தங்கம் விலை சவரனுக்கு ரூ.256 குறைந்தது

சென்னை:

தங்கம் விலையில் சில நாட்களாக ஏற்றத்தாழ்வு இருந்து வருகிறது. நேற்று பவுனுக்கு ரூ.80 குறைந்து ரூ.38 ஆயிரத்து 120-க்கு விற்றது.

இந்த நிலையில் தங்கம் விலை இன்று 2-வது நாளாக குறைந்தது. இதனால் தங்கம் பவுன் மீண்டும் ரூ.38 ஆயிரத்துக்கு கீழ் வந்தது.

சென்னையில் இன்று காலை ஆபரண தங்கத்தின் விலையில் பவுனுக்கு ரூ.256 குறைந்தது. ஒரு பவுன் ரூ.37 ஆயிரத்து 864-க்கு விற்றது. கிராமுக்கு ரூ.32 குறைந்து ரூ.4 ஆயிரத்து 733 ஆக உள்ளது.

தங்கத்தைப் போலவே வெள்ளி விலையும் குறைந்தது. வெள்ளி கிலோ வுக்கு ரூ.700 குறைந்து ரூ.65 ஆயிரத்த 300 ஆக உள்ளது. ஒரு கிராம் வெள்ளி ரூ.65.30-க்கு விற்கிறது.

சில வாரங்களுக்கு முன்பு தங்கம் விலையில் தொடர்ந்து உயர்வு காணப்பட்டது. பவுன் ரூ. 38 ஆயிரத்தை தாண்டியது. அதன்பின் விலை குறைந்து ரூ.38 ஆயிரத்துக்கு வந்த நிலையில் விலையில் ஏற்றத்தாழ்வு இருக்கிறது.