நீங்கள் தேடியது "இந்திய ஜூனியர் அணி"

புதுடெல்லி:

தெற்காசிய கால்பந்து கூட்டமைப்பு (எஸ்ஏஎப்எப்) சார்பில் நேபாள தலைநகர் காத்மாண்டுவில் 15 வயதிற்குட்பட்டோருக்கான சாம்பியன்ஷிப் போட்டி நடைபெற்று வருகிறது. இதில், இந்திய அணி இன்று நடைபெற்ற காலிறுதி ஆட்டத்தில் பூட்டான் அணியை எதிர்கொண்டது.

துவக்கத்தில் இருந்தே ஆதிக்கம் செலுத்திய இந்திய வீரர்கள், பூட்டான் வீரர்களை முன்னேற விடாமல் தடுத்ததுடன், வாய்ப்புகளை வீணடிக்காமல் கோல் அடித்தனர். 4-வது நிமிடத்தில் பெனால்டி வாய்ப்பில் ஷுபோ கோல் அடித்து கணக்கை தொடங்கினார்.

அதன்பின்னர் 66-வது நிமிடத்தில் சுபாவும், 83-வது நிமிடத்தில் ஷுபோவும், 89-வது நிமிடத்தில் அமானும் கோல் அடித்து அசத்தினர். பூட்டான் வீரர்களின் கோல் முயற்சி வீணானது. இறுதியில் 4-0 என இந்தியா வெற்றி பெற்று இறுதிப் போட்டிக்கு முன்னேறியது. #SAFFChampionship #IndianFootball #SAFFU15Championship

பெல்கிரேடு:

இந்தியா, செர்பியா, ஜோர்டான், தஜிகிஸ்தான் ஆகிய நாடுகள் இடையிலான (16 வயதுக்கு உட்பட்டோர்) கால்பந்து போட்டி செர்பியாவில் நடந்தது. இதில் கடைசி லீக் ஆட்டத்தில் இந்திய அணி 4-2 என்ற கோல் கணக்கில் தஜிகிஸ்தானை தோற்கடித்து சாம்பியன் பட்டத்தை தனதாக்கியது.



இந்திய அணி முதல் ஆட்டத்தில் செர்பியாவுடன் டிரா (0-0) செய்து இருந்தது. 2-வது ஆட்டத்தில் 2-1 என்ற கோல் கணக்கில் ஜோர்டானை தோற்கடித்து இருந்தது.