அரியலூர்,
அரியலூர் மாவட்டம் உடையார்பாளையம் முழு நேர கிளை நூலகத்தில் மாணவ, மாணவிகளுக்கான ஓவியம், சதுரங்கம், கணினி, மெய்நிகர் உள்ளிட்ட கோடைக்கால பயிற்சி வகுப்புகள் கடந்த ஒருவாரம் நடைபெற்றது. இந்நிலையில் இந்த பயிற்சியில் வெற்றிப் பெற்றவர்களுக்கு சான்றிதழ் மற்றும் பரிசுகள் வழங்கும் நிகழ்ச்சி நூலகத்தில் நடைபெற்றது. இதில் ஓய்வூ பெற்ற தலைமை ஆசிரியர் இளங்கோவன் கலந்து கொண்டு மாணவ, மாணவிகளுக்கு அறிவுரை வழங்கி, கோடைக்கால பயிற்சி முகாமில் வெற்றி பெற்றவர்களுக்கு சான்றிதழ் மற்றும் பரிசுகளை வழங்கினார். நூலகப் பள்ளி ஒருங்கிணைப்பாளர் தமிழாசிரியர் ராமலிங்கம், நூலகப் பணியாளர் நடராஜன் ஆகியோர் சிறப்புரையாற்றினர். முன்னதாக நூலகர் முருகானந்தம் வரவேற்றார். முடிவில் துணை நூலகர் மணிவண்ணன் நன்றி கூறினார்.
