தங்கம் விலை சவரனுக்கு ரூ.80 உயர்வு

சென்னை:

சென்னையில் கடந்த ஒரு வாரமாக தங்கத்தின் விலை உயர்ந்து வருகிறது. நேற்று கிராம் 4,805 ஆக இருந்த தங்கம் இன்று 4,815-க்கு விற்கப்படுகிறது. பவுன் ரூ.38 ஆயிரத்து 440-ல் இருந்து ரூ.38 ஆயிரத்து 520 ஆக உயர்ந்து உள்ளது.

ஒரேநாளில் தங்கத்தின் விலை கிராம் ரூ 10-ம் பவுன் ரூ.80-ம் அதிகரித்து இருக்கிறது. இதேபோல் வெள்ளி விலையும் உயர தொடங்கி உள்ளது. கிராம் ரூ.62.30-ல் இருந்து ரூ.63.70 ஆகவும் ஒரு கிலோ ரூ.62 ஆயிரத்து 300-ல் இருந்து ரூ.63 ஆயிரத்து 700 ஆகவும் அதிகரித்து உள்ளது.

முகூர்த்த மாதமான ஆவணி நெருங்கி வரும் நிலையில் தங்கத்தின் விலை தொடர்ந்து அதிகரித்து வருவது பொதுமக்களை அதிர்ச்சி அடைய வைத்துள்ளது.