி என்று ஏதாவது ஒரு தொல்லை இருந்து கொண்டே இருக்கும். இதனால் மருத்துவச் செலவும் கூடும். உறவினர்கள் மூலமாக மனக்கலக்கம் தரும் தகவல் வந்து சேரலாம். விருப்ப ஓய்வில் செல்வது பற்றி சிந்திப்பீர்கள்.

தனுசு - சுக்ரன்

ஐப்பசி 22-ந் தேதி, தனுசு ராசிக்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியான சுக்ரன், சுக ஸ்தானத்தில் சஞ்சரிப்பது நல்ல நேரம்தான். கொடுக்கல்- வாங்கல்கள் ஒழுங்காகும். வாகன யோகம் உண்டு. பயணங்கள் பலன் தருவதாக அமையும். பாதியில் நின்ற பணிகளை செய்து முடிப்பீர்கள்.

வீடு கட்டுவது, கட்டிய வீட்டை பழுது பார்ப்பது போன்றவற்றில் கவனம் செலுத்துவீர்கள். பொருளாதார நிலை சிறப்பாக இருக்கும். திருமணத் தடை அகலும். புதிய முயற்சிகள் வெற்றி பெறும்.

பொதுவாழ்வில் உள்ளவர்களுக்கு எதிர்பார்ப்புகள் நிறைவேறும். வியாபாரம் மற்றும் தொழில் செய்பவர்களுக்கு சென்ற மாதத்தைக் காட்டிலும் சிறப்பான மாதமாக இந்த மாதம் அமையும். உத்தியோகத்தில் உள்ளவர்களுக்கு உயர் பதவிகள் கிடைக்கும்.

கலைஞர்களுக்கு ஒப்பந்தங்கள் வந்து சேரும். மாணவ - மாணவிகளுக்கு ஆசிரியர்களின் வழிகாட்டுதல் சிறப்பாக இருக்கும். பெண்களுக்கு உத்தியோக முயற்சி கைகூடும். குடும்ப பிரச்சனைகள் படிப்படியாக அகலும்.

பணத்தேவையைப் பூர்த்தி செய்யும் நாட்கள்:-

அக்டோபர்: 20, 21, 25, 26, 31, நவம்பர்: 1, 6, 7.

மகிழ்ச்சி தரும் வண்ணம்:- கிரே.

2024 புரட்டாசி மாத ராசிபலன்

திட்டமிட்டு செயல்பட்டு வெற்றி காணும் கன்னி ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் விரய ஸ்தானத்தில் சஞ்சரிக்கிறார். விரயாதிபதி சூரியன் உங்கள் ராசியில் இருக்கிறார். எனவே இந்த மாதம் விரயங்கள் கொஞ்சம் கூடுதலாகவே இருக்கும்.

வீடு மாற்றமும், இடமாற்றமும் எதிர்பாராத விதத்தில் அமையும். இல்லத்தில் சுபகாரிய பேச்சுக்கள் கைகூடும். உத்தியோகத்தில் இலாகா மாற்றம் ஏற்படவும் வாய்ப்பு உண்டு. தொழிலை பொறுத்தவரை குறுக்கீடுகள் வரலாம். எனவே தசா புத்திக்கேற்ற தெய்வத்தை தேர்ந்தெடுத்து வழிபடுவது நன்மை தரும்.

சனி வக்ரம்

கும்ப ராசியில் சஞ்சரிக்கும் சனி பகவான், இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் வக்ரம் பெறும் பொழுது பிள்ளைகளால் சில பிரச்சினைகள் உருவாகும். பூர்வீக சொத்துக்களை பிரித்துக் கொள்வதில் தாமதம் ஏற்படும். உத்தியோகத்தில் உயர்அதிகாரிகளின் கெடுபிடி அதிகரிக்கும்.

வேலைப்பளு கூடும். 'உழைப்புக்கேற்ற ஊதியம் கிடைக்கவில்லையே' என்று கவலைப்படுவீர்கள். உடல்நலத்தில் கவனம் தேவை. எலும்பு, நரம்பு சம்பந்தப்பட்ட பாதிப்புகள் ஏற்பட்டு அகலும். எதையும் திட்டமிட்டு செய்ய இயலாது. பொறுமையும், நிதானமும் தேவைப்படும் நேரம் இது.

புதன் உச்சம்

புரட்டாசி 3-ந் தேதி, கன்னி ராசியில் புதன் உச்சம் பெறுகிறார். உங்கள் ராசிக்கு அதிபதியாகவும், தொழில் ஸ்தானத்திற்கு அதிபதியாகவும் விளங்கும் புதன், உச்சம் பெறுவது நன்மைதான். தொழில் வெற்றி நடைபோடும். எதிர்பார்த்த தொகை கைக்கு வந்துசேரும்.

அழியாத புகழுக்கு அஸ்திவாரம் அமைத்துக் கொடுக்கும் விதத்தில், நல்ல காரியம் ஒன்றை செய்து முடிப்பீர்கள். புதிய ஒப்பந்தங்கள் அடுக்கடுக்காக வரலாம். உத்தியோகத்தை பொறுத்தவரை, உயர் அதிகாரிகள் இணக்கமாக நடந்துகொள்வர். அலுவலகத்தில் நீங்கள் கேட்ட சலுகைகளும் கிடைக்கும்.

துலாம் - சுக்ரன்

புரட்டாசி 3-ந் தேதி, துலாம் ராசிக்கு சுக்ரன் செல்கிறார். அது சுக்ரனுக்கு சொந்த வீடாகும். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் தன ஸ்தானத்தில் சஞ்சரிக்கும்போது வருமானம் உயரும். வளர்ச்சி கூடும். கொடுக்கல் - வாங்கல் ஒழுங்காகும்.

'இல்லம் கட்டிக் குடியேற வேண்டும்' என்ற ஆசை நிறைவேறும். பெற்றோரின் ஆதரவோடு தொழில் முன்னேற்றம் காண்பீர்கள். புதிய முயற்சிகளில் வெற்றி கிடைக்கும். புனிதப் பயணங்களை மேற்கொள்ள முன்வருவீர்கள். உத்தியோகத்தில் உள்ளவர்கள், 'சுய தொழில் செய்யலாமா?' என்று சிந்தனை செய்வார்கள்.

துலாம் - புதன்

புரட்டாசி 20-ந் தேதி, துலாம் ராசிக்கு புதன் செல்கிறார். அவர் அங்குள்ள சுக்ரனோடு இணைந்து 'புத சுக்ர யோக'த்தை உருவாக்குகிறார். எனவே பொருளாதார நிலை உயரும். புதிய முயற்சிகள் அனைத்திலும் வெற்றி கிடைக்கும். பலமுறை முயற்சித்தும் முடியாத காரியங்கள், இப்போது முடிவுக்கு வரும். இதுவரை எதிர்பார்த்துக் காத்திருந்த வெளிநாட்டு யோகம் இப்போது கைகூடும்.

பிள்ளைகளின் திருமணப் பேச்சு நல்ல முடிவிற்கு வரும். வியாபார விரோதங்கள் விலகும். புதிய கடை திறப்பு விழா, கட்டிடத் திறப்பு விழா போன்றவை நடைபெற வழிபிறக்கும். பொதுவாழ்வில் உள்ளவர்களுக்கு எதிர்பார்ப்புகள் எளிதில் நிறைவேறும். வியாபாரம் மற்றும் தொழில் செய்பவர்களுக்கு இருந்த போட்டிகள் விலகும்.

உத்தியோகத்தில் உள்ளவர்கள் உயர் அதிகாரிகளின் நம்பிக்கைக்கு பாத்திரமாக நடந்துகொள்வர். கலைஞர்களுக்கு புது முயற்சிகளில் வெற்றி கிடைக்கும். மாணவ - மாணவிகளுக்கு தன்னம்பிக்கை அதிகரிக்கும். பெண்கள் கோபத்தை தவிர்ப்பது நல்லது. வருமானம் திருப்திகரமாக இருக்கும்.

பணத்தேவையைப் பூர்த்தி செய்யும் நாட்கள்:-

செப்டம்பர்: 22, 23, 27, 28, அக்டோபர்: 4, 5, 9, 10.

மகிழ்ச்சி தரும் வண்ணம்:- ஆரஞ்சு.

2024 ஆவணி மாத ராசிபலன்

அமைதியாக இருந்து அரிதானதைச் செய்யும் கன்னி ராசி நேயர்களே!

ஆவணி மாத கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் லாப ஸ்தானத்தில் சஞ்சரிக்கிறார். எனவே தனவரவு தாராளமாக வந்துசேரும். 6-ல் உள்ள சனி வக்ரம் பெறுவதால், உத்தியோகம் மற்றும் தொழிலில் உன்னத நிலை உருவாகும்.

குருவின் பார்வை ராசியில் பதிவதால் வியாழ நோக்கம் ஏற்பட்டு, கல்யாணக் கனவுகள் நனவாகும். என்ன இருந்தாலும் ஜென்மத்தில் கேது இருப்பதால் இடையிடையே மன அமைதி குறைவும், இனம் புரியாத கவலைகளும் மேலோங்கும்.

சனி - சூரியன் பார்வை

கும்ப ராசியில் சஞ்சரிக்கும் சனி பகவான், இம்மாதம் முழுவதும் வக்ர இயக்கத்தில் இருக்கிறார். சிம்மத்தில் சஞ்சரிக்கும் சூரியன் அவரை பார்க்கிறார். இந்த பகைக் கிரகங்களின் பார்வை அவ்வளவு நல்லதல்ல. விரயாதிபதி சூரியன் பலம் பெற்று பார்ப்பதால், விரயங்கள் கொஞ்சம் அதிகரிக்கும். வீடு மாற்றம், இட மாற்றம் பற்றிய சிந்தனை அலைமோதும். ஒரு சிலருக்கு உத்தியோகத்தில் திடீர் மாற்றம் ஏற்பட்டு மன சஞ்சலத்தை உருவாக்கலாம்.

சூரியனுக்கும், சனிக்கும் உரிய சிறப்பு வழிபாடுகளை மேற்கொள்வதன் மூலம் சந்தர்ப்பங்களை சாதகமாக்கிக்கொள்ளலாம். அதே நேரத்தில் கொஞ்சம் பொறுமையோடும், நிதானத்தோடும் செயல்பட்டால் வெற்றி வாய்ப்புகளை வரவழைத்துக்கொள்ள இயலும்.

சுக்ரன் நீச்சம்

ஆவணி 10-ந்தேதி கன்னி ராசிக்கு செல்லும் சுக்ரன், அங்கு நீச்சம் பெறுகிறார். உங்கள் ராசிக்கு 2, 9 ஆகிய இடங்களுக்கு அதிபதியானவர், சுக்ரன். அவர் நீச்சம் பெறுவது அவ்வளவு நல்லதல்ல. பணத்தட்டுப்பாடு அதிகரிக்கும். பக்கபலமாக இருக்கும் நண்பர்கள் உங்களை விட்டு விலக நேரிடும். அரசியல் களத்தில் உள்ளவர்கள், அதிரடியான திருப்பங்களைச் சந்திப்பர்.

பெற்றோர் வழியிலும், மற்றோர் வழியிலும் பிரச்சனைகள் மீண்டும் தலைதூக்கும். குடும்பத்தில் மூன்றாம் நபரால் குழப்பங்கள் ஏற்படும். எனவே கவனம் தேவை. உத்தியோகத்தில் மேலதிகாரிகளின் ஆதரவு குறையும். சக பணியாளர்களை நம்பி செயல்பட இயலாது. இந்த காலகட்டத்தில் பொறுமை மிக அவசியம்.

மிதுன - செவ்வாய்

ஆவணி 10-ந் தேதி, மிதுன ராசிக்கு செவ்வாய் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் செவ்வாய். அவர் தொழில் ஸ்தானத்திற்கு வரும் பொழுது தொழிலில் சில இழப்புகளை சந்திக்க நேரிடும். கூட்டாளிகளை நம்பி ஏமாறும் சூழ்நிலையும் உண்டு. உடன்பிறப்புகள் உங்கள் மீது பழி சுமத்தலாம். உத்தியோகத்தில் உங்கள் திறமைக்குரிய அங்கீகாரம் கிடைக்காது.

தொழிலில் பணியாளர்களால் சில பிரச்சினைகளை சந்திப்பீர்கள். இடம், பூமி வாங்கியதில் வில்லங்கள் ஏற்பட்டு மனக்கவலையை அதிகரிக்கச் செய்யும். எதையும் ஒரு முறைக்கு பலமுறை யோசித்து செய்ய வேண்டிய நேரம் இது.

சிம்ம - புதன்

ஆவணி 15-ந் தேதி, சிம்ம ராசிக்கு புதன் செல்கிறார். உங்கள் ராசிக்கும், 10-ம் இடத்திற்கும் அதிபதியாக விளங்கும் புதன், கேந்திராதிபத்ய தோஷம் பெற்றவர் ஆவார். அவர் விரய ஸ்தானத்திற்கு வரும் இந்த நேரம், நல்ல நேரம்தான். தொழில் மற்றும் உத்தியோகத்தில் எதிர்பாராத நன்மைகள் கிடைக்கும். கூட்டுத்தொழிலில் மாற்றம் ஏற்படும். ஆற்றல் மிக்கவர்கள் உங்களுக்கு அரிய யோசனைகளை வழங்குவர். உத்தியோகத்தில் கேட்ட சலுகைகள் கிடைக்கும். ஆரோக்கிய தொல்லை அகலும். எப்போதும் உற்சாகத்தோடு பணிபுரிவீர்கள்.

பொதுவாழ்வில் உள்ளவர்களுக்கு புதிய முயற்சிகளில் வெற்றி கிடைக்கும். வியாபாரம் மற்றும் தொழில் செய்பவர்களுக்கு லாபம் குவியும். உத்தியோகத்தில் உள்ளவர்களுக்கு உயர் பதவி கிடைக்கும். கலைஞர்களுக்கு செல்வாக்கு அதிகரிக்கும். மாணவ - மாணவிகள் எதிர்பார்த்த இலக்கை அடைவர். பெண்களுக்கு குடும்ப சுமை கூடும். குடியிருக்கும் வீட்டால் ஏற்பட்ட பிரச்சினைகள் அகலும்.

பணத்தேவையைப் பூர்த்தி செய்யும் நாட்கள்:-

ஆகஸ்டு: 17, 18, 27, 28, 31, செப்டம்பர்: 1, 8, 9.

மகிழ்ச்சி தரும் வண்ணம்:- ரோஸ்.

ஆடி மாத ராசிபலன்

அமைதியின் வழியில் பலருக்கும் நல்வழி கூறும் கன்னி ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன் லாப ஸ்தானத்தில் சஞ்சரிக்கிறார். அவரோடு விரயாதிபதி சூரியனும், தனாதிபதி சுக்ரனும் இணைந்திருக்கிறார்கள். எனவே தனவரவு தாராளமாக வந்து கொண்டே இருக்கும். அதேநேரம் விரயங்களும் அதிகரிக்கும். இல்லத்திற்கு தேவையான விலை உயர்ந்த பொருட்களை வாங்கி மகிழ்வீர்கள். எதிர்கால நலன் கருதி எடுத்த முயற்சியில் வெற்றி கிடைக்கும். 'புத ஆதித்ய யோக'மும், 'புத சுக்ர யோக'மும் இணைந்து செயல்படும் இந்த மாதத்தில் நன்மைகள் அதிகம் நடைபெறும்.

குரு - செவ்வாய் சேர்க்கை

மாதத் தொடக்கத்திலேயே குருவும், செவ்வாயும் இணைந்து, உங்கள் ராசிக்கு 9-ம் இடமான பாக்கிய ஸ்தானத்தில் சஞ்சரிக்கின்றனர். குருவின் பார்வை உங்கள் ராசியில் பதிவது நன்மைதான். 'குரு பார்க்கக் கோடி நன்மை' என்பதற்கேற்ப சுபகாரியங்கள் இல்லத்தில் நடைபெறும். தங்கு தடை தானாக விலகும். ஒரு சிலருக்கு கட்டிய வீட்டைப் பழுது பார்க்கும் யோகம் உண்டு. திட்டமிட்ட காரியங்களைத் திட்டமிட்டபடி செய்து முடிப்பீர்கள். திடீர் தனவரவு வந்து சேரும். தெய்வத் திருப்பணிகளில் ஆர்வம் காட்டு வீர்கள். புகழ்பெற்ற ஆலயங்களுக்குச் செல்வதற்கான வாய்ப்பு கிடைக்கும்.

புதன் வக்ரம்

கடக ராசியில் சஞ்சரிக்கும் புதன், ஆடி 5-ந் தேதி வக்ரம் பெறுகிறார். உங்கள் ராசிநாதன் புதன் வக்ரம் பெறுவது அவ்வளவு நல்லதல்ல. உடல் ஆரோக்கியத்தில் கவனம் செலுத்த வேண்டிய நேரம் இது. உள்ளத்தில் உற்சாகமும், அமைதியும் குறையும். சில காரியங்கள் முடிவடைவது போல் தோன்றினாலும், கடைசி நேரத்தில் கை நழுவிப் போக வாய்ப்பு அதிகம். தொழில் பங்குதாரர்களால் தொல்லைகள் ஏற்படும். கடமையில் தொய்வும், பணப் புழக்கத்தில் தடுமாற்றமும் வரலாம். எதையும் யோசித்துச் செய்ய வேண்டிய நேரம் இது.

சிம்ம - சுக்ரன்

ஆடி 16-ந் தேதி, சிம்ம ராசிக்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் விரய ஸ்தானத்திற்கு வரும்போது, விரயங்கள் கொஞ்சம் அதிகரிக்கத்தான் செய்யும். குடும்பச் சுமை கூடும். கடுமையாக முயற்சித்தும் சில காரியங்கள் கைகூடாமல் போகலாம். எதையும் நினைத்த மாத்திரத்தில் செய்ய இயலாது. திசாபுத்தி பலமிழந்தவர்களுக்கு பணத்தட்டுப்பாடு உருவாகலாம். ஒரு கடனை அடைக்க மற்றொரு கடன் வாங்க வேண்டிய சூழ்நிலை ஏற்படும். இக்காலத்தில் அனுபவஸ்தர்களின் ஆலோசனை தக்க சமயத்தில் கைகொடுக்கும்.

பொதுவாழ்வில் உள்ளவர்களுக்கு மக்கள் செல்வாக்கு அதிகரிக்கும். வியாபாரம், தொழில் செய்பவர்களுக்கு ஆதாயம் எதிர்பார்த்தபடி கிடைக்கும். உத்தியோகத்தில் உள்ளவர்களுக்கு அலுவலகத்தில் நல்ல பெயர் கிடைக்கும். கலைஞர்களுக்கு வாய்ப்புகள் வாசல் தேடி வரும். மாணவ - மாணவிகளுக்கு கனவு நனவாகும். பெண்களுக்கு எதிர்பார்த்த முன்னேற்றம் எளிதில் கிடைக்கும். வாழ்க்கைத் தேவை பூர்த்தியாகும்.

பணத்தேவையைப் பூர்த்தி செய்யும் நாட்கள்:-

ஜூலை: 19, 20, 31, ஆகஸ்டு: 1, 4, 5, 11, 12.

மகிழ்ச்சி தரும் வண்ணம்:- கரும்பச்சை.

ஆனி மாத ராசிபலன்

மற்றவர்களின் நம்பிக்கைக்கு பாத்திரமாக விளங்கும் கன்னி ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது உங்கள் ராசிநாதன் புதன், தொழில் ஸ்தானத்தில் சூரியன் மற்றும் சுக்ரனோடு இணைந்து சஞ்சரிப்பது யோகம் தான். இதன் மூலம் 'புத சுக்ர யோக'மும், 'புத ஆதித்ய யோக'மும் செயல்படுவதால் பொருளாதாரத்தில் நிறைவு ஏற்படும். புகழ்பெற்றவர்கள் உங்களுக்குப் பின்னணியாக இருந்து, பல நல்ல காரியங்களை முடித்துக் கொடுப்பர். தடுமாற்றம் அகலும். தன வரவு திருப்தி தரும்.

சனி வக்ரம்

ஆனி மாதம் 5-ந் தேதி, கும்ப ராசியில் சனி வக்ரம் பெறுகிறார். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி. அவர் வக்ரம் பெறும் இந்த நேரத்தில் எதிர்பாராத மாற்றங்கள் ஏராளமாக நடைபெறும். பிள்ளைகளால் பிரச்சினைகள் ஏற்படும். குடும்பத்தில் விரயங்கள் அதிகரிக்கும். எனவே கூடுதல் விழிப்புணர்ச்சி தேவை. அதேநேரம் கல்யாணக் கனவுகள் நனவாகும். தொழிலில் தொல்லை தந்தவர்கள் விலகுவர். 'வேலை சம்பந்தமாக வெளிநாட்டில் இருந்துவரும் அழைப்புகளை ஏற்றுக் கொள்ளலாமா?' என்ற சிந்தனை மேலோங்கும். எதிரிகளின் பலம் குறையும். ஆரோக்கியத் தொல்லை உண்டு.

கடக - புதன்

ஆனி மாதம் 12-ந் தேதி, கடக ராசியான லாப ஸ்தானத்திற்கு புதன் செல்கிறார். உங்கள் ராசிநாதன் புதன், லாப ஸ்தானத்திற்கு வருவது யோகமான நேரம் தான். பொருளாதாரத்தில் நிறைவு ஏற்படும். தொழிலில் புதிய மாற்றங்களை செய்ய முன்வருவீர்கள். அதிகாரப் பதவியில் உள்ளவர்களின் ஆதரவு தக்க சமயத்தில் கிடைக்கும். உத்தியோகத்தில் உயர்பதவி மட்டுமல்ல, சம்பள உயர்வும் கிடைப்பதற்கான அறிகுறிகள் உண்டு. கொடுத்த கடன் வசூலாகும்.

கடக - சுக்ரன்

ஆனி 23-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் லாப ஸ்தானத்திற்கு வரும் இந்த நேரம் நல்ல சம்பவங்கள் நிறைய நடைபெறும். கொடுக்கல்- வாங்கல் ஒழுங்காகும். வருமானம் உயரும். வருங்காலத்தைப் பற்றிய பயம் அகலும். திருமணம் போன்ற சுபகாரியங்கள் நடைபெற்று மகிழ்ச்சியை வழங்கும். பூர்வீக சொத்துக்களில் இருந்த பிரச்சினைகள் படிப்படியாகக் குறையும். புதிய இடம் வாங்குதல், வீடு கட்டுதல் போன்றவற்றில் கவனம் செலுத்துவீர்கள்.

ரிஷப - செவ்வாய்

ஆனி 27-ந் தேதி, ரிஷப ராசிக்கு செவ்வாய் செல்கிறார். இதுவரை அஷ்டமத்தில் சஞ்சரித்து வந்த செவ்வாய் 9-ம் இடத்தில் குருவுடன் இணைந்து 'குரு மங்கள யோக'த்தை உருவாக்குகிறார். இதன் விளைவாக மங்கல ஓசை மனையில் கேட்கும் வாய்ப்பு உண்டு. மதிப்பும், மரியாதையும் உயரும். வருமானம் எதிர்பார்த்ததைக் காட்டிலும் கூடுதலாகக் கிடைக்கலாம். நிலப் பிரச்சினைகள் நல்ல முடிவிற்கு வரும். உத்தியோகத்தை பொறுத்தவரை உயரதிகாரிகளின் ஆதரவோடு நல்ல மாற்றங்கள் வந்துசேரும். உடல்நலம் சீராகும். சகோதர வர்க்கத்தினரால் நன்மை உண்டு.

பொதுவாழ்வில் உள்ளவர்கள் முன்னேற்றப் பாதையில் அடியெடுத்து வைக்கும் நேரம் இது. வியாபாரம் மற்றும் தொழில் செய்பவர்கள் புதிய ஒப்பந்தங்கள் மூலம் லாபம் காண்பர். உத்தியோகத்தில் உள்ளவர்களுக்கு தடைப்பட்ட பதவி உயர்வு தானாக வந்துசேரும். கலைஞர் களுக்கு நல்ல சந்தர்ப்பங்கள் வரலாம். மாணவ-மாணவி களுக்கு ஆசிரியர்களின் ஆதரவு திருப்தி தரும். பெண்களுக்கு தங்கள் பெயரில் சொத்துகள் வாங்கும் யோகம் உண்டு. வருமானம் உயரும்.

பணத்தேவையைப் பூர்த்தி செய்யும் நாட்கள்:-

ஜூன்: 22, 23, ஜூலை: 3, 4, 8, 9, 12, 15.

மகிழ்ச்சி தரும் வண்ணம்:- கிளிப் பச்சை.

வைகாசி மாத ராசிபலன்

வைகாசி மாத கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன் அஷ்டமத்தில் மறைந்திருப்பதோடு, தனாதிபதி சுக்ரனோடும் இணைந்திருக்கிறார். இதனால் 'புத சுக்ர யோகம்' உருவாகிறது. 'மறைந்த புதனால் நிறைந்த தன லாபம் கிடைக்கும்' என்பார்கள். எனவே இம்மாதத்தில் பொருளாதாரத்தில் இருந்த பற்றாக்குறை அகலும். புதிய முயற்சிகளில் வெற்றி கிடைக்கும். குருவின் பார்வையும் உங்கள் ராசியில் பதிவதால் தொழில் வெற்றி நடைபோடும். துணிவும், தன்னம்பிக்கையும் அதிகரிக்கும்.

ரிஷப - சுக்ரன்

வைகாசி 7-ந் தேதி, ரிஷப ராசிக்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் பாக்கிய ஸ்தானத்தில் பலம்பெறும் இவ்வேளையில் நல்ல காரியங்கள் பலவும் இல்லத்தில் நடைபெறும். தொழிலை விரிவுபடுத்தும் முயற்சியில் ஆர்வம் காட்டுவீர்கள். நண்பர்கள் மூலம் நல்ல தகவல் கிடைக்கும். வெளிநாட்டில் உள்ள நல்ல நிறுவனங்களில் இருந்து உத்தியோகத்திற்கான அழைப்புகள் வரலாம். ஆடை, ஆபரண சேர்க்கை உண்டு. என்றைக்கோ கொடுத்த கடன் வசூலாகும். பணப்பழக்கம் அதிகரிக்கும். இந்த நேரத்தில் வீட்டிற்குத் தேவையான விலை உயர்ந்த பொருட்களை வாங்குவீர்கள். வருங்கால நலன் கருதி எடுத்த முயற்சிகளிலும் வெற்றி கிடைக்கும்.

ரிஷப - புதன்

வைகாசி 11-ந் தேதி, ரிஷப ராசிக்கு புதன் செல்கிறார். உங்கள் ராசிக்கு அதிபதியான புதன், தொழில் ஸ்தானாதி பதியாகவும் இருக்கிறார். அவர் பாக்கிய ஸ்தானத்தில் சூரியன் மற்றும் குருவோடு இணைவது யோகமான நேரம்தான். தொழில் வெற்றி நடைபோடும். தொல்லை தந்தவர்கள் உங்களை விட்டு விலகுவர். வெளிநாட்டில் உள்ள நல்ல நிறுவனங்களில் இருந்து, போதிய ஊதியம் தருவதாகச் சொல்லி அழைப்பார்கள். குடும்ப ஒற்றுமை பலப்படும். உதிரி வருமானங்கள் பெருகும். ஆடை, ஆபரண சேர்க்கை உண்டு. பஞ்சாயத்துக்கள் சாதகமாக முடியும் நேரம் இது.

மேஷ - செவ்வாய்

வைகாசி 18-ந் தேதி, மேஷ ராசிக்கு செவ்வாய் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் செவ்வாய். அவர் அஷ்டமத்தில் சஞ்சரிப்பது அவ்வளவு நல்லதல்ல. மனக் கவலை, பணக்கவலை இரண்டும் தொடரும். சில இழப்புகளை சந்திக்க நேரிடும். 'யாரையும் நம்பி எதையும் செய்ய முடியவில்லையே' என்று கவலைப்படுவீர்கள். எதையும் திட்டமிட்டு செய்ய இயலாத இந்த நேரத்தில், அதிகமான விழிப்புணர்ச்சி தேவைப்படும்.

மிதுன - புதன்

வைகாசி 27-ந் தேதி, மிதுன ராசிக்கு புதன் செல்கிறார். உங்கள் ராசிநாதன் தொழில் ஸ்தானத்தில் பலம்பெறும் இந்த நேரம் யோகமான நேரமாகும். பொருளாதாரம் மிகச்சிறப்பாக அமையும். புண்ணிய ஸ்தலங்களுக்கு சென்று வரும் யோகம் உண்டு. பிள்ளைகளின் கல்வி சம்பந்தமாகவும், கடல் தாண்டி சென்று வேலை பார்ப்பது சம்பந்தமாகவும் ஏதேனும் முயற்சி செய்தால் அது கைகூடும். புதிய ஒப்பந்தங்கள் வந்த வண்ணமாக இருக்கும். உத்தியோகத்தில் உள்ளவர்களுக்கு கேட்ட சலுகைகள் கிடைக்கும்.

மிதுன - சுக்ரன்

வைகாசி 31-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு தன - பாக்கியாதிபதியான சுக்ரன் தொழில் ஸ்தானத்தில் சஞ்சரிக்கும் போது, தனவரவு தாராளமாக வந்துகொண்டே இருக்கும். குடும்பத்தில் மங்கல ஓசை கேட்கும் வாய்ப்பு உண்டு. குலதெய்வ பிரார்த்தனைகளை நிறைவேற்றுவீர்கள். பெற்றோரை அனுசரித்துச் செல்வது நல்லது. உத்தியோகத்தில் உள்ளவர்களுக்கு உயர் பதவிகள் கிடைக்கலாம். தொழிலில் புதிய பங்குதாரர்கள் வந்திணையலாம்.

புதிய ஒப்பந்தங்களில் கையெழுத்திட்டு மகிழ்வீர்கள். பொதுவாழ்வில் உள்ளவர்களுக்கு முன்னேற்றப் பாதை தென்படும். வியாபாரம், தொழில் செய்பவர்கள் எதிர்பார்த்த இலக்கை அடைவர். உத்தியோகத்தில் உள்ளவர்களுக்கு தலைமை பதவிகள் தானாக வந்துசேரும். சக கலைஞர்களின் ஆதரவால், கலைஞர்கள் மகிழ்ச்சி கொள்வர். மாணவ - மாணவிகளுக்கு படிப்பில் முன்னேற்றம் ஏற்படும். குடும்பத்தில் சுபகாரியங்கள் நடை பெறுவதோடு, பெண்களின் பொருளாதார நிலையும் உயரும்.

பணத்தேவையைப் பூர்த்தி செய்யும் நாட்கள்:- மே: 14, 15, 21, 22, 26, 27, ஜூன்: 5, 6, 10, 11.

மகிழ்ச்சி தரும் வண்ணம்:- கரும் பச்சை.

பங்குனி மாத ராசிபலன்

நிதானத்துடன் செயல்பட்டு வெற்றியை நிலைநாட்டும் கன்னி ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் புதன் நீச்சம் பெற்று வலிமை இழந்து சஞ்சரிக்கிறார். இடையில் வக்ரமும் பெறுகிறார். எனவே தட்டுப்பாடும், தடுமாற்றமும் அதிகரிக்கும். குடும்பப்பிரச்சினை கொடிகட்டிப் பறக்கலாம். 'கடுமையாக முயற்சித்தும் காரியங்கள் முடியவில்லையே' என்று கவலைப்படுவீர்கள். உத்தியோகத்தில் உழைப்பிற்கேற்ற பலன் கிடைக்காது. 'ஊர் மாற்றம், இடமாற்றம் செய்யலமா?' என்று யோசிப்பீர்கள். நிதானம், பொறுமையுடன் செயல்பட்டால், நிகழ் காலத்தை வளமாக்கிக் கொள்ள இயலும்.

செவ்வாய் - சனி சேர்க்கை

மாதத்தின் முதல் நாளிலேயே கும்ப ராசிக்குச் செல்லும் செவ்வாய், மாதம் முழுவதும் அங்குள்ள சனியோடு இணைந்து சஞ்சரிக்கிறார். இந்த முரண்பாடான கிரக சேர்க்கையால், உத்தியோகம் மற்றும் தொழிலில் எதிர்பாராத மாற்றம் ஏற்படலாம். உடன்பிறப்புகள் வழியிலும், உறவுகளுக்குள்ளும் பிணக்குகள் ஏற்படும். ஒரு சிலருக்கு ஒரு கடனை அடைக்க மற்றொரு கடன் வாங்கும் சூழ்நிலை வரலாம்.

பணப் பற்றாக்குறையால் விலை உயர்ந்த பொருட்களை விற்க நேரிடும். தொழில் செய்பவர்கள் 'போதிய மூலதனம் இல்லையே' என்று கவலைப்படுவர். சொத்துக்கள் வாங்கும்போது பத்திரங்களை சரி பார்த்து வாங்குவது நல்லது. இதுபோன்ற காலங்களில் சனிக்கிழமை தோறும் விரதமிருந்து சனி கவசம் பாடி சனி பகவானை வழிபடுவதோடு, சஷ்டி விரதம் இருந்து முருகப்பெருமானையும் வழிபாடு செய்யுங்கள்.

புதன் வக்ரம்

மீனத்தில் நீச்சம் பெற்று சஞ்சரித்து வரும் புதன், பங்குனி 13-ந் தேதி வக்ரமும் அடைகிறார். உங்கள் ராசிநாதனாகவும், தொழில் ஸ்தானாதிபதியாகவும் விளங்கும் புதன் வலிமை இழக்கும்போது, எதிலும் கவனத்துடன் செயல்பட வேண்டியது அவசியம். உடல்நலத்தொல்லைகள் அதிகரித்து, உற்சாகம் குறையும். ஒவ்வொரு நாளும் புதிய புதிய பிரச்சினைகளை சந்திக்கக்கூடிய சூழல் உருவாகும். நல்ல காரியங்கள் நடைபெறுவதுபோல் நம்பிக்கை ஏற்பட்டு, திடீரென மாறுதல் நிகழலாம். எனவே இதுபோன்ற காலங்களில் அனுபவம் மிக்கவர்களின் ஆலோசனையும், ஆன்மிகப் பெரியோர்களின் வழிகாட்டுதலும் உங்களுக்கு கைகொடுக்கும்.

மீனம் - சுக்ரன்

பங்குனி 19-ந் தேதி, சுக்ரன் தன்னுடைய உச்ச வீடான மீன ராசிக்கு செல்கிறாா். அங்கு புதனோடு இணைந்து 'புத சுக்ர யோக'த்தை உருவாக்குகிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். தன - பாக்கியாதிபதியான சுக்ரன் உச்சம் பெறுவது யோகம்தான். இது ஒரு பொற்காலமாக அமையும். எதைத் தொட்டாலும் அதில் லாபம் கிடைக்கும். சொத்துக்களால் மேன்மை, சொந்தங்களால் நன்மை, உத்தியோகத்தில் உயர்வு, நடத்தும் தொழிலில் லாபம் நிகழும் நேரம் இது. இல்லத்தில் சுபநிகழ்வுகளும் நடைபெறும். ஆடை, ஆபரண சேர்க்கை உண்டு. வெளிநாட்டில் உள்ளள நல்ல நிறுவனங்களில் இருந்து பணிக்கான அழைப்புகள் வரலாம்.

பொதுவாழ்வில் உள்ளவர்கள், புதிய முயற்சிகளை யோசித்து செய்வது நல்லது. வியாபாரம், தொழில் செய்பவர்களுக்கு பூமி பிரச்சினையும், இடமாற்றமும் உருவாகலாம். உத்தியோகத்தில் உள்ளவர்களுக்கு, கேட்ட சலுகைகள் மறுக்கப்படலாம். கலைஞர்களுக்கு மாத கடைசியில் நல்ல வாய்ப்புகள் கிடைக்கும். மாணவ - மாணவிகளுக்கு ஆசிரியர்களின் வழிகாட்டுதல், நல்ல முன்னேற்றத்தை வழங்கும். பெண்களுக்கு மாதத்தின் பிற்பகுதியில் மகிழ்ச்சி அதிகரிக்கும். பொருளாதார நிலை திருப்தி தரும். சொத்துக்கள் வாங்கும் சூழ்நிலை உருவாகும்.

பணத்தேவையைப் பூர்த்தி செய்யும் நாட்கள்:-

மார்ச்: 16, 17, 20, 21, 27, 28, ஏப்ரல்: 1, 2, 12, 13.

மகிழ்ச்சி தரும் வண்ணம்:- கிரே.

மாசிமாத ராசிபலன்

ரகசியங்களை காப்பதில் வல்லவர்களான கன்னி ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியிலேயே கேதுவும், சப்தம ஸ்தானத்தில் ராகுவும் சஞ்சரிக்கிறார்கள். அஷ்டமத்தில் குருவும் வீற்றிருக்கிறார். எனவே எதையும் ஒரு முறைக்குப் பலமுறை யோசித்து செய்வது நல்லது. குடும்பச் சுமை அதிகரிக்கும். குடி இருக்கும் வீட்டாலும் பிரச்சினைகள் உருவாகலாம். சர்ப்ப சாந்தி பரிகாரங்களை மேற்கொள்வதோடு வியாழன் விரதமும், குரு வழிபாடும் உங்களுக்கு வெற்றிக் கனியை எட்டிப்பிடிக்க வழிவகுத்துக் கொடுக்கும்.

கும்பம் - புதன்

மாதத்தின் முதல் நாளிலேயே, கும்ப ராசிக்கு புதன் செல்கிறார். அங்குள்ள சூரியனோடு இணைந்து `புத ஆதித்ய யோக'த்தை உருவாக்குகிறார். எனவே எடுத்த புது முயற்சிகளில் வெற்றி கிடைக்கும். அதிகார பதவியில் உள்ளவர்களின் ஆதரவோடு நல்ல பலன்களை காண்பீர்கள். வருமானம் உயர வழிபிறக்கும். பொதுவாழ்வில் உள்ளவர்களுக்கு புதிய பொறுப்புகளும், பதவிகளும் வரலாம். உத்தியோகத்தில் பணி நீக்கம் செய்யப்பட்டவர்கள் மீண்டும் பணியில் சேரவாய்ப்பு உண்டு. பழைய வாகனத்தை கொடுத்துவிட்டு புதிய வாகனம் வாங்கும் முயற்சி கைகூடும்.

மகரம் - சுக்ரன்

மாதத்தின் தொடக்க நாளிலேயே, மகரத்திற்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் பூர்வ புண்ணிய ஸ்தானத்திற்கு வரும் இந்த நேரம் அற்புதமான நேரமாகும். பூர்வீக சொத்துப் பிரச்சினைகள் அகலும். புதிய திட்டங்களைத் தீட்டி வெற்றி காண்பீர்கள். பிள்ளைகளின் கல்யாண முயற்சி கைகூடும். கொடுக்கல்-வாங்கல் சீராகவும், சிறப்பாகவும் இருக்கும். வருமானம் உயரும்.

மீனம் - புதன்

மார்ச்-2-ந் தேதி, மீன ராசிக்குச் செல்லும் புதன், அங்கு நீச்சம் பெறுகிறார். உங்கள் ராசிநாதன் வலுவிழக்கும் இந்த நேரத்தில் மிகுந்த கவனத்தோடு செயல்பட வேண்டும். உங்கள் ராசிநாதன் மட்டுமல்லாமல் தொழில் ஸ்தானத்திற்கும் அதிபதியானவர் புதன். எனவே தொழில் வளர்ச்சியிலும் குறுக்கீடுகள் ஏற்படலாம். யாரையும் நம்பி செயல்பட இயலாது. கொடுக்கல்-வாங்கல்களில் ஒரு சிலருக்கு ஏமாற்றங்களை சந்திக்க நேரிடும். வியாபாரப் போட்டிகள் அதிகரிக்கும். உத்தியோகத்தில் உள்ளவர் களுக்கு மேலதிகாரிகளின் ஆதரவு குறையும். நட்பு வட்டத்தில் கூட நிதானமாகப் பழகுவது நல்லது. இதுபோன்ற நேரங்களில் குலதெய்வ வழிபாடுகளும், இஷ்ட தெய்வ வழிபாடுகளும் கைகொடுக்கும்.

கும்பம் - சுக்ரன்

மார்ச் 8-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் 6-ல் சஞ்சரிக்கும் இந்த நேரத்தில் தொழில், உத்தியோகத்தில் எதிர்பார்த்த மாற்றங்கள் கிடைக்கும். விலகிச்சென்ற நண்பர்கள் விரும்பி வந்து இணைவர். உத்தியோகத்தில் கூடுதலாக உழைக்க வேண்டிய சூழ்நிலை உருவாகும். கடன் சுமை குறைவது போல் தோன்றினாலும், ஒரு கடனை அடைக்க மற்றொரு கடன் வாங்கும் சூழ்நிலை ஏற்படலாம். பொதுவாழ்வில் உள்ளவர்களுக்கு புதிய பாதை புலப்படும்.

வியாபாரம், தொழில் செய்பவர்களுக்கு வேண்டிய உதவிகள் கிடைக்கும். உத்தியோகத்தில் உள்ளவர் களுக்கு நீண்ட தூரத்திற்கான இட மாறுதல் வரலாம். கலைஞர்களுக்கு மாதத்தின் பிற்பாதி மகிழ்ச்சி தரும். மாணவ, மாணவியர் களுக்கு கல்வியில் முன்னேற்றம் ஏற்படும். பெண்களுக்கு வாழ்க்கை துணையுடன் விட்டுக்கொடுத்து செல்ல வேண்டிய நேரமிது.

பணத்தேவையைப் பூர்த்தி செய்யும் நாட்கள்:-

பிப்ரவரி: 17, 18, 22, 23, 27,

மார்ச்: 1, 5, 6.

மகிழ்ச்சி தரும் வண்ணம்:- பச்சை.

தை மாத ராசிபலன்

உழைப்பும், உறுதியான மனமும் வேண்டும் என்று சொல்லும் கன்னி ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசியில் கேதுவும், 7-ம் இடத்தில் ராகுவும் சஞ்சரிக்கின்றார்கள். சர்ப்ப தோஷத்தின் பின்னணியில் இருக்கிறீர்கள். ஆயினும் 6-ம் இடத்தில் சனி இருப்பதால் அற்புதமான நேரமிது. கொடுக்கல்-வாங்கல்கள் ஒழுங்காகும். வளர்ச்சி கூடும். தேங்கிய காரியங்கள் சுறுசுறுப்பாக நடைபெறும். உத்தியோகம், தொழிலில் உயர்வும், முன்னேற்றமும் உண்டு. வருமானமும் திருப்திகரமாக இருக்கும்.

மேஷ-குருவின் சஞ்சாரம்!

மாதத் தொடக்கத்தில் உங்கள் ராசிக்கு அஷ்டமத்தில் குரு பகவான் சஞ்சரிக்கின்றார். அஷ்டமத்தில் குரு சஞ்சரிப்பதால் அலைச்சலுக்கேற்ற ஆதாயம் கிடைக்காது என்பார்கள். உழைப்பு கூடுதலாக இருந் தாலும், ஊதியம் குறைவாகவே இருக்கும். உடல் நிலைகளிலும் சிறுசிறு தொல்லைகள் ஏற்பட்டு மருத்துவச் செலவு களை அதிகரிக்கச் செய்யும். எனவே உற்சாகம் கொஞ்சம் குறையலாம். கொடுக்கல்-வாங்கல்களில் ஒரு தொகை செலவழிந்த பின்னரே அடுத்த தொகை உங்கள் கரங்களில் புரளும். வரவறிந்து செலவு செய்வது நல்லது. இதுபோன்ற நேரங்களில் குருவிற்குரிய சிறப்பு ஸ்தலங்களுக்குச் சென்று வழிபட்டால் தடைக்கற்கள் படிக்கற்களாக மாறும்.

தனுசு-சுக்ரன்!

ஜனவரி 19-ந் தேதி தனுசு ராசிக்கு சுக்ரன் செல்கின்றார். உங்கள் ராசிக்கு 2, 9 ஆகிய இடங்களுக்கு அதிபதி யானவர் சுக்ரன். அவர் சுக ஸ்தானத்தில் சஞ்சரிப்பது யோகம் தான். சொத்துகள் வாங்கும் யோகமும், சொத்துக் களால் ஆதாயமும் கிடைக்கும் நேரமிது. முன்னேற்றப் பாதையில் அடியெடுத்து வைக்க முக்கியப் புள்ளிகள் உதவிகரமாக இருப்பார்கள். தாய்வழி ஆதரவு திருப்தி தரும். செல்வாக்கு பெற்ற நண்பர்கள் மூலம் உங்கள் செயல்பாடுகளில் இருந்த தடைகளை அகற்றிக் கொள்வீர்கள்.

மகர-புதன்!

ஜனவரி 27-ந் தேதி மகர ராசிக்கு புதன் வருகின்றார். உங்கள் ராசிநாதன் பூர்வ புண்ணிய ஸ்தானத்திற்கு வரும் இந்த நேரம் நல்லநேரம் தான். பூர்வ புண்ணியத்தின் பலனாக உங்களுக்குக் கிடைக்க வேண்டிய யோகங்கள் அனைத்தும் கிடைக்கும். `புத ஆதித்ய யோக'மும் ஏற்படுவதால் பொருளாதாரத்தில் நிறைவு ஏற்படும். பொதுவாழ்வில் இருப்பவர்களுக்கு நல்ல பொறுப்புகள் கிடைக்கும். கவுரவம், அந்தஸ்து உயரும். கடமையில் கண்ணும், கருத்துமாக செயல்பட்டுப் புகழ் குவிப்பீர்கள். வெளிநாட்டு முயற்சியில் இருந்த தடைகள் அகலும். கல்யாண முயற்சி கைகூடலாம்.

மகர-செவ்வாய் சஞ்சாரம்!

பிப்ரவரி மாதம் 4-ந் தேதி மகர ராசிக்குச் செவ்வாய் செல்கின்றார். மகரம் செவ்வாய்க்கு உச்ச வீடாகும். உங்கள் ராசிக்கு 3, 8 ஆகிய இடங்களுக்கு அதிபதியானவர் செவ்வாய். அவர் உச்சம் பெறுவது அவ்வளவு நல்லதல்ல. ஆரோக்கியத் தொல்லைகள் கொஞ்சம் அதிகரிக்கும். மருத்துவச் செலவுகள் கூடும். வாங்கிய சொத்துகளை விற்க நேரிடலாம். வருமானப் பற்றாக்குறை ஏற்படும். உத்தியோகத்தில் சகப் பணியாளர்களால் தொல்லை உண்டு. உங்கள் முன்னேற்றத்தைப் பற்றி மற்றவர்களிடம் விவரிக்க வேண்டாம்.

பொதுவாழ்வில் உள்ளவர்களுக்கு வெற்றிப்பாதையை நோக்கிச் செல்ல வழிபிறக்கும். வியாபாரம், தொழில் செய்பவர்களுக்கு நல்ல லாபம் கிடைக்கும். உத்தியோகஸ்தர்களுக்கு மேலதிகாரிகளின் ஆதரவு திருப்தி தரும். கலைஞர்களுக்கு உங்கள் திறமையை வெளிப்படுத்த சந்தர்ப்பங்கள் கைகூடி வரும். மாணவ-மாணவியர் களுக்கு பெற்றோர், ஆசிரியர்களின் ஆதரவு உண்டு. பெண்களுக்கு குடும்ப முன்னேற்றம் கூடும். தம்பதியர் களுக்குள் பாசமும், நேசமும் அதிகரிக்கும்.

பணத்தேவையைப் பூர்த்தி செய்யும் நாட்கள்:-

ஜனவரி: 20, 21, 27, 28, பிப்ரவரி: 2, 3, 6, 7, 8.

மகிழ்ச்சி தரும் வண்ணம்:- கிரே.

மார்கழி மாத ராசிபலன்

நிதானமாக செயல்பட்டு வெற்றி காணும் கன்னி ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன் வெற்றிகள் ஸ்தானத்தில் வீற்றிருப்பது யோகம் தான். பொருளாதார நிலை உயரும். புதிய முயற்சிகளில் வெற்றி கிடைக்கும். அருள்தரும் தெய்வங்களின் ஆலயங்களை நோக்கி அடியெடுத்து வைப்பீர்கள். ஜென்மத்தில் கேதுவும், 7-ல் ராகுவும் இருப்பதால் நாக கிரகங்களின் ஆதிக்கம் மேலோங்கி இருக்கிறது. எனவே இடைஇடையே கொஞ்சம் மனக்குழப்பங்கள் அதிகரிக்கலாம். சர்ப்ப சாந்தி வழிபாடுகளை மேற்கொள்வது நல்லது. நேர்மறை சொற்களை பேசுவதன் மூலம் நன்மைகளை வரவழைத்துக் கொள்ள இயலும்.

கும்ப ராசியில் சனி

மகர ராசியில் சஞ்சரித்து வந்த சனி பகவான் மார்கழி 4-ந் தேதி கும்ப ராசிக்கு செல்கின்றார். வாக்கிய கணித ரீதியாக நடைபெறும் இந்த சனிப்பெயர்ச்சி ஜீவன ஸ்தானத்தை பலப்படுத்துவதால் எதிர்பார்ப்புகள் நிறைவேறும். இயல்பாகவே பொருளாதார நிலை உயரும். கடன் சுமை குறைய புதிய வழிபிறக்கும். கடந்த காலத்தில் நடைபெறாமல் இருந்த பல காரியங்கள் இப்பொழுது கைகூடும். உத்தியோகத்தில் பணியிட மாற்றமும், பதவி உயர்வும் உண்டு. சுயதொழில் செய்பவர்கள் புதிய கூட்டாளிகளுடன் கிளை தொழில் தொடங்கும் முயற்சி வெற்றிகரமாக முடியும்.

விருச்சிக-சுக்ரன்

மார்கழி 9-ந் தேதி விருச்சிக ராசிக்கு சுக்ரன்செல்கிறார். உங்கள் ராசிக்கு 2, 9-க்கு அதிபதியானவர் சுக்ரன். அவர் சகாய ஸ்தானத்தில் சஞ்சரிக்கும் பொழுது தனவரவு தாராளமாக வந்து சேரும். வீடு, இடம் வாங்கும் யோகம் உண்டு. பூர்வீக இடத்தை விற்று விட்டு புதிய சொத்துக்கள் வாங்கலாமா? என்று யோசிப்பீர்கள். பெற்றோரின் ஆதரவு திருப்தி தரும். பிள்ளைகளின் முன்னேற்றம் கண்டு மகிழ்ச்சி அடைவீர்கள். தொழில் நடத்துபவர்களுக்கு புதிய ஒப்பந்தங்கள் கிடைக்கும்.

தனுசு-செவ்வாய்

தனுசு ராசிக்கு மார்கழி 11-ந் தேதி செவ்வாய் பெயர்ச்சியாகி செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் செவ்வாய். அஷ்டமாதிபதி 4-ல் சஞ்சரிக்கும் பொழுது வசதி வாய்ப்புகளை பெருக்கிக்கொள்ள அதிகம் செலவிடுவீர்கள். உடல்நலக் குறைபாடும் மருத்துவ செலவும் உண்டு. உள்ளத்தில் நினைத்ததை உடனடியாக செய்ய இயலாது. சொத்து விற்பனையில் பிரச்சினைகள் ஏற்படும். சகோதர வழியில் நடைபெறும் சுபநிகழ்வுகளுக்கு நீங்கள் கொடுத்து உதவும் வாய்ப்பு உண்டு.

தனுசு-புதன்

மார்கழி 23-ந் தேதி தனுசு ராசிக்கு புதன் செல்கிறார். உங்கள் ராசிநாதனாகவும், 10-ம் இடத்திற்கு அதிபதியாகவும் விளங்குபவர் புதன். அவர் சூரியனோடு இணைந்து புத-ஆதித்ய யோகத்தை உருவாக்குகிறார். எனவே பொன், பொருள் சேர்க்கை உண்டு. பொருளாதார நிலை உயரும். கடமையை செவ்வனே செய்து வெற்றி காண்பீர்கள். தங்கம், வெள்ளி போன்றவை வாங்க வழிபிறக்கும். தாய்வழி ஆதரவும் கிடைக்கும். ஒப்பந்தங்கள் அடுக்கடுக்காக வந்து சேரும்.

பொது வாழ்வில் உள்ளவர்களுக்கு புதிய முயற்சிகளில் வெற்றி கிடைக்கும். வியாபாரம், தொழில் செய்பவர்களுக்கு கூடுதல் லாபம் வரும். உத்தியோகத்தில் உள்ளவர்களுக்கு உயர் அதிகாரிகளின் பாராட்டு கிடைக்கும். கலைஞர்களுக்கு புதிய வாய்ப்புகள் வந்து சேரும்.

மாணவ-மாணவியர்களுக்கு கல்வியில் முன்னேற்றம் ஏற்படும். பெண்களுக்கு அக்கம் பக்கத்தில் உள்ளவர்களின் ஆதரவு கிடைக்கும். பிள்ளைகளின் திருமண முயற்சியில் இருந்த தடை அகலும்.

பணத்தேவையை பூர்த்தி செய்யும் நாட்கள்:-

டிசம்பர்: 24, 25, 29, 30,

ஜனவரி: 5, 6, 10, 11.

மகிழ்ச்சிதரும் வண்ணம்:- ஆரஞ்சு.

கார்த்திகை மாத ராசிபலன்

தன்னை சார்ந்தவர்களும் சந்தோஷமாக இருக்க விரும்பும் கன்னி ராசி நேயர்களே!

கார்த்திகை மாத கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் புதன் சகாய ஸ்தானத்தில் விரயாதிபதி சூரியனோடும், தைரியகாரகன் செவ்வாயோடும் இணைந்து சஞ்சரிக்கின்றார். எனவே தைரியத்தோடும், தன்னம்பிக்கையோடும் செயல்படுவீர்கள். தனவரவு திருப்திகரமாக இருந்தாலும் விரயங்கள் அதிகரிக்கும். இடம், பூமி விற்பனைகள், உத்தியோக மாற்றங்கள் போன்றவைகள் நிகழலாம். ஜென்ம கேதுவும், ஏழில் ராகுவும் இருப்பதால் பிரச்சினைகள் அகல வழிபாடுகள் தேவை.

வக்ர குருவின் ஆதிக்கம்

மாதம் முழுவதுமே மேஷ ராசியில் குரு பகவான் வக்ர இயக்கத்தில் இருக்கின்றார். உங்கள் ராசிக்கு 4, 7 ஆகிய இடங்களுக்கு அதிபதியானவர் குரு. எனவே அவர் வக்ரம் பெறுவது யோகம்தான். பெற்றோர் வழி ஆதரவு திருப்தி தரும். விலகிச் சென்றவர்கள் விரும்பி வந்து சேருவர். ஆரோக்கியம் சீராகும். வாரிசுகளுடன் ஏற்பட்ட வாக்குவாதங்கள் அகலும். அஞ்சல் வழியிலும், அலைபேசி வழியிலும் நல்ல தகவல் கிடைக்கும். வருமானம் போதுமானதாக இருக்கும். புதிய ஒப்பந்தங்களில் கையெழுத்திடும் வாய்ப்பு உண்டு.

துலாம்-சுக்ரன்

உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். தன பாக்கியாதிபதியானவர் மாதத் தொடக்கத்தில் நீச்சம் பெற்றுச் சஞ்சரிக்கின்றார். எனவே பொருளாதாரத்தில் ஒருசில சமயம் நெருக்கடிகள் அதிகரிக்கும். ஒரு கடனை அடைக்க மற்றொரு கடனை வாங்கும் சூழ்நிலை ஏற்படும். ஆயினும் கார்த்திகை 14-ம் தேதி துலாம் ராசிக்கு சுக்ரன் வருகின்றார். எனவே எல்லா வழிகளிலும் நன்மை கிடைக்கப்போகின்றது. குறிப்பாகத் தொழில் வளம் மேலோங்கும். தொல்லை தந்த எதிரிகள் விலகுவர். உத்தியோகத்தில் உங்கள் கருத்துக்களை மேலதிகாரிகள் ஏற்றுக்கொள்வர். ஆடை, ஆபரண சேர்க்கை உண்டு.

தனுசு-புதன்

உங்கள் ராசிக்கு அதிபதியாகவும், தொழில் ஸ்தானாதிபதியாகவும் விளங்குபவர் புதன். அவர் கார்த்திகை 14-ம் தேதி நான்காமிடத்திற்கு வருவது யோகம்தான். சுகங்களும், சந்தோஷங்களும் அதிகரிக்கும். உதாசீனப்படுத்திய உறவினர்கள் ஓடி வந்து இணைவர். வாகனம் வாங்கும் முயற்சி கைகூடும். புதிய தொழில் தொடங்குவது பற்றிச் சிந்திப்பீர்கள். தாய், தந்தையர்களின் ஒத்துழைப்போடு பாகப்பிரிவினைகள் சுமூகமாக முடியும். வீடு, இடம் வாங்கும் யோகம் உண்டு. உத்தியோகத்தில் உயர் அதிகாரிகளின் ஆதரவு திருப்தி தரும்.

ஐப்பசி மாத ராசிபலன்

18.10.2023 முதல் 16.11.2023 வரை

அமைதியாக இருந்து அரிய பணிகளைச் செய்யும் கன்னி ராசி நேயர்களே!

ஐப்பசி மாத கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் புதன் தன ஸ்தானத்தில் சஞ்சரிக்கின்றார். அவரோடு விரயாதிபதி சூரியனும், சகாய ஸ்தானாதிபதி செவ்வாயும் சஞ்சரிக்கின்றார். எனவே பொருளாதார நிலை திருப்திகரமாக இருந்தாலும் விரயங்கள் கூடுதலாகவே இருக்கும். வீடு மாற்றங்களும், இட மாற்றங்களும் கூட வரலாம். வேலைப்பளுவின் காரணமாக புதிய உத்தியோகத்திற்கான வாய்ப்பைத் தேடிச்செல்லும் சூழ்நிலை உண்டு. சர்ப்ப சாந்திப் பரிகாரங்கள் நிலைமையைச் சீராக்கும்.

சனி வக்ர நிவர்த்தி!

ஐப்பசி 6-ந் தேதி மகர ராசியில் சஞ்சரிக்கும் சனி வக்ர நிவர்த்தியாகின்றார். உங்கள் ராசிக்கு பூர்வ புண்ணிய ஸ்தானத்தில் சஞ்சரிக்கும் சனி வக்ர நிவர்த்தியாவது யோகம் தான். எதை எந்த நேரத்தில் செய்ய நினைத்தீர்களோ, அதை அந்த நேரத்தில் செய்ய இயலும். இல்லத்தில் நல்ல சம்பவங்கள் நிறைய நடைபெறும். பிள்ளைகளின் கல்யாணக் கனவுகளை நனவாக்குவீர்கள். பிரச்சினைகள் படிப்படியாகக் குறையும். பூர்வீகச் சொத்துக்களில் உங்களுக்குரிய பங்கு கிடைப்பதற்கான வழிபிறக்கும். அண்ணன்-தம்பிகளுக்குள் இருந்த அரசல் புரசல்கள் மாறும். தொழிலில் புதிய ஒப்பந்தங்கள் அடுக்கடுக்காக வரலாம். சனிக்குரிய வழிபாடுகளைச் செய்வதோடு அதற்குரிய சிறப்பு தலங்களுக்கும் சென்று அனுகூலம் தரும் நாளில் வழிபட்டு வந்தால் மகிழ்ச்சி நிலைக்கும்.

குரு வக்ரம்!

மாதம் முழுவதும் குரு பகவான் மேஷ ராசியிலேயே வக்ரம் பெற்று சஞ்சரிக்கின்றார். இது நன்மை தான். கேந்திராதிபத்ய தோஷம் பெற்ற கிரகம் வக்ரம் பெறும் பொழுது நல்ல சந்தர்ப்பங்கள் தேடி வரும். குறிப்பாக தாய்வழி ஆதரவு கிடைக்கும். இடம், பூமி வாங்கும் யோகம் உண்டு. மண விழா, மணி விழா போன்ற விழாக்கள் மட்டும் அல்லாமல் கிரகப்பிரவேசம் மற்றும் கடைதிறப்பு விழாக்கள் கூட நடைபெறலாம். வெளிநாட்டிலிருந்து நல்ல தகவல் கிடைக்கும்.

நீச்சம் பெறும் சுக்ரன்!

ஐப்பசி 16-ந் தேதி கன்னி ராசிக்கு சுக்ரன் வருகின்றார். உங்கள் ராசிக்கு 2, 9 ஆகிய இடங்களுக்கு அதிபதியானவர் சுக்ரன். அவர் நீச்சம் பெறுவது அவ்வளவு நல்லதல்ல. பண நெருக்கடி அதிகரிக்கும். பாசம் காட்டியவர்கள் உங்களை விட்டு விலகலாம். பக்கபலமாக இருப்பவர்களை அனுசரித்துக் கொள்வது நல்லது. குடும்ப ஒற்றுமை குறையலாம். வீண் வாக்குவாதங்களைத் தவிர்க்கவும். பிள்ளைகள் உங்கள் குணமறிந்து நடந்து கொள்வார்களா? என்பது சந்தேகம் தான்.

விருச்சிக புதன்!

ஐப்பசி 17-ந் தேதி விருச்சிக ராசிக்கு புதன் வருகின்றார். உங்கள் ராசிநாதன் சகாய ஸ்தானத்தில் உலா வரும் இந்த நேரம் எண்ணங்கள் ஈடேறும். வெற்றி வாய்ப்புகள் வீடு தேடி வரும். வீடு மாற்றங்கள், இட மாற்றங்கள் உறுதியாகலாம். கல்விக்காக எடுத்த முயற்சி கைகூடும். கடல் தாண்டிச்சென்று வெளிநாட்டில் மேற்படிப்பு படிக்க வேண்டும் என்று விரும்பும் பிள்ளைகளுக்கு நீங்கள் எடுத்த முயற்சி கைகூடும்.

பொதுவாழ்வில் உள்ளவர்களுக்கு மிகுந்த கவனம் தேவை. தொழில் வியாபாரம் செய்பவர்களுக்கு நல்ல வருமானம் கிடைக்கும். உத்தியோகத்தில் உள்ளவர்களுக்கு இட மாற்றங்கள் எளிதில் கிடைக்கும். கலைஞர்களுக்கு முயற்சிகளில் வெற்றி உண்டு. மாணவ- மாணவியர்களுக்கு கல்வி விருத்தி ஏற்படும். பெண்களுக்கு சுபச்செலவுகள் அதிகரிக்கும். தொடர்கதையாய் வந்த கடன் சுமை குறையும். இட மாற்றங்கள் இனிமை தரும்.

பணத்தேவையைப் பூர்த்தி செய்யும் நாட்கள்: அக்டோபர் 20, 21, 31, நவம்பர் 1, 2, 4, 5, 11, 12.

மகிழ்ச்சி தரும் வண்ணம்: கிரே.