தெலுங்கானாவில் களை கட்டிய எருமைத் திருவிழா

திருப்பதி:

தெலுங்கானா மாநிலத்தில் தீபாவளி பண்டிகையையொட்டி துன்னபோத்து என்ற எருமைத் திருவிழா மாநில திருவிழாவாக கொண்டாட அரசு உத்தரவிட்டது. அதன்படி ஆண்டுதோறும் எருமை திருவிழா கோலாகலமாக கொண்டாடப்பட்டு வருகிறது.

தீபாவளி பண்டிகையையொட்டி பல்வேறு போட்டிகளில் வெற்றி பெற்ற எருமை மாடுகளை குளிப்பாட்டி மஞ்சள், குங்குமம், மாலை, தோரணங்கள் அணிவித்து நாராயணகுடாவில் இருந்து வீதிகள் வழியாக நர்சிங் மாட்டு சந்தைக்கு கொண்டுவரப்பட்டன.

மாட்டுச் சந்தைக்கு கொண்டுவரப்பட்ட எருமை மாடுகளை பலரும் போட்டி போட்டு லட்சக்கணக்கில் விலை கொடுத்து வாங்கினர்.

பின்னர் விலை கொடுத்து வாங்கப்பட்ட எருமை மாடுகள் ஊர்வலமாக அழைத்து சென்று கைதராபாத்தில் மிகப்பெரிய திருவிழாவாக கொண்டாடி மகிழ்ந்தனர். இதேபோல் மாநிலம் முழுவதும் எருமைத் திருவிழா களை கட்டியது.