நீங்கள் தேடியது "ஆடம்பர கார்"

 

மெர்சிடிஸ் பென்ஸ் நிறுவனத்தின் புத்தம் புதிய சி.எல்.எஸ். 4-டோர் கூப் மாடல் இந்தியாவில் அறிமுகம் செய்யப்பட்டுள்ளது. புதிய ஆடம்பர கார் மாடலின் துவக்க விலை ரூ.84.7 லட்சம் (எக்ஸ்-ஷோரூம்) முதல் துவங்குகிறது.

புதிய பென்ஸ் சி.எல்.எஸ். கார் விரைவில் அறிமுகமாக இருக்கும் ஆடியோ ஏ7, பி.எம்.டபுள்யூ. 6 சீரிஸ் கிரான் கூப் மாடல்களுக்கு போட்டியாக அமையும் என எதிர்பார்க்கப்படுகிறது. மெல்லிய வடிவமைப்பில் கவர்ச்சிகர நான்கு கதவுகள் கொண்ட கூப் மாடலில் ஸ்லோப்பிங் ரூஃப்லைன், ஃபிரேம்லெஸ் கதவுகள் வழங்கப்பட்டுள்ளது.

மெர்சிடிஸ் பென்ஸ் சி.எல்.எஸ். மாடலில் புதுவித ஹெட்லேம்ப்கள் மற்றும் முற்றிலும் புதிய கிரில் வடிவமைப்பு கொண்டிருக்கிறது. பின்புறம் டெயில் லேம்ப் கிளஸ்டர், கிடைமட்டமாக வைக்கப்பட்ட டெயில் லேம்ப்கள் மற்றும் சிறிய ஸ்டபி பூட் வழங்கப்பட்டுள்ளது. இந்த காரில் 5-ஸ்போக் 18 இன்ச் வீல்கள் சில்வர் நிற ஷேட் கொண்டிருக்கிறது.

காரின் உள்புற கேபினில் அழகிய வடிவமைப்பு மற்றும் உயர் ரக மரத்தாலான டேஷ்போர்டு, நான்கு ஜெட் டர்பைன் ஏ.சி. வென்ட்கள் வழங்கப்பட்டுள்ளது. இரண்டு பெரிய ஸ்கிரீன்களில் ஒன்று இன்ஃபோடெயின்மென்ட் மற்றொன்று டிஜிட்டல் டேஷ்போர்டு போன்று செயல்படுகிறது.

புதிய சி.எல்.எஸ். ஐந்து பேர் அமரக்கூடிய வாகனம் என்றாலும், நான்கு பேர் வரை பயணிக்கக்கூடியதாக இருக்கிறது. பொனெட்டில் புதிய சி.எல்.எஸ். மாடலில் பி.எஸ். VI ரக 2.0 லிட்டர் என்ஜின் வழங்கப்பட்டுள்ளது. இந்த என்ஜின் 242 பி.ஹெச்.பி. பவர், 500 என்.எம். டார்கியூ செயல்திறன் மற்றும் 9-ஸ்பீடு டூயல் கிளட்ச் கியர்பாக்ஸ் கொண்டிருக்கிறது. 

இந்த கார் 6.2 நொடிகளில் மணிக்கு 0-100 கிலோமீட்டர் வேகத்தில் செல்லும் என்றும், அதிகபட்சம் மணிக்கு 250 கிலோமீட்டர் வேகத்தில் செல்லும்.

இந்தியாவின் பிரபல ஆடம்பர கார் தயாரிப்பு நிறுவனமாக அறியப்படும் மெர்சிடிஸ் பென்ஸ் செப்டம்பர் 1-ம் தேதி முதல் தனது கார் மாடல்களின் விலையை உயர்த்துகிறது.

நிர்வாக கட்டண செலவீனங்கள் அதிகரித்திருப்பதே திடீர் விலை உயர்வுக்கு காரணமாக தெரிவிக்கப்பட்டுள்ளது. கடந்த எட்டு மாதங்களில் யூரோவுக்கு எதிரான இந்திய ரூபாய் மதிப்பு ஐந்து சதவிகிதம் வரை குறைந்திருப்பதும், ரெபோ கட்டணம் கடந்த சில மாதங்களில் 0.5 சதவிகிதம் வரை அதிகரித்து இருக்கிறது.

இவை அனைத்தும் மெர்சிடிஸ் இந்தியா தனது வாகனங்களின் விலையை உயர்த்த காரணமாக தெரிவித்துள்ளது. 

செலவீன கட்டணங்கள் விலை உயர்வு மற்றும் ஃபோரெக்ஸ் கட்டணங்கள் எதிர்பார்த்தபடி இல்லாதது போன்றவை விலை உயர்வுக்கு காரணமாக அமைந்து விட்டது என மெர்சிடிஸ் இந்தியா நிர்வாக இயக்குனர் மற்றும் தலைமை செயல் அதிகாரியான ரோலாண்ட் ஃபோல்ஜர் தெரிவித்தார்.

இந்திய ரூபாய் மதிப்பு தொடர்ந்து சரிந்து வருவதால் எங்களுக்கு குறைவான நடவடிக்கைகளில் நிலைமையை கட்டுக்குள் வைக்க வேண்டிய சூழல் ஏற்பட்டது. தற்போதைய சூழ்நிலையில் மாடல்களின் விலை மாற்றம் செய்வதே தீர்வாக இருக்கும் என மெர்சிடிஸ் பென்ஸ் வெளியிட்டிருக்கும் அறிக்கையில் தெரிவிக்கப்பட்டுள்ளது.

புதுடெல்லி:

பிஎம்டபுள்யூ நிறுவனத்தின் 2019 எக்ஸ்5 அறிமுகம் செய்யப்பட்டது. நான்காம் தலைமுறை எக்ஸ்5 எஸ்யுவி மாடலில் பல்வேறு மாற்றங்கள் மேற்கொள்ளப்பட்டுள்ளன.

அடுத்த ஆண்டு அறிமுகம் செய்யப்பட இருக்கும் புதிய பிஎம்டள்யூ மாடல் பிரிமீயம் எஸ்யுவி மாடலின் 20-வது ஆண்டு விழாவை முன்னிட்டு வெளியிடப்படுகிறது.

பக்கவாட்டுகளில் கிரீஸ் லைன்கள் முந்தைய மாடல்களை விட மிக நேர்த்தியாக மாற்றப்பட்டுள்ளது. எனினும் ஒட்டுமொத்த தோற்றம் தற்போதைய மாலை போன்றே காட்சியளிக்கிறது. புதிய மாடல் முந்தைய மாடலை விட நீலமாகவும், அகலமாகவும், உயரமாக இருக்கிறது.

 

இதன் வீல்பேஸ் 42 மில்லிமீட்டர் வரை அதிகரிக்கப்பட்டுள்ளது, குளோபல் வேரியன்ட் 20 இன்ச் 5-ஸ்போக் கொண்ட வீல்களை கொண்டிருக்கும் என கூறப்படுகிறது. எனினும் இந்த ஆப்ஷன் இந்தியாவில் வெளியிடப்படும் மாடலில் இருக்காது என கூறப்படுகிறது.

பின்புறம் வடிவமைப்பு முற்றிலும் மாற்றப்பட்டு, புதிய டெயில் லேம்ப் மற்றும் பம்ப்பர்களை கொண்டுள்ளது. இதன் ஸ்பாயிலர் மற்றும் ஷார்க்-ஃபின் ஆன்டெனா புதிய மாடலில் மிகவும் அழகாக காட்சியளிக்கிறது. 

உள்புற டேஷ்போர்டு அதிநவீன வடிவமைப்பு கொண்டிருக்கிறது. மேலும் புதிய பிஎம்டபுள்யூ எக்ஸ்5 புத்தம் புதிய 'லைவ் காக்பிட் புரோஃபஷனல்' யூனிட் கொண்டிருக்கும் முதல் மாடல் என்ற பெருமையை பெற்றிருக்கிறது. இதில் 12.3 இன்ச் ஹெச்டி டிஸ்ப்ளேக்களும் அடங்கும், இவை இன்ஸ்ட்ரூமென்ட் கிளஸ்டர் மற்றும் இன்ஃபோடெயின்மென்ட் சிஸ்டம் ஆகும்.

இந்த சிஸ்டம் 20 ஜிபி இன்டெர்னல் மெமரி, யுஎஸ்பி, ப்ளூடூத் கனெக்டிவிட்டி, ரியல்-டைம் வெயிக்கில் டேட்டாவை இயக்கும் வசதி வழங்கப்படுகிறது. இத்துடன் கனெக்ட்டெட் பேக்கேஜ் புரோஃபஷனல் அம்சம் வழங்கப்பட்டிருப்பதால், ரிமோட் சேவைகள், கான்சியர்ஜ், நேரலை டிராஃபிக் மற்றும் பல்வேறு இதர தகவல்களை வழங்குகிறது.

புதிய பிஎம்டபுள்யூ எக்ஸ்5 மாடலில் Xடிரைவ்40i ட்ரிம் வேரியன்ட் ஆக அறிமுகம் செய்யப்படும். இதில் 3.0 லிட்டர் ஸ்டிரெயிட்-சிக்ஸ் பெட்ரோல் இன்ஜின் வழங்கப்படுகிறது. இந்த இன்ஜின் 340 பிஹெச்பி மற்றும் 500 என்எம் டார்கியூ செயல்திறன் கொண்டுள்ளது. இந்தியாவில் இந்த மாடலில் தற்போதைய 3.0 லிட்டர் ஸ்டிரெயிட்-சிக்ஸ் டீசல் இன்ஜின் வழங்கப்படுகிறது, இந்த இன்ஜின் 265 பிஹெச்பி பவர், 620 என்எம் டார்கியூ வழங்குகிறது. இந்த இன்ஜின்கள் 8-ஸ்பீடு ZF ஆட்டோமேடிக் டிரான்ஸ்மிஷன் கொண்டுள்ளது. 

2019-ம் ஆண்டின் முதல் காலாண்டில் சர்வதேச சந்தையில் புதிய பிஎம்டபுள்யூ எக்ஸ்5 அறிமுகம் செய்யப்படலாம் என எதிர்பார்க்கப்படுகிறது. இதைத் தொடர்ந்து இந்தியாவில் இந்த மாடல் அறிமுகம் செய்யப்பட இருக்கிறது. இந்தியாவில் இதன் விலை ரூ.80 லட்சம் (எக்ஸ்-ஷோரூம், டெல்லி) வரை நிர்ணயம் செய்யப்படலாம் என எதிர்பார்க்கப்படுகிறது.

புதுடெல்லி:

ஆடி நிறுவனத்தின் புதிய ஃபிளாக்ஷிப் எஸ்யுவி மாடல் ஷாங்காய் நகரில் ஜூன் 5-ம் தேதி நடைபெற இருக்கும் விழாவில் அறிமுகம் செய்யப்பட இருக்கிறது. 

அதிகாரப்பூர்வ வெளியீட்டுக்கு முன் ஆடி நிறுவனம் தனது ஃபிளாக்ஷிப் மாடலின் டீசரை வெளியிட்டிருக்கிறது. ஆடி கியூ5 புதிய டீசர் இரண்டு வரைப்படங்களில் மாடலின் சில தகவல்கள் வெளியாகியுள்ளது. இது ஏற்கனவே வெளியான ஸ்பை தகவல்களில் இடம்பெறவில்லை.

புதிய வரைப்படங்களில் ஆடி கியூ8 முன்புறமும், பின்புறமும் காட்சியளிக்கிறது. இதன் முன்பக்கம் ஹூட் கிரீஸ் மற்றும் ஹெக்சாகோனல் கிரில் மற்றும் செங்குத்தாக பொருத்தப்பட்டிருக்கும் க்ரோம் ஸ்லாட்கள் வழங்கப்பட்டுள்ளது. முன்பக்கத்தில் எல்இடி ஹெட்லைட்களும் பின்புறம் ஹேட்ச் மற்றும் டெயில் லைட்கள் வழங்கப்பட்டிருக்கிறது.

கிரீஸ் செய்யப்பட்ட ஃபென்டர்கள் சக்கரங்களின் மேல் வழங்கப்பட்டிருப்பதோடு புதிய டிரேப்சாய்ட எக்சாஸ்ட் காரின் தோற்றத்தை மாற்றுகிறது. இதுவரை வெளியாகி இருக்கும் கியூ சீரிஸ் மாடல்களை போன்று இல்லாமல் புதிய ஆடி கியூ8 வித்தியாச தோற்றம் பெற்றிருக்கிறது.

புதிய ஆடி கியூ8 ஆடம்பர கூப் மற்றும் ஸ்போர்ட் கூப் மாடல்களை சேர்த்ததாக இருக்கும். ஆடி கியூ8 மாடல் 2017 டெட்ராயிட் மோட்டார் விழாவில் அறிமுகம் செய்யப்பட்ட கான்செப்ட் மாடலை தழுவி உருவாக்கப்பட்டிருக்கிறது.

புதுடெல்லி:

இந்தியாவின் பிரபல ஆடம்பர கார் தயாரிப்பு நிறுவனமான மெர்சிடிஸ் இந்திய சந்தைக்கான 1,00,000 யூனிட் தயாரித்திருக்கிறது. இ-கிளாஸ் செடான் மாடல் மெர்சிடிஸ் நிறுவனத்தின் 1,00,000 யூனிட்டாக வெளியிடப்பட்டுள்ளது. 

மெர்சிடிஸ் நிறுவன தலைவர், தலைமை செயல் அதிகாரியான ரோலன்டு ஃபோல்கர் மற்றும் மெர்சிடிஸ் பென்ஸ் இந்தியா நிறுவன செயல் இயக்குனர் பியூஷ் அரோரா தயாரிப்பு ஆலையில் இருந்து 100,000 யூனிட் இ-கிளாஸ் செடானை வெளியிட்டனர்.

இந்தியாவில் மெர்சிடிஸ் நிறுவனம் மீது மக்கள் வைத்திருக்கும் நம்பிக்கைக்கு 1,00,000 யூனிட் வெளியீடு மிகச்சிறந்த உதாரணம் ஆகும் என ரோலன்ட் ஃபோல்கர் தெரிவித்தார். 

மேலும் 1,00,000 யூனிட் முந்தைய மற்றும் தற்போதைய மெர்சிடிஸ் இந்தியா ஊழியர்களின் அயராத உழைப்புக்கான ஊதியம் என அவர் மேலும் தெரிவித்தார். இந்தியாவில் மெர்சிடிஸ் தயாரிப்புகளுக்கு கிடைத்திருக்கும் வரவேற்பை வைத்து பார்க்கும் போது அடுத்த மைல்கல் சாதனையை மிக விரைவில் எட்டுவோம் என அவர் தெரிவித்தார்.

இந்தியாவில் 1,00,000 யூனிட் வெளியாகி இருப்பது மெர்சிடிஸ் பென்ஸ் இந்தியாவின் மேக் இன் இந்தியா திட்டத்தை பரைசாற்றும் வகையில் அமைந்துள்ளது. என பியூஷ் அரோரா தெரிவித்துள்ளார். எவ்வித தயாரிப்பு இலக்குகளையும் எதிர்கொள்ள தயாராக இருக்கிறோம். மேலும் எதிர்கால தொழில்நுட்பங்களை பயன்படுத்துவோம் என அவர் மேலும் தெரிவித்தார்.