நாகலாந்து

கோஹிமா:

வடகிழக்கு மாநிலங்களான திரிபுரா, மேகாலயா, நாகாலாந்து சட்டசபைகளுக்கு தேர்தல் அறிவிக்கப்பட்டது. இதில் திரிபுராவில் கடந்த 16-ம் தேதியும், மேகாலயா, நாகாலாந்துக்கு நேற்றும் (27-ம் தேதியும்) வாக்குப்பதிவு நடைபெற்றது. இந்த 3 மாநில தேர்தல் முடிவுகளும் மார்ச் 2-ம் தேதி வெளியாகும் என அறிவிக்கப்பட்டுள்ளது.

இதற்கிடையே, 3 மாநில தேர்தலுக்குப் பிந்தைய கருத்துக்கணிப்பு முடிவுகள் தற்போது வெளியாகி உள்ளது. அதில் இரு மாநிலங்களில் பா.ஜ.க. ஆட்சியைக் கைப்பற்றும் என கூறப்பட்டுள்ளது.

நாகாலாந்தில் என்.டி.பி.பி - பாஜக கூட்டணி ஆட்சியை தக்கவைக்கும் என்றும், என்டிடிபி 38 - 48 தொகுதிகளிலும், என்பிஎஃப் 3 - 8 தொகுதிகளிலும் காங்கிரஸ் 1 - 2 தொகுதிகளிலும், மற்றவை 5 - 15 இடங்களிலும் வெற்றி பெறும் என்றும் கருத்துக்கணிப்பில் தகவல் வெளியாகி இருந்தது.

இந்நிலையில், தேர்தல் பொது பார்வையாளர்கள் அளித்த அறிக்கையின் படி, நாகாலாந்து சட்டசபை தொகுதிகளில் உள்ள 4 வாக்குச் சாவடிகளில் மார்ச் 1-ம் தேதி (நாளை) மறுவாக்குப்பதிவு நடைபெறும் என இந்தியத் தேர்தல் ஆணையம் இன்று அறிவித்துள்ளது.

அதன்படி ஜூன்ஹிபோட்டோ சட்டமன்றத் தொகுதியின் கீழ் உள்ள நியூ காலனி, சனீஷ் தொகுதியின் கீழ் பாங்க்ரி வீ. டிஷீட் சட்டமன்றத் தொகுதியின் கீழ் ஜபோகா கிராம வாக்குச் சாவடி மற்றும் தோனாக்யூ சட்டமன்றத் தொகுதியின் கீழ் பாஸ்தோ கிழக்குப் பகுதி ஆகியவற்றில் மறு வாக்குப்பதிவு காலை 7 மணி முதல் மாலை 4 மணி வரை நடைபெறும் என தெரிவிக்கப்பட்டுள்ளது.

நாகலாந்து, திருமாபூரில் இன்று தேர்தல் பிரசாரம் நடைபெற்றது. இதில் கலந்துக்கொண்டு பேசிய பிரதமர் மோடி, "வடகிழக்கு மாநிலங்களை காங்கிரஸ் ஏடிஎம் ஆக பயன்படுத்துகிறது. அதே நேரத்தில் வடகிழக்கின் எட்டு மாநிலங்களை பாஜக 'அஷ்டலட்சுமி' (லட்சுமி தேவியின் எட்டு வடிவங்கள்) எனக் கருதுகிறது. மாநிலங்களின் அமைதி மற்றும் வளர்ச்சிக்காக உழைக்கிறது. நாகாலாந்தில் நிரந்தர அமைதியை ஏற்படுத்த பாஜக கூட்டணி பாடுபடுகிறது. இதனால் ஆயுதப்படைகள் (சிறப்பு அதிகாரங்கள்) சட்டம் 1958 மாநிலத்திலிருந்து முழுமையாக நீக்கப்பட்டது" என்றார்.

பிரசாரத்தில் பிரதமர் மோடி மேலும் கூறியதாவது:-

சொந்த மக்கள் மீது அவநம்பிக்கை கொண்டு நாட்டை நடத்த முடியாது. மாறாக அவர்களுக்கு மதிப்பளித்து, அவர்களின் பிரச்சினைகளுக்கு தீர்வு காண்பதன் மூலம் மட்டுமே நாட்டை முன்னேற்ற வேண்டும்.

முன்பு வடகிழக்கு மாநிலங்களில் பிளவு அரசியல் இருந்தது. இப்போது அதை தெய்வீக ஆட்சியாக மாற்றியுள்ளோம். மதத்தின் அடிப்படையில் பாஜக மக்களை பாகுபாடு காட்டுவதில்லை. காங்கிரஸ் ஆட்சியின் போது நாகலாந்தில் அரசியல் ஸ்திரமின்மை இருந்தது. அக்கட்சி டெல்லியிலிருந்து வடகிழக்கு பகுதியை ரிமோட் மூலம் கட்டுப்படுத்தியது. வம்ச அரசியலுக்கு, டெல்லி முதல் திமாபூர் வரை முன்னுரிமை அளிக்கப்பட்டது.

பாஜக தலைமையிலான தேசிய ஜனநாயகக் கூட்டணி (என்டிஏ) நாகாலாந்தை இயக்குவதற்கு அமைதி, முன்னேற்றம் மற்றும் செழிப்பு ஆகிய மூன்று மந்திரங்களை ஏற்றுக்கொண்டுள்ளது.

தொழில்நுட்பத்தைப் பயன்படுத்தி ஊழலில் பாஜக பெரும் பள்ளத்தை அடைத்துள்ளது. இதன் விளைவாக டெல்லியில் இருந்து அனுப்பப்படும் பணம் பயனாளிகளின் வங்கிக் கணக்கில் நேரடியாக வரவு வைக்கப்படுகிறது.

இவ்வாறு அவர் கூறினார்.

கோஹிமா :

நாகாலாந்து சட்டசபை தேர்தலையொட்டி, மான் டவுன் என்ற இடத்தில் நடந்த பிரசார பொதுக்கூட்டத்தில் மத்திய உள்துறை மந்திரி அமித்ஷா கலந்து கொண்டார். அங்கு அவர் பேசியதாவது:-

பிரதமர் மோடி, உலகம் முழுவதும் மதிக்கப்படுபவர். நாட்டின் 80 கோடி ஏழைகள் வாழ்க்கையில் மகிழ்ச்சியை உண்டாக்கியவர். அப்படிப்பட்ட எங்கள் அன்புக்குரிய தலைவர் பற்றி காங்கிரஸ் செய்தித்தொடர்பாளர் ஒருவர் பயன்படுத்திய வார்த்தை கண்டனத்துக்குரியது.

ராகுல்காந்தி தலைவர் ஆனதில் இருந்து காங்கிரசின் தரம் நாளுக்குநாள் சரிந்து வருகிறது. 2024 நாடாளுமன்ற தேர்தலுக்கு பிறகு தொலைநோக்கி வைத்து பார்த்தால் கூட காங்கிரசை பார்க்க முடியாது என்று ராகுல்காந்திக்கு சொல்லிக் கொள்கிறேன். அந்த அளவுக்கு ஓட்டுச்சீட்டு மூலமாக மக்கள் பதில் அளிப்பார்கள்.

இவ்வாறு அவர் பேசினார்.

காங்கிரஸ் செய்தித்தொடர்பாளர் பவன் கேரா, சமீபத்தில் தொழிலதிபர் கவுதம் அதானியை பிரதமர் மோடியுடன் தொடர்புபடுத்தும்வகையில், 'நரேந்திர கவுதம்தாஸ் மோடி' என்று பிரதமர் பெயரை குறிப்பிட்டார். அதற்குத்தான் அமித்ஷா கண்டனம் தெரிவித்ததாக தெரிகிறது.

கோகிமா:

14 மாநிலங்களுக்கு புதிய கவர்னர்களை நியமித்து ஜனாதிபதி திரவுபதி முர்மு கடந்த வாரம் உத்தரவிட்டார்.

பா.ஜனதா மூத்த தலைவர்களில் ஒருவராக இருந்த தமிழகத்தை சேர்ந்த இல.கணேசன் மணிப்பூர் மாநில கவர்னராக இருந்தார். அவர் நாகாலாந்து கவர்னராக மாற்றப்பட்டார். ஜெகதீஷ் முகிக்கு பதிலாக அவர் மாற்றப்பட்டார். ஜெகதீஷ் அசாம் கவர்னராக நியமிக்கப்பட்டுள்ளார்.

இந்த நிலையில் நாகாலாந்து மாநில கவர்னராக இல.கணேசன் இன்று பதவியேற்றுக் கொண்டார்.

கவர்னர் மாளிகையில் நடந்த நிகழ்ச்சியில் கவுகாத்தி ஐகோர்ட்டின் தலைமை நீதிபதி அவருக்கு பதவி பிரமாணம் செய்து வைத்தார்.

முதல்-மந்திரி நெய்பியூரியோ, துணை முதல்-மந்திரி ஓய்.பட்டான், சபாநாயகர், மந்திரிகள், டி.ஜி.பி. உள்ளிட்ட அதிகாரிகள் விழாவில் கலந்து கொண்டனர்.

வடகிழக்கு மாநிலமான நாகாலாந்தின் 21-வது கவர்னர் இல.கணேசன் ஆவார். அங்கு வருகிற 27ந் தேதி சட்டசபை தேர்தல் நடக்கிறது.

நாகை:

நாகை மாவட்ட கலெக்டர் அருண்தம்புராஜ் வெளியிட்டுள்ள செய்திக்குறிப்பில் கூறியிருப்பதாவது:-

நாகை மாவட்டம், நாகூர் நாகநாதர்கோவிலில் ஆனிமாத பிரம்மோற்சவ திருவிழா நடைபெற்று வருகிறது. தினமும் சுவாமி, அம்பாளுக்கு பல்வேறு வகையான அபிஷேகம், அலங்கார தீபாராதனை, வீதி உலா போன்ற நிகழ்ச்சிகளும் நடைபெற்று வந்தன.

விழாவின் முக்கிய நிகழ்ச்சியான தேரோட்டம் இன்று (செவ்வாய்க்கிழமை) நடைபெறுகிறது. இதையொட்டி நாகை வட்டத்தில் உள்ள பள்ளிகளுக்கு மட்டும் 12-ந்தேதி (இன்று) உள்ளூர் விடுமுறை அளிக்கப்படுகிறது. இந்த விடுமுறையை ஈடுசெய்யும் வகையில் வருகிற 30-ந் தேதி (சனிக்கிழமை) அன்று பள்ளிகள் செயல்படும்.

இவ்வாறு அதில் கூறப்பட்டுள்ளது.