தொடர்ந்து சரியும் தங்கம் விலை

சென்னை:

தங்கம் விலையில் சில நாட்களுக்கு முன்பு ஏற்ற-தாழ்வு இருந்து வந்தது. இதற்கிடையே கடந்த 13-ந்தேதி முதல் தங்கம் விலை தொடர்ந்து குறைந்து வந்தது. நேற்று பவுனுக்கு ரூ.168 குறைந்து ரூ.37 ஆயிரத்து 440-க்கு விற்றது.

இந்த நிலையில் இன்றும் தங்கம் விலை குறைந்தது. அதிரடியாக ஒரே நாளில் பவுனுக்கு ரூ.432 குறைந்தது. சென்னையில் இன்று காலை ஆபரண தங்கத்தின் விலை பவுன் ரூ.37 ஆயிரத்து 8-க்கும், ஒரு கிராம் ரூ.4 ஆயிரத்து 626-க்கும் விற்றது.

வெள்ளி கிலோவுக்கு ரூ.500 அதிகரித்து ரூ.61 ஆயிரத்து 600 ஆக உள்ளது. ஒரு கிராம் வெள்ளி ரூ.61.60-க்கு விற்கிறது.

தங்கம் விலை தொடர்ந்து குறைந்து வருவது நடுத்தர மற்றும் ஏழை மக்களுக்கு ஆறுதல் அளிக்கும் வகையில் உள்ளது. விலை தொடர்ந்து குறைந்து பவுன் ரூ.37 ஆயிரத்துக்கு கீழ் வருமா என்று எதிர்பார்க்கப்படுகிறது. 4 நாட்களில் தங்கம் பவுனுக்கு ரூ.952 குறைந்துள்ளது என்பது குறிப்பிடத்தக்கது.