ஜோதிடம்

March : வேகம் மற்றும் விவேகத்தோடு செயல்பட்டு வெற்றி காணும் மேஷ ராசி நேயர்களே.

13.2.2022 முதல் 14.3.2022 வரை

வேகம் மற்றும் விவேகத்தோடு செயல்பட்டு வெற்றி காணும் மேஷ ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் செவ்வாய் 9-ம் இடத்தில் தனாதிபதி சுக்ரனோடு கூடிஇருக்கிறார். எனவே தொழில் வளம் சிறப்பாக இருக்கும்.

ராகு-கேது ஆதிக்கம்

உங்கள் ராசிக்கு 2-ம் இடத்தில் ராகுவும், 8-ம் இடத்தில் கேதுவும் சஞ்சரிக்கிறார்கள். ராகுவின் சஞ்சாரத்தால் தனவரவு தாராளமாக வந்து சேரும். அதே நேரம் குடும்பப் பிரச்சினை அதிகரிக்கும். கோபத்தால், உறவினர்களை பகைத்துக் கொள்ள நேரிடும். உழைப்பு அதிகம் தேவைப்படும். அஷ்டமத்தில் கேது இருப்பதால் அடிக்கடி ஆரோக்கியத் தொல்லை ஏற்படும். பயணங்களில் அடிக்கடி மாற்றம் வரலாம். சுபவிரயங்களை மேற்கொள்வதன் மூலம் வீண் விரயங்களில் இருந்து விடுபடலாம்.

மகர - சுக்ரன் சஞ்சாரம்

மாசி மாதம் 14-ந் தேதி, மகர ராசிக்கு சுக்ரன் செல்கிறார். மகர சுக்ரனால் நிகரற்ற வாழ்வு உங்களுக்கு வரப்போகிறது. காரணம் தன, சப்தமாதிபதியாக விளங்குபவர் சுக்ரன். அவர் தொழில் ஸ்தானத்தில் சஞ்சரிக்கும் இந்த நேரத்தில், தொழிலில் முன்னேற்றம் ஏற்படும். புதிய பங்குதாரர்கள் வந்து இணைவார்கள். பொருளாதாரநிலை உயரும். வாடகைக் கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்றும் எண்ணம் கைகூடும். வரன்கள் பார்த்துக் கொண்டிருந்தால், அது சுமுகமாக முடியும்.

உச்ச செவ்வாய் சஞ்சாரம்

உங்கள் ராசிநாதன் செவ்வாய், மாசி 14-ந் தேதி மகர ராசிக்குச் செல்கிறார். அங்கு அவர் உச்சம் பெறுவதால், மிகுந்த யோகம் வரப்போகிறது. உடல்நலம் சீராகும். இருப்பினும் அங்குள்ள சனியோடு செவ்வாய் சேர்வது சில தாக்கத்தையும் ஏற்படுத்தலாம். எனவே முடிந்த அளவு கவனத்தோடு செயல்படுங்கள். தொழில் பங்குதாரர்களால் தொல்லை உண்டு. புதிய ஒப்பந்தங்கள் வந்தால் அதை ஏற்றுக்கொள்ள இயலாத சூழ்நிலை உருவாகும். தைரியமும், தன்னம்பிக்கையையும் தேவைப்படும் நேரம் இது.

கும்ப - புதன் சஞ்சாரம்

உங்கள் ராசிக்கு 3, 6 ஆகிய இடங்களுக்கு அதிபதியானவர் புதன். சகோதர, சகாய ஸ்தானம் மற்றும் ஜீவன ஸ்தானத்திற்கும் அதிபதியான புதன், மாசி 17-ந் தேதி உங்கள் ராசிக்கு லாப ஸ்தானத்திற்கு வருகிறார். உத்தியோக முன்னேற்றம், ஊதிய உயர்வு கிடைக்கலாம். நல்ல நிறுவனங்களில் இருந்து கூடுதல் சம்பளத்துடன் அழைப்புகள் வரலாம். கும்ப ராசியில் உள்ள சூரியன், குருவோடு இணைவதால் அரசுவழி ஆதாயம் உண்டு. அரசாங்க வேலைக்காக முயற்சி செய்து விண்ணப்பித்தவர்களுக்கு அதுவும் கிடைக்கலாம்.

இம்மாதம் அஷ்டமத்து கேது இருப்பதால், வெள்ளிக்கிழமை தோறும் விநாயகப்பெருமானை வழிபடுவது நல்லது.

பணத்தேவையைப் பூர்த்தி செய்யும் நாட்கள்:- பிப்ரவரி: 15, 16, 26, 27, மார்ச்: 2, 3, 10, 11, 14மகிழ்ச்சி தரும் வண்ணம்:- மஞ்சள்.

பெண்களுக்கான பலன்கள்

பொருளாதாரத்தில் நிறைவு ஏற்படும் மாதம் இது. கணவன் - மனைவிக்குள் பாசமும், நேசமும் அதிகரிக்கும். உங்கள் ராசிநாதன் செவ்வாய் உச்சம் பெறுவதால், நினைத்த காரியத்தை நினைத்த நேரத்தில் செய்து முடிப்பீர்கள். வீடு வாங்கும் யோகம் உண்டு. படித்து முடித்த பிள்ளைகளுக்கு உத்தியோகமும், உயர்பதவிகளும் கிடைக்கும். பணிபுரியும் பெண்களுக்கு கேட்ட சலுகைகள் கிடைக்கும் வாய்ப்பு உண்டு.

12th Mar - 14th Mar: திருப்பங்கள் நிறைந்த வாரம்.

14-03-2022 முதல் 20-03-2022 வரை

திருப்பங்கள் நிறைந்த வாரம். ராசி அதிபதி செவ்வாய் உச்சம் பெற்று சனியுடன் இணைந்து தன் வீட்டைத் தானே பார்ப்பதால் சொத்து வாங்குவது மற்றும் விற்பது தொடர்பான முக்கிய முடிவு களை எடுக்க நல்ல நேரம். 5-ம் அதிபதி சூரியன் 12-ல் மறைவு பெற்றதால் தொழில் மற்றும் உத்தியோகத்திற்காக பூர்வீகத்தை விட்டு வெளியேறலாம். சிலர் வெளிநாட்டு வேலைக்குச் செல்லலாம்.

வேலை இழந்தவர்களுக்கு நல்ல வேலை கிடைக் கும். தொழிலில் போட்டி, பொறாமை மிகுதியாகும். பணவரவுகள் திருப்தியாக இருக்கும். சுமாரான நிலையில் இருப்பவர்கள் கூட படிப்படியாக உயர்ந்து நல்ல நிலையை அடையக் கூடிய சந்தர்ப்பம், சூழ்நிலை அமையும். பெயர், புகழ் அதிகரிக்கும். சொன்ன சொல்லை காப்பாற்றுவீர்கள். விலகிச் சென்ற குடும்ப உறவுகள் தவறுகளை உணர்ந்து மீண்டும் உங்களிடம் வருவார்கள்.

பெண்கள் குடும்ப நலனில் கண்ணும் கருத்துமாக இருப்பீர்கள். ராசி அதிபதி செவ்வாய் உச்சம் பெற்று இருப்பதால் ஆடம்பரமான, விலை உயர்ந்த பொருட்களில் ஆர்வம் மிகும். தினமும் காலை, மாலையில் வீட்டில் நெய் தீபம் ஏற்றி கந்த சஷ்டி கவசம் படிக்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

14th March : வெற்றிச் செய்திகள் வீடு தேடி வரும் நாள்

தேதி : 14th மார்ச் 2022

வெற்றிச் செய்திகள் வீடு தேடி வரும் நாள். உடன்பிறப்புகளின் ஒத்துழைப்பு கிடைக்கும். நீண்ட நாளைய பிரச்சினையொன்று நல்ல முடிவிற்கு வரும். வழிபாட்டில் அதிக ஆர்வம் காட்டுவீர்கள்