நாங்களும் கொடி ஏற்றுவோம்ல...

தி.மு.க., காங்கிரஸ், பா.ஜனதா, கம்யூனிஸ்டு கட்சிகளுக்கு சொந்த இடத்தில் சொந்த கட்டிடங்கள் உள்ளன. தி.மு.க. கூட்டணியில் இருக்கும் விடுதலை சிறுத்தைகளின் கட்சி அலுவலகம் அசோக் நகரில் உள்ளது. அந்த இடம் தொடர்பான வழக்கு நிலுவையில இருப்பதால் பெரிய அளவில் கட்டிடம் கட்ட முடியவில்லை என்பது சிறுத்தை தம்பிகளுக்கு பெரிய வருத்தமாம்.

அண்ணா, கட்டிடம்தான் கட்ட முடியவில்லை. தி.மு.க., காங்கிரஸ் மாதிரி நாமும் பிரமாண்ட கொடிக்கம்பம் அமைத்து அவர்களை போல் ரிமோட்டில் கொடி ஏற்றுவோம் என்று தங்கள் ஆசையை வெளியிடவே அண்ணன் திருமாவளவனும் சம்மதிக்கவே சில லட்சங்களை செலவு செய்து பிரமாண்டமாக ஒரு கொடிக்கம்பத்தை அமைத்து அதில் ஆரவாரமில்லாமல் நட்சத்திர கொடியை ஏற்றி மகிழ்ந்தார்கள்.