கிசுகிசு

தற்போது நடிகையிடம் ஒரு படக்குழுவினர் அணுகி தங்களுடைய படத்தில் இடம் பெறும் ஒரு பாடலுக்கு நடனம் ஆடும் படி கேட்டார்களாம். நடிகை கதை கேட்டு பாடலுக்கு நடனம் ஆட ஓகே சொல்லி விட்டாராம். மேலும் சம்பளமாக ஒரு கோடி கேட்டு படக்குழுவினருக்கு அதிர்ச்சி கொடுத்து இருக்கிறாராம்.

நடிகை, கதை கேட்கிறேன் என்று சொல்லி, படக்குழுவினரை அலைய வைத்து வருகிறாராம். காமெடி நடிகருடன் ஜோடி என்பதால் நடிக்க மறுத்து வருவதாக பலரும் பேசி வருகிறார்களாம் 

தமிழ், தெலுங்கு, இந்தி மொழி படங்களில் நடித்து பிரபமான நடிகை, கடைசியாக தமிழில் சங்க தலைவர் நடிகருடன் சேர்ந்து நடித்து இருந்தாராம். இந்த படம் எதிர்பார்த்த அளவிற்கு ஓட வில்லையாம். அதன்பின் தெலுங்கு பக்கம் கவனம் செலுத்திய நடிகை, கொரோனா பாதிக்கப்பட்டு வீட்டில் இருந்து உடை எடை கூடியதாம்.

உடல் நிலை சரியான நிலையில், கடுமையான உடற்பயிற்சி செய்து உடல் தோற்றத்தை மெருகேற்றி வருகிறாராம். ஆனால், நடிகை பல பட வாய்ப்புகளை இழந்து இருக்கிறாராம். பலரிடம் பட வாய்ப்பு கேட்டும் கொடுக்க மறுக்கிறார்களாம். இதனால், நடிகை மன அழுத்தத்தில் இருக்கிறாராம்.

தமிழ் சினிமாவில் முன்னணி நடிகையாக இருக்கும் பெரிய நம்பர் நடிகை, அதிக சம்பளம் வாங்கும் நடிகைகளின் பட்டியலில் முதலிடத்தில் இருக்கிறாராம். தற்போது நடிகை, பாலிவுட் படத்தில் கிங்கான நடிகருக்கு ஜோடியாக நடித்து வருகிறாராம்.

இந்த படத்துக்கு நடிகை, தான் வாங்கும் ரூ.5 கோடியில் இருந்து ரூ.10 கோடிக்கு மேல் உயர்த்தி இருக்கிறாரம். ஏனென்றால் பெரிய பட்ஜெட், பெரிய நடிகர், பெரிய படம் என்று சொல்லி அதிக சம்பளம் கேட்டு இருக்கிறாராம். நடிகையின் சம்பளத்தை கேட்ட பாலிவுட் நடிகைகள், அவர் மீது பொறாமைப்பட்டு வருகிறார்களாம்.

நான்கெழுத்து பெயர் கொண்ட வாரிசு நடிகர் ஒருவரின் மார்க்கெட் அதலபாதாளத்தில் விழுந்து கிடப்பதால், தன் புதிய படங்களில் முன்னணி நடிகையருடன் நடித்தாவது, தனது மார்க்கெட்டை உயர்த்தி விடலாம் என, சில மேல்தட்டு நடிகையருடன் பேச்சுவார்த்தை நடத்தினாராம். 

அப்போது தன்னை விட தயாரிப்பாளர்களிடத்தில் கூடுதல் சம்பளம் வாங்கி தருவதாக, நடிகைகளிடம் அவர் உத்தரவாதம் கொடுத்தாராம். இருந்தாலும் அதற்கு எந்த நடிகையும் உடன்படவில்லையாம். “மார்க்கெட் இல்லாத உங்களுடன் நடித்து, எங்களது மார்க்கெட்டை இழக்க தயாராக இல்லை” என்று சொல்லி நடிகைகள் நழுவிவிட்டார்களாம்.

தமிழ் சினிமாவில் இளம் நடிகராக வலம் வருபவர், ஒரு சில நல்ல படங்களில் நடித்து மிகவும் பிரபலமானாராம். அந்த படங்கள் வெற்றி பெற்றதால், தான் ஒரு பெரிய நடிகராக வளர்ந்து விட்டோம் என்று நினைக்க தொடங்கி விட்டாராம். மேலும் முன்னணி நடிகர் ஒருவருடன் இணைந்து நடித்து விட்டதால், ரொம்ப பந்தா காட்ட ஆரம்பித்துவிட்டாராம்.

இந்நிலையில், நடிகரை தொடர்பு கொண்டு இயக்குனர்கள் தங்களுடைய கதைகளில் நடிக்க கேட்டால், அவர்களை உதாசீனம் படுத்துகிறாராம். கதை கேட்கிறேன் என்று சொல்லிவிட்டு, மீண்டும் அவர்கள் போனில் அழைத்தால், அழைப்புகளை எடுப்பதில்லையாம். நடிகரின் இந்த செயலைக் கண்டு பலரும் புலம்பி வருகிறார்களாம்.

இரண்டு பெயர்களை கொண்ட முன்னணி நடிகை ஒருவர், திருமணத்துக்கு பின்னரும் சினிமாவில் பிசியாக நடித்து வந்தாராம். தற்போது அந்த நடிகை சினிமாவுக்கு முழுக்கு போட உள்ளாராம். ஏனெனில் அந்த நடிகை கர்ப்பமாக உள்ளாராம். 

இதன் காரணமாக புதிதாக கதை சொல்ல வரும் இயக்குனர்களிடம் அவர் கதை கேட்பதில்லையாம். குழந்தை பிறந்ததற்கு பிறகும் அவர் சினிமாவில் நடிப்பது சந்தேகம் தான் என திரையுலக வட்டாரத்தில் பேச்சு அடிபடுகிறது.

தற்போது நடிகருக்கு பட வாய்ப்புகள் குவிய ஆரம்பித்து விட்டதாம். ஆனால், நடிகரோ இப்போவே மேனேஜர் உதவியாளர் இன்று நான்கைந்து பேரை வைத்திருக்கிறாராம். அவரது நம்பருக்கு போன் செய்தால் எடுப்பதில்லையாம். இதை கேட்டவர்கள் இப்போவே இவ்வளவு கெத்து ஆகாது என்று கூறுகிறார்களாம். 

அவருக்கு ஜோடியாக இளம் நடிகையை படக்குழுவினர் நடிக்க வைத்திருக்கிறார்களாம். இதை அறிந்த நடிகை நடிகருக்கு போன் செய்து அந்த நடிகையுடன் நடிக்க வேண்டாம் என்று கூறினாராம். ஏனென்றால் இரண்டு நடிகைகளுக்கும் ஏற்கனவே சண்டை இருக்கிறதாம். இதனால்தான் நடிகருக்கு தடை போட்டாராம். ஆனால் நடிகரோ இதை கண்டுகொள்ளாமல் விட்டு விட்டாராம். 

கோலிவுட்டில் பிரபலமான இயக்குனர் ஒருவர் தற்போது அக்கட தேசத்தை சேர்ந்த வாரிசு நடிகர் ஒருவருடன் கூட்டணி அமைத்துள்ளாராம். தனது படத்தில் நடிக்க வந்த பிறகு படப்பிடிப்பு முடியும்வரை வேறு எந்த படத்திலும் நடிக்கக்கூடாது என்று வாரிசு நடிகருக்கு அந்த இயக்குனர் கண்டிஷன் போட்டுள்ளாராம்.

இயக்குனரின் இந்த திடீர் கண்டிஷனால், புதிதாக தான் நடிக்கயிருந்த வேறொரு படத்தை அந்த வாரிசு நடிகர் தள்ளி வைப்பதாக அறிவித்துவிட்டாராம். நடிகரின் இந்த அறிவிப்பால் அதிருப்தி அடைந்த அந்த புதிய பட தயாரிப்பாளர், அவருக்கு பதில் வேறு நடிகரை நடிக்க வைக்கும் முயற்சியில் இறங்கி உள்ளாராம்.

தமிழ் சினிமாவில் முன்னணி நடிகையாக இருந்தவர், ஹீரோக்களுடன் ஜோடி சேர்ந்து நடிப்பதை தவிர்த்து கதாநாயகிக்கு முக்கியத்துவம் உள்ள படங்களில் நடித்து வந்தாராம். அதன்பின் உடல் எடை கூடியதால், பட வாய்ப்புகள் கிடைக்காமல் இருந்தாராம். உடை எடையை குறைக்க பெரிய முயற்சி செய்தும் பெரியதாக பலன் அளிக்கவில்லையாம்.

திருமணம் செய்துக் கொள்ளலாம் என்று நினைத்தால், தனக்கேற்றவரை ரொம்ப நாட்களாக தேடியும் இன்னும் கிடைக்கவில்லையாம். இந்த நிலையில் மீண்டும் பட வாய்ப்பை பிடிக்க சர்ச்சையான ஒரு கதையை தேர்வு செய்து இருக்கிறாராம். நெகட்டிவ்வாக அமைந்தாலும், எல்லோரிடமும் தன்னை பற்றி பேசுவார்கள் என்று இப்படி திட்டம் போட்டு இருக்கிறாராம் நடிகை.

மூன்றெழுத்து நடிகர் ஒருவர், சமீபத்தில் நடித்த படங்கள் தொடர்ச்சியாக தோல்வி அடைந்ததன் காரணமாக, அடுத்த படங்களில் பிரபல நடிகைகளை நடிக்க வைத்தாவது வெற்றியடைய வைத்துவிட வேண்டும் என திட்டமிட்டுள்ளாராம். அதுவும் அந்த நடிகைகளுக்கு சில கண்டிஷன்களையும் போடுகிறாராம்.

அது என்னவென்றால், பாடல் காட்சிகளில் டூ-பீஸ் உடைகளில் நடிக்க வேண்டும், லிப்லாக் காட்சிகளில் நடிக்க தயங்கக் கூடாது என அடுக்கடுக்கான கண்டிஷன்களை போடுகிறாராம். மேலும் அந்த நடிகைகள் சம்பளம் எவ்வளவு கேட்டாலும் கொடுக்க தயார் என்று அதிரடி ஆபர்களையும் வழங்கி வருகிறாராம்.